ऑस्ट्रेलियाविरुद्ध पहिल्या टी-२० सामन्यासाठी भारतीय संघात तीन बदल, पाहा कोणाला संधी मिळणार

मोहाली : भारत आणि ऑस्ट्रेलिया यांच्यामध्ये पहिला ट्वेन्टी-२० सामना आज मोहालीत खेळवण्यात येणार आहे. पण या सामन्यात तीन मोठे बदल निश्चित होणार असल्याचे संकेत आता मिळाले आहेत.
पहिला बदल…
भारतीय संघात आता वेगवान गोलंदाजांचा मोठा ताफा पाहायला मिळत आहे. त्यामुळे ज्या चुका भारतीय संघाकडून आशिया चषकात घडल्याच त्या यावेळी घडणार नाहीत. या सामन्यासाठी भारतीय संघात आता जसप्रीत बुमराचे पुनरागमन होणार आहे. त्यामुळे या सामन्यासाठी भारतीय संघात हा पहिला मोठा बदल होणार आहे.

दुसरा बदल…
भारताने अखेरचा ट्वेन्टी-२० सामना हा आशिया चषकात खेळला होता. भारत आणि अफगाणिस्तान यांच्यामध्ये हा सामना झाला होता. या सामन्यात रोहित शर्माला विश्रांती देण्यात आली होती आणि त्याच्या जागी संघात अतिरीक्त फलंदाज खेळवण्यात आला होता. त्यामुळे आता ऑस्ट्रेलियाविरुद्धच्या पहिल्या ट्वेन्टी-२० सामन्यात रोहित शर्माचे संघात पुनरागमन होणार आहे. त्यामुळे रोहित या सामन्यात सलामीला येताना दिसेल.

तिसरा बदल…
भारतीय संघात यावेळी तिसरा बदल हा वेगवान गोलंदाजच्या रुपातच होणार आहे. या सामन्यात कदाचित तीन वेगवान गोलंदाजांना संधी दिली जाईल, असे म्हटले जात आहे. या सामन्यासाठी जसप्रीत बुमरा हा भारताला पहिला वेगवान गोलंदाज असेल, तर हर्षल पटेलचे या सामन्यात पुनरागमन होणार आहे. त्यामुळे बुमरा आणि हर्षल हे नक्कीच या सामन्यात खेळतील. पण तिसरा वेगवान गोलंदाज कोणता खेळवायचा, याचा निर्णय भारतीय संघ व्यवस्थापनाला घ्यावा लागणार आहे.

भारतीय संघ:
रोहित शर्मा (कर्णधार), केएल राहुल, विराट कोहली, सूर्यकुमार यादव, दीपक हुडा, ऋषभ पंत (यष्टीरक्षक), दिनेश कार्तिक (यष्टीरक्षक), हार्दिक पंड्या, आर अश्विन, युझवेंद्र चहल, अक्षर पटेल, भुवनेश्वर कुमार, उमेश यादव , हर्षल पटेल, दीपक चहर, जसप्रीत बुमराह.

ऑस्ट्रेलिया संघ :
ॲरॉन फिंच (कर्णधार), स्टीव्हन स्मिथ, टीम डेव्हिड, ग्लेन मॅक्सवेल, ॲश्टन अगर, कॅमेरॉन ग्रीन, डॅनियल सॅम्स, शॉन ॲबॉट, जोश इंग्लिस, मॅथ्यू वेड, पॅट कमिन्स, जोश हेझलवूड, केन रिचर्डसन, ॲडम झाम्पा, नॅथन एलिस.