छोट्याशा शहरातील ही महिला करोडोंची मालकीण, प्रवास ऐकून भारतातील बिझनेसमॅनही अवाक्

50 हजार रुपयांपासून केली सुरुवात

रितू कुमार यांनी कोलकातामधील एका छोट्या शहरातून आपला फॅशन व्यवसाय सुरू केला. आज त्या करोडोंचा बिझनेस करत आहेत. पण त्यांची सुरुवात एवढी सोप्पी नव्हती. त्यांनी हॅण्ड ब्लॉक प्रिंटिंग टेक्निक आणि दोन टेबल्सच्या सहाय्याने फक्त 50 हजार रुपयांपासून कामाला सुरुवात केली. 70 च्या दशकात रितू यांनी रानीहाटीचे भरतकाम शोधून काढले, त्यालाच आज जरदोजी म्हणून ओळखले जाते. त्याचवेळी रितू यांच्या पहिल्या साड्याही अचानक मार्केट मध्ये आल्या होत्या. व्यवसायाच्या सुरुवातीच्या दिवसांमध्ये, त्यांनी मल्टीकलर नक्षीकाम आणि प्रिंट्समध्ये प्राविण्य मिळवले.

(वाचा :- ऋतिक रोशनच्या बायकोची मिनी ड्रेसमध्ये एंट्री, फुलाफुलांचा डीपनेक फ्रॉक अन् हाय हिल्सने वाढवलं इंटरनेटचं तापमान)​

भारतात ब्युटीक कल्चरची सुरुवात झाली

रितू यांनी 60 आणि 70 च्या दशकात ब्राइडल वेअर आणि इवनिंग क्लोद्स आणून बिझनेसला नव्याने सुरुवात केली. त्यानंतर हेच आउटफिट्स त्या आंतरराष्ट्रीय बाजारातही घेऊन गेल्या. आजही फार कमी लोकांना माहित असेल की भारतात ब्युटीक संकल्पना आणणारी स्त्री होती रितू कुमार! त्यांनी सर्वात आधी Ritu ह्या स्वतःच्या नावानेच पहिले ब्रँड बुटीक उघडले. भारतानंतर त्यांनी लंडन, न्यूयॉर्क आणि पॅरिसमध्येही अनेक ब्रान्चेस उघडल्या. आज भारतातील प्रत्येक शहरातील प्रत्येक गल्लीत ब्युटीक आढळते आणि त्याचे सर्व श्रेय रितू कुमार यांना जाते.
(वाचा :- मिथुन चक्रवर्तीची सूनबाई जणू फॉरेनची पाटलीनबाईच, यलो डीपनेक व स्लिट कटमधील कातील अदा बघून थांबतील काळजाचे ठोके)​

रितू कुमार यांच्या कपड्यांची विशेषता

रितू यांच्या आउटफिट्सची खास गोष्ट म्हणजे त्या फक्त सेलेब्स किंवा रॉयल लाइफस्टाइल कॅरी करणार्‍यांसाठीच कपडे डिझाइन करत नाही तर मध्यमवर्गीय लोकांच्या फॅशनची गरज लक्षात घेऊन सुद्धा कपडे बनवतात. जेणेकरून लोक त्यांच्या ब्रँडचे पोशाख सहज कॅरी करू शकतील. रितू यांच्या डिझाईन्समध्ये पारंपारिक प्रिंट्स आणि विणकाम असलेल्या नैसर्गिक कपड्यांवर लक्ष केंद्रित केले जाते आणि त्याला एक वेस्टर्न टच असतो.

(वाचा :- नव-याच्या भेटीसाठी मिनी फ्रॉकमध्ये सजली चारू असोपा, डिवोर्सच्या बातम्यांवर टिच्चून रोमॅंटिक फोटो तुफान व्हायरल)​

दीपिका आणि सोनम आहेत त्यांच्या चाहत्या

आज रितू कुमार यांचे कपडे इतके प्रसिद्ध आहेत की सोनम कपूर ते प्रियांका चोप्रा सारख्या सौंदर्यवती सुद्धा त्यांच्या आउटफिट्सच्या फॅन्स आहेत. क्रिती सेनन, माधुरी दीक्षित नेने, दीपिका पदुकोण, ऐश्वर्या राय ते विद्या बालन यांनीही रितू कुमार यांच्या डिझायनर आउटफिट्ससाठी रॅम्प वॉक केला आहे. केवळ बी-टाउन सेलिब्रिटीच नाही तर ब्रिटनची राजकुमारी डायना देखील रितू यांनी डिझाइन केलेल्या कपड्यांची प्रचंड चाहती होती. यामुळेच रितू यांच्या डिझायनिंगचे नाणे देशातच नाही तर परदेशातही चालते.
(वाचा :- किलर शॉर्ट वनपीसमध्ये फिगर फ्लॉंट करत करीनाने ऐन उन्हाळ्यात लावली इंटरनेटवर आग,करिश्माचा लुक बघून श्वासच रोखाल)​

प्रेरणादायी आहे हा प्रवास

रितू कुमार यांचा हा प्रवास खूप प्रेरणादायी आहे आणि अनेक स्त्रियांसाठी आदर्श आहे स्वप्न पूर्ण होतात आणि त्यासाठी सतत मेहनत करण्याला पर्याय नाही हाच मेसेज रितू यांच्या ह्या जर्नी मधून मिळतो. मार्गात अनेक अडथळे येतील पण त्यासमोर न झुकता आपली वाट चालत राहावी आणि एक ना एक दिवस यश नक्की मिळेल.

(वाचा :- Sania mirzaच्या पतीसोबत अफेअर असल्याच्या चर्चांनंतर आयशा उमरचा कातील अंदाज कॅमेरात कैद, सानियापेक्षाही ग्लॅमरस)​