मुलांचा क्रश ठरतेय ही मराठमोळी गायिका, मनाचा ठाव घेणारे सौंदर्य

नऊवारी साडी आणि नथीचा साज

पेशवाई पद्धतीची नऊवारी आर्याने नेसली आहे तर त्यावर त्याला साजेसा डिझाईनर ब्लाऊज घालून पारंपरिकता आणि आधुनिकता याचा उत्तम मेळ साधला आहे. मात्र त्यासह नथीचा साजही मस्त दिसतोय. केसात माळलेला गजरा आणि कपाळावरील चंद्रकोर सर्वांचं लक्ष वेधून घेत आहे. सर्वात महत्त्वाचं म्हणजे अगदी साधं आणि तरीही मनमोहक असं आर्याचे हे रूप सर्वांनाच आवडत आहे.

साडीचा ड्रेस

सध्या जुन्या साड्या असोत अथवा नव्या साड्या घेऊन त्याचा लेहंगा अथवा ड्रेस शिवण्याचा एक ट्रेंड सुरू झाला आहे. जांभळ्या रंगाच्या या साडीच्या ड्रेसमध्ये आर्याचे सौंदर्य खुलून आले आहे. तर हेअरस्टाईल करून त्यात गजराही माळला आहे. यासह नाजूक अशी आणि डिझाईनर नथ आर्याने घातली आहे. जी अधिक आकर्षक दिसून येत आहे. घरातील लग्नासाठी तुम्ही असा ड्रेस नक्कीच घालू शकता. आर्याकडून या फॅशनची प्रेरणा तुम्हाला घेता येईल.

वाचा – साडी नेसल्यावर जान्हवी कपूर दिसते हुबेहूब आईसारखी, साडीतले ग्लॅमरस लुक पाहून येते श्रीदेवीची आठवण)

शिमरी पार्टी गाऊन

शिमरी पार्टी गाऊन आणि त्यावर ग्लॉसी मेकअप आर्याने केला आहे. गुलाबी रंग तिच्या सौंदर्यात अधिकच भर घालत आहे. तर अशा पद्धतीचा पार्टी गाऊन तुम्ही रिसेप्शन अथवा पार्टीसाठी वापरू शकता. आर्याने पार्टी गाऊन परिधान केला असला तरीही त्यावर अगदी भपकेदार मेकअप केलेला नाही. त्यामुळे ती अधिक सुंदर दिसून येत आहे.

(वाचा – Makar Sankranti 2023: संक्रांतीसाठी करा भाग्यश्रीसारखे साडी लुक, दिसा स्टनिंग)

अनारकली कुरता आणि मोकळे केस

कोणत्याही ठिकाणी अगदी मॉडर्न कपडे घालून गेलेच पाहिजे असे नाही. आर्याने आपली पारंपारिकता बरेचदा जपल्याचे दिसते. कपाळावर कुंकू, अनारकली कुर्ता आणि एका बाजूला पोनी घालून लांब असे मोकळे केस. मुलांच्या मनातील ती हळवी जागा तिच्या या लुकने नक्कीच घेतली आहे. त्यामुळेच आर्याचे फोटो पाहिल्यानंतर ती अनेकांचा क्रश होताना दिसून येत आहे.

(वाचा – कपाळावर हलकेसे परसलेले लाल कुंकू आणि गडद साडी, सब्यासाचीचे हेरिटेज ब्रायडल कलेक्शन जिंकून घेईल तुमचे मन)

पुलओव्हर टी-शर्ट

तेजस नेरूरकर हे फोटोग्राफीमधील प्रसिद्ध नाव आहे. अनेक सेलिब्रिटीचे फोटो त्याने काढले आहेत. हा फोटोदेखील तेजसने काढला आहे. पुलओव्हर टी-शर्ट आणि ब्लॅक अँड व्हाईट फोटो हे अप्रतिम समीकरण यामुळे जुळून आलं आहे. तर आर्याच्या सौंदर्याने यात भर टाकली आहे असं म्हटलं तर अतिशयोक्ती ठरणार नाही.

आर्याचा साधेपणा आणि निखळ सौंदर्य तिच्या फोटोमधून दिसून येत आहे. त्यामुळेच सहसा मुलांच्या मनाच्या हळव्या कोपऱ्यात ज्या मुलीची प्रतिमा असते ती आर्याच आहे असं बरेचदा कमेंट्सवरून दिसून येत आहे. मुलांच्या मनाचा क्रश ठरणाऱ्या आर्याचे हे लुक्स तुम्हाला नक्कीच आवडले असतील.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com