जया बच्चन यांच्या रागाचा लेकीलाही बसलाय चांगलाच फटका, स्वत: श्वेता बच्चननेच सांगितला किस्सा

मुंबई: महानायक अमिताभ यांची पत्नी आणि ज्येष्ठ अभिनेत्री जया बच्चन यांना किती राग येतो हे सर्वश्रुत आहे. त्यांच्या रागासंदर्भातील अनेक बातम्या सातत्यानं प्रसिद्ध होतात. त्यावरून जया बच्चन या किती शीघ्रकोपी आहेत हे समजतं. जेव्हा जया यांना राग येतो तेव्हा त्या प्रचंड संतप्त होतात. अनेकदा फोटोग्राफर्सवर त्यांच्या सगळा राग निघतो. काही दिवसांपूर्वी जया भोपाळला गेल्या होत्या. तिथं गेल्यावर त्यांच्याबरोबर सेल्फी घेणाऱ्यांवर जया प्रचंड संतप्त झाल्या होत्या. त्याचे व्हिडिओ सोशल मीडियावर व्हायरल झाले होते.

दरम्यान जया यांच्या रागाचा सामना केवळ बाहेरच्या लोकांनाच करावा लागला असं नाही. तर घरातल्या लोकांनाही जया यांच्या रागाला सामोरे जावं लागलं आहे. अमिताभ आणि जया यांच्या लेकीनं श्वेता हिनं आई वडिलांकडून लहानपणी किती मार खाल्ला आहे, याचा खुलासा केला आहे.

हे वाचा-माझा रोल तू करणार म्हणजे…’ताली’मध्ये सुष्मिताच्या भूमिकेबाबत गौरी सावंत काय म्हणाल्या?

श्वेता बच्चन नंदा हिची मुलगी नव्या नवेली नंदा (Navya Naveli Nanda) ही एक पॉडकास्ट करते. त्याचं नाव आहे ‘व्हाट द हेल नव्या.’ या पॉडकास्टच्या तिसऱ्या भागात तिची आई श्वेता आणि जया सहभागी झाल्या होत्या. त्यावेळी श्वेतानं तिच्या लहानपणीच्या अनेक गोष्टी यावेळी सांगितल्या. लहान असताना जया यांनी अनेकदा मारल्याचं सांगितलं आहे. श्वेता बच्चन यांनी सांगितलं की, लहान असताना त्यांनी एक्स्ट्रा करिक्युलर अॅक्टिव्हिटीजमध्ये त्या सहभागी व्हाव्या यासाठी जया बच्चन यांचा आग्रह असायचा.

जया बच्चन यांचा मार खाल्लाय श्वेता यांनी

श्वेता (Shweta Bachchan) यांनी सांगितलं की, त्या भरतनाट्यमच्या क्लासला जायच्या, हिंदी क्लासिकल संगीत शिकायच्या, त्याचशिवाय पोहणं, सितार,पियानो शिकल्या. थोडक्यात अशी कोणतीही गोष्ट नव्हती त्या शिकायला जया यांनी श्वेताला पाठवलं नाही. श्वेता यांनी पुढं सांगितलं की, ‘आईनं, मला मारायला देखील कधी मागं पुढं पाहिलं नाही. मी असा खूपदा मार तिच्याकडून खाल्ला आहे. एकदा तर ती माझ्यावर खूप चिडली होती आणि तिनं मला मारलं देखील होतं.’

जया बच्चन यांचं अभिषेकवर होतं विशेष प्रेम

याचवेळी जया यांनी देखील काही मतं व्यक्त केली. त्यांनी सांगितलं की, ‘अभिषेक यानं क्वचित मार खाल्ला. माझ्या मते पहिल्या मुलाला कायमच मार खावा लागतो. लहानपणी मी देखील खूप मार खाल्ला आहे. माझ्या बहिणींनी तेवढा मार खाल्ला नाही.’ जयाच्या मते श्वेता लहान असताना खूपच हट्टी आणि रागीट होती.

म्हणून जया मारायच्या श्वेताला

जयानं पुढं सांगितलं की, पालक आपल्या मुलांना तेव्हाच मारतात जेव्हा त्यांचा स्वतःच्या रागावर नियंत्रण रहात नाही. एखादी परिस्थिती त्यांना हाताळता येत नाही. अशावेळी त्यांचा संताप मुलांवर निघतो.

हे वाचा-मन उडू उडू झालं नंतर ही मालिका घेणार प्रेक्षकांचा निरोप? नव्या प्रोमोमुळे वाढली उत्सुकता

अमिताभ यांनी देखील दिली श्वेता यांना शिक्षा

त्यानंतर श्वेता यांनी पॉडकास्टमध्ये अमिताभ यांचा उल्लेख केला. तिनं सांगितलं की, अनेकदा अमिताभ यांनी देखील तिला शिक्षा केली आहे. तिच्या मते बिग बी यांचा बराचसा वेळ तिला शिक्षा देण्यातच जायचा. ती तिला अनेकदा कोपऱ्यात जाऊन उभे राहण्याची शिक्षा ते द्यायचे. ही शिक्षा तिला खूप आवडायची कारण तेव्हा तिला गोष्टी रचता यायच्या आणि ती स्वत:शी बोलायची.

नव्याला घरी या नावानं हाक मारतात

याच पॉडकास्टमध्ये नव्यानं एक किस्सा सांगितला. तिनं सांगितलं की, अमिताभ बच्चन यांच्या ऑफिसमध्ये बसायची आणि ती त्यांची सेक्रेटरी असल्याचं नाटक करायची. त्यामुळे कुटुंबातील सदस्य तिला रिपोर्टर राजू असं हाक मारतात…