खरा बादशाह! शाहरुख खानने ११ वर्षापूर्वीच केलेली भविष्यवाणी, आता ठरतेय तंतोतंत खरी

मुंबई- बॉलिवूडमधील सिनेमांवर बहिष्कार टाकण्याचा ट्रेंड गेल्या काही दिवसांपासून वाढत आहे. प्रत्येक नव्या सिनेमाला बायकॉट करण्याच्या प्रकारामुळे सिनेनिर्मात्यांपासून कलाकारांपर्यंत अनेकांना याचा फटका बसत आहे. कधी सिनेमातील वादग्रस्त सीनवरून तर कधी कलाकारांनी केलेल्या विधानांवरून सिनेमाभोवती बहिष्काराचा प्रचार केला जात आहे.

सिनेमा हिट करणं जसं प्रेक्षकांच्या हातात असतं तसं सिनेमा बॉक्स ऑफिसवर फ्लॉप करणंही प्रेक्षकांवरच अवलंबून असतं, त्यामुळेच सिनेमांकडे प्रेक्षक पाठ फिरवताना दिसत आहेत. सध्या जे चित्र बॉलिवूडमध्ये दिसतय त्यावर अभिनेता शाहरुख खान ११ वर्षांपूर्वीच यावर भाष्य केलं होतं.

शाहरुख गेल्या अनेक दिवसांपासून बॉलिवूडपासून लांब आहे. २०१८ ला त्याचा झिरो सिनेमा प्रदर्शित झाला होता जो त्याच्या करिअरमधील सर्वात फ्लॉप सिनेमांपैकी एक आहे. खरंतर शाहरुख त्याच्या भूमिकांमध्ये सातत्याने प्रयोग करत असतो. १० वर्षांपूर्वी शाहरुखचा रा वन सिनेमा हाही वेगळा प्रयोग होता, तो सिनेमा फारसा चालला नाही पण त्यातील व्हीएफएक्स प्रेक्षकांसाठी नवीन होते जे आज सर्रास वापरले जात आहे.

त्याचदरम्यान शाहरुखला काहीतरी जाणवलं आणि त्यातूनच त्याने एक खास वक्तव्य केलं होतं जे बॉलिवूडच्या भविष्याविषयी होतं. आज बॉलिवूडमध्ये दिसत असलेलं बायकॉट प्रकरण पाहता शाहरुखची भविष्यवाणी खरी ठरत असल्याचं दिसत आहे. २०११ मध्ये प्रिती झिंटासोबत शाहरुख खानचा एक इंटरव्हयू झाला होता. त्यावेळी तो असं म्हणाला होता की, पुढच्या काही वर्षात बॉलिवूडमध्ये असा एक प्रवाह येईल की लोक सिनेमे बघणं बंद करतील. हिंदी सिनेमा बघावा असं प्रेक्षकांना वाटणार नाही. आज काहीअंशी हेच होताना दिसत आहे.

शाहरुख असंही म्हणाला होता की, कलाकार म्हणून मला काहीतरी वेगळं करावं लागेल. माझं करिअर संपल्यानंतरही मला लोकांनी लक्षात ठेवलं पाहिजे असं मला वाटतं. व्हीएफएक्स तंत्र मी पहिल्यांदा पडद्यावर आणलं असेल तर त्यासाठी मला लोकांनी ओळखलं पाहिजे. मी या इंडस्ट्रीत माझी ओळख सोडून जाणार आहे. त्यासाठीच मी रा वन सिनेमा बनवला.

शाहरुखने बॉलिवूडमधील प्रसिद्ध निर्मात्यांवरही कमेंट केली. तो म्हणाला की, बॉलिवूडमधील सगळे माझे मित्र आहे पण ते मूर्ख आहेत. त्यापैकी अनेकांना मला घेऊन फक्त प्रेमकथाच बनवायची आहे. मला मात्र त्यापुढे जाऊन माझं जग निर्माण करण्याची इच्छा आहे. जर भविष्यात असे सिनेमे बनले नाहीत जे जगभरात आपल्या भारतीय सिनेमा निर्मिती काय असते हे दाखवून देण्याचा अभिमान मिरवता येतील, तर बॉलिवूड मागे पडेल.

लोकांचा बॉलिवूड सिनेमा पाहण्याचा रस कमी होईल असंही विधान शाहरुखकने केलं होतं. आता आपण त्याच त्याच विषयांच्या पलीकडे गेलो पाहिजे. असं झालं नाही तर प्रेक्षकांची नवी पिढी बॉलिवूड सिनेमांपासून लांब जाईल. त्यांना आंतरराष्ट्रीय सिनेमा आवडेल. तरूण पिढीला बॉलिवूडचा सुपरहिरो मिळाला पाहिजे. पौराणिक कथांमध्ये खूप काही करण्यासारखं आहे. शाहरुख जे काही म्हणाला होता ते आज खरं होताना दिसतय. आज पौराणिक कथांवर सिनेमे येत आहेत. लोकांना लार्जर दॅन लाइफ असेल तेच आवडत आहे. आणि जर त्यांना विषयात तोच तोच पणा वाटला तर प्रेक्षक पाठ फिरवत आहे.

शाहरुख लवकरच पठाण या सिनेमात दिसेल. राजकुमार संतोषीच्या डंकी या सिनेमात शाहरुखची जोडी तापसी पन्नूसोबत दिसणार आहे. याशिवाय तो एटलीसोबत जवान या साऊथच्या सिनेमातही अभिनय करताना पहायला मिळणार आहे.