आता ‘IIT’, ‘NIT’त प्रवेश मिळणे झाले सोपे! पात्र होण्यासाठी ७५ टक्के गुणांचा निकष शिथिल

सूत्रांच्या माहितीनुसार, ७५ टक्क्यांपेक्षा कमी गुण असलेल्या विद्यार्थ्यांना टॉप २० पर्सेंटाइल निकष मदत करतील. अनेक राज्य मंडळांमधील पहिल्या २० पर्सेंटाइल उमेदवारांपैकी बरेच जण ७५ टक्के किंवा ३५० गुणांपेक्षा कमी गुण मिळवत असल्याने याबाबतचा निर्णय शिक्षण मंत्रालयाने घेतला आहे. एखादा उमेदवार टॉप २० पर्सेंटाइलमध्ये असेल, तर तो परीक्षेसाठी पात्र ठरेल. ‘जेईई-मेन’साठी ऑनलाइन नोंदणी १२ जानेवारीला संपणार आहे.

ही परीक्षा २४ ते ३१ जानेवारी दरम्यान घेण्यात येणार आहे. जेईई (मेन) २०२३ च्या अधिकृत माहितीनुसार, केंद्रीय जागा वाटप मंडळामार्फत एनआयटी, आयआयआयटी आणि ‘सीएफटी’मधील बीई/बीटेक यांसह विविध अभ्यासक्रमाचे प्रवेश अखिल भारतीय रँकवर आधारित असतील आणि संबंधित शिक्षण मंडळाने घेतलेल्या बारावीच्या परीक्षेत एकूण किमान ७५ टक्के गुण असणे आवश्यक असेल.

CA Final Result: देशात सीए परीक्षेत हर्ष चौधरी प्रथम
अनुसूचित जाती, अनुसुचित जमातींसाठी बारावी बोर्डाच्या परीक्षांची टक्केवारी ६५ टक्के आहे. दरम्यान, या महिन्याच्या अखेरीस होणारी जेईई मेन्स परीक्षा पुढे ढकलण्यास मुंबई उच्च न्यायालयाने मंगळवