जगभरात ३६० तर देशात २०० कोटी क्लबमध्ये ‘ब्रह्मास्त्र’; १० दिवसांतच केली तगडी कमाई

मुंबई : अभिनेता रणवीर कपूर (Ranbir Kapoor) आणि आलिया भट्ट (Alia Bhatt) यांच्या ब्रह्मास्त्र सिनेमानं दुसऱ्या आठवड्यात जबरदस्त कमाई केली आहे. बॉक्स ऑफिसवर रविवारी या सिनेमानं दहाव्या दिवशी १६.३० कोटी रुपयांची कलेक्शन केलं आहे. त्यामुळे अयान मुखर्जी यानं दिग्दर्शित केलेल्या २०० कोटीं रुपयांच्या क्लबमध्ये प्रवेश केला आहे.

या सिनेमानं दुसऱ्या आठवड्यात केलेली कमाई समाधानकारक आहे. पहिल्या आठवड्याअखेरीस सोमवारनंतर सिनेमाच्या कमाई घसरली होती. शुक्रवारी या सिनेमाच्या कमाईत वाढ झाली होती. शनिवारी सिनेमाची कमाई ५० टक्के वाढ झाली. तर रविवारी सिनेमाच्या कमाईत शनिवारच्या १५ टक्के वाढ झाली. या सिनेमानं दुसऱ्या आठवड्यामध्ये ४२.३३ कोटी रुपयांचा बिझनेस केला आहे.

हे वाचा-‘ब्रह्मास्त्र’मध्ये काम करायला तयार नव्हते नागार्जुन? या एका अटीवर झाले तयार

ब्रह्मास्त्र पार्ट १ शिवा हा सिनेमा करण जोहरच्या धर्मा प्रॉडक्शनने स्टार स्टुडिओ, प्राइम फोकस आणि स्टारलाइट पिक्चर्सच्या मदतीनं निर्मिती केली आहे. हा सिनेमा देशात हिंदीबरोबर तमिळ, तेलुगू, मल्याळम आणि कन्नड भाषांमध्ये रिलीज झाला आहे. हा सिनेमा पाहण्यासाठी प्रेक्षकांनी सिनेमागृहांत गर्दी केली होती. वीकडेजला सिनेमा पाहण्यासाठी फारसे प्रेक्षक आले नव्हते. तर विकेंडला शुक्रवार, शनिवार आणि रविवारी प्रेक्षकांची संख्या ४० टक्क्यांनी वाढली. बॉक्स ऑफिसवर या सिनेमानं पाच भाषांमध्ये रविवारी १६.३० कोटी रुपयांचं कलेक्शन झालं. त्यात हिंदी व्हर्जननं १५.५० कोटी रुपयांची कमाई केली आहे. तर वर्ल्ड वाईड या सिनेमानं ३६० कोटी रुपये कमावले आहेत.

दहा दिवसांमध्ये ब्रह्मास्त्रनं देशामध्ये दहा दिवसांत २१२.४४ कोटी रुपये कमावले आहेत. त्यात हिंदी व्हर्जननं दहा दिवसांत १९४ कोटी रुपये कमावेल आहेत. ब्रह्मास्त्रची सर्वाधिक कमाईही देशातील मोठ्या शहरांतील मल्टिप्लेक्स मधून होत आहे. सिनेमागृहांतून होत आहे. सिनेमागृहांत सध्या ब्रह्मास्त्र शिवाय कोणताही मोठा सिनेमा नाही. दरम्यान दहा दिवसातील वर्ल्डवाइड कलेक्शन ३६० कोटी आहे. यानिमित्त अयान मुखर्जीने स्पेशल पोस्ट करत चाहत्यांचे आभार मानले आहे. आज ११व्या दिवशीही ब्रह्मास्त्र किती कमाई करेल हे पाहणं महत्त्वाचं ठरेल.

