लग्नाला फक्त 6 महिने झालेत, नव-याची वागणुक बदलली अन् सारंच संपलं, मी काय करू आणि सर्व पुरूष असेच असतात का?

प्रश्न : मी एक 28 वर्षांची विवाहित तरुणी आहे. माझ्या लग्नाला 6 महिने झाले आहेत. हे 6 महिने खरंच सुखाचे होते. मला जोडीदार सुद्धा मनासारखा मिळाला होता. आमचे लग्न आई वडिलांनीच ठरवून दिले होते. पण लग्नाआधी आम्ही काही वेळ एकमेकांना भेटलो, समजून घेतलं आणि प्रेमात सुद्धा पडलो आणि त्यानंतरच आम्ही लग्नाचा निर्णय घेतला. लग्न होईपर्यंत आणि झाल्यावर सुद्धा मी खूप खुश होती. पण आता काही महिन्यांपासून मला खूप एकटं एकटं वाटू लागलं आहे.

मला सतत माझ्या नवऱ्याची उणीव भासते. त्यांचा मिळणारा वेळ मला कमी वाटतो. या आधी मी कधीच अशी एकटी राहिलेली नाही. त्यामुळे मला या गोष्टीचा खूप त्रास होतो. शिवाय सतत असे वटते की यामुळे आमचे नाते खराब होईल किंवा संपून जाईल. (गोपनीयतेच्या कारणाने आम्ही व्यक्तीची ओळख उघड करत नाही. वापरेलेले सर्व फोटोज हे सांकेतिक आहेत.)

नेमके काय होते आहे?

आम्ही दोघेही वर्किंग असल्याने एकमेकांना वेळ देऊ शकत नाही आहोत. माझे पती सकाळी लवकर कामाला जातात आणि उशिरा घरी येतात. त्यामुळे आम्हाला दिवसातून केवळ 2 ते 4 तासच एकत्र मिळतात. विकेंडला आम्हाला काही वेळ मिळायचा पण माझ्या पतीने चांगल्या जॉबसाठी अजून काही नवीन गोष्टी शिकण्याचे ठरवले आणि आता ते त्यामध्ये बिझी असतात. असेही नाही की मला लग्नाआधी या गोष्टी माहित नव्हत्या, पण आता झालंय असं की मला मी अडकल्यासारखी वाटते आहे. मला असं वाटतंय की त्यांनी हे सगळं सोडावं आणि केवळ मलाच वेळ द्यावा. मला कळत नाहीये माझा हा विचार किती चूक आहे आणि किती बरोबर?

(वाचा :- Akshay Kumar : लाखो मुली फिदा असतानाही एकाच मुलीवर जीवापाड प्रेम, अक्षय कुमारने केली 21 वर्षांच्या संसारातील रंजक सीक्रेट उघड..!)

जाणकारांचे उत्तर

फोर्टिस हेल्थकेअर मधील मानसोपचारतज्ज्ञ कामना छिब्बर ह्या प्रश्नाचे उत्तर देताना म्हणतात की, “अनेक कपल्स लग्नानंतर अशा स्थितीमधून जातात. लग्नाआधी त्यांनी आपलं आयुष्य काही वेगळं इमेजीन केलेलं असतं, पण लग्नानंतर गोष्टी वेगळ्या घडू लागतात आणि त्याचा त्यांना त्रास होतो. तुमच्या केसमध्ये सुद्धा मला तीच गोष्ट दिसते आहे. पण नवऱ्याला ज्या गोष्टी करण्याची आवड आहे त्याच्यात त्याला अडवू नये, यामुळे नात्यात अधिक दुरावा येऊ शकतो. पण हो तुमच्या मनातील खदखद सुद्धा तुम्ही वेळीच बोलून दाखवायला हवी. नाहीतर तुमचा संयम सुटू शकतो.”

(वाचा :- प्रेग्नेंट सूनबाई आलिया भट्टने सासूबाई नीतू कपूरवर लिहिलेली ही पोस्ट व्हायरल, वाचून लागेल 440 व्होल्टचा झटका..!)

लोकांमध्ये मिसळा

डॉक्टर पुढे असेही म्हणतात की, “तुम्ही म्हणालात की तुम्हाला सतत एकटं एकटं वाटतं. तर अशावेळी तुम्ही अधिकाधिक लोकांमध्ये मिसळण्याचा प्रयत्न केला पाहिजे. तुम्ही अन्य लोकांशी मैत्री करा. त्यांच्याची विचारांची देवाणघेवाण करा. कदाचित त्यात तुम्हाला एखादी चांगली मैत्रीण भेटू शकते, जिच्यासोबत तुम्ही सर्व सुख दु:ख शेअर करू शकाल. यामुळे तुमचा एकटेपणा दूर होईल आणि तुमच्या पतीबाबत जी मनात खदखद सुरु हे ती देखील दूर होईल.”

(वाचा :- माझी कहाणी : साखरपुडा झाल्यानंतर होणारा नवरा मोडतो आहे लग्न, कारण त्याला माझ्या शरीरात दिसू लागलीये ‘ही’ कमी..!)

नवऱ्याशी नक्की चर्चा करा

डॉक्टरांनी महत्त्वाचा सल्ला देताना सांगितले की, “ही अशी गोष्ट आहे जी तुम्ही जास्त वेळ मनात ठेवून संसार करू शकत नाही. कारण यामुळे तुम्ही सतत दु:खी राहाल आणि मग हे दु:ख तुमच्या नवऱ्याच्या नजरेतून सुद्धा सुटणार नाही. त्याला सुद्धा काळजी लागून राहील की नक्की तुम्ही कोणत्या कारणामुळे दु:खी आहात. याचा परिणाम म्हणून त्याच्या कामात सुद्धा त्याचे लक्ष लागणार नाही आणि एकंदरीत तुमचा पूर्ण संसारच दु:खी होईल. हे होऊ द्यायचे नसेल तर एकमेकांशी बोला. बोलल्याने अनेक प्रश्न सुटतात.”

(वाचा :- सावधान, तुम्ही सुद्धा बॉस किंवा मॅनेजरसोबत कॉलऐवजी मेसेजवर बोलताय? होईल श्रेयससारखी विचित्र हालत, जाऊ शकतो जॉब)

समजावून सांगा

शेवटी डॉक्टर म्हणतात की, “नवऱ्याशी जेव्हा तुम्ही बोलाल तेव्हा त्यांना अजिबात असे वाटू देऊ नका तुम्ही त्याला त्यांची स्वप्न सोडायला सांगत आहात. उलट त्यांना सांगा की तुम्ही नेहमी त्यांच्या सोबत आहात. फक्त तुम्हाला सुद्धा त्यांची गरज आहे. आपल्याला एक पत्नी आहे ही गोष्ट करियरच्या वा स्वप्नांच्या मागे धावता धावता विसरू नये ही गोष्ट त्यांच्या लक्षात आणून द्या. कदाचित यामुळे त्यांनाही तुमच्या भावना कळतील आणि सारं काही आलबेल होईल.”

(वाचा :- पुरूषहो, तुमच्या ‘या’ चित्रविचित्र सवयी महिलांना वाटतात अत्यंत सेक्सी व आकर्षक, असं करा मुलींना झटक्यात इम्प्रेस..!)