ब्रह्मास्त्रचं बॉक्स ऑफिस कलेक्शन (पाच भाषांत)

ब्रह्मास्त्र सिनेमा देशातील पाच हजार स्क्रीनवर दाखवला जात आहे. त्यात हिंदी, तमिळ, तेलुगु, मल्याळम आणि कन्नड भाषांचा समावेश आहे. सगळ्या भाषांमध्ये मिळून ब्रह्मास्त्र सिनेमानं दहा दिवसांमध्ये आतापर्यंत २१२.४४ कोटी रुपये कमावले आहेत.

पहिला दिवस शुक्रवार ३६.४२ कोटी रुपये
दुसरा दिवस शनिवार ४१. ३६ कोटी रुपये
तिसरा दिवस रविवार ४४.८ कोटी रुपये
चौथा दिवस सोमवार १५.५ कोटी रुपये
पाचवा दिवस मंगळवार १२.५० कोटी रुपये
सहावा दिवस बुधवार १०.५३ कोटी रुपये
सातवा दिवस गुरुवार ९ कोटी रुपये
आठवा दिवस शुक्रवार १०.५३ कोटी रुपये
नववा दिवस शनिवार १५.५० कोटी रुपये
दहावा दिवस रविवार १६.३० कोटी रुपये
एकूण कमाई सर्व पाच भाषांमध्ये २१२.४४ कोटी रुपये

हे वाचा-मला RSS मध्ये घ्या म्हणतोय KRK! मोहन भागवत आणि फडणवीसांंकडे केली मागणी

द काश्मीर फाईल्स सिनेमाचा तोडणार का रेकॉर्ड

दुसऱ्या आठवड्यामध्ये ब्रह्मास्त्र सिनेमाच्या कमाईमध्ये खूप वाढ झाली आहे. आता हासिनेमा सोमवारी पाच ते सहा कोटी रुपयांच्या आसपास व्यवसाय करेल. म्हणजेज वीकडेजमध्ये सिनेमाची कमाई अशी राहिली तर गुरुवारपर्यंत द काश्मीर फाईल्स सिनेमाच्या कमाईचा रेकॉर्ड मोडला जाईल. द कश्मीर फाइल्स हा सिनेमा २०२२ मधील सर्वाधिक कमाई करणारा सिनेमा आहे. या सिनेमानं २२५ कोटी रुपये कमावले आहेत.

ब्रह्मास्त्र सिनेमाची हिंदीतील कमाई

पहिला दिवस शुक्रवार ३२ कोटी रुपये
दुसरा दिवस शनिवार ३८ कोटी रुपये
तिसरा दिवस रविवार ४१.५ कोटी रुपये
चौथा दिवस सोमवार १४ कोटी रुपये
पाचवा दिवस मंगळवार ११.२५ कोटी रुपये
सहावा दिवस बुधवार ९.५० कोटी रुपये
सातवा दिवस गुरुवार ८.५० कोटी रुपये
आठवा दिवस शुक्रवार ९.७५ कोटी रुपये
नववा दिवस शनिवार १४ कोटी रुपये
दहावा दिवस रविवार १५.५० कोटी रुपये
एकूण कमाई हिंदी वर्जनमधून १९४ कोटी रुपये

ब्रह्मास्त्रच्या कमाईत कशी होत आहे वाढ

रणबीर कपूर, आलिया भट्ट यांच्या ब्रह्मास्त्र सिनेमामध्ये अमिताभ बच्चन, मौनी रॉय, नागार्जुन आणि डिंपल कपाडिया देखील आहेत. या सिनेमात शाहरुख खाननं पाहुण्या कलाकाराची भूमिका साकारली आहे. प्रेक्षकांना त्याची ही भूमिका आवडली आहे. ब्रह्मास्त्र सिनेमातील व्हीएफएक्स ची खूपच चर्चा आहे. निर्मात्यांनी व्हीएफएक्सवर खूप पैसा खर्च केला आहे. या सिनेमासाठी ४१० कोटी रुपये खर्च झाले आहेत. त्यातील ३५० कोटी सिनेमावर आणि ६० कोटी रुपये प्रमोशनवर खर्च झाले आहेत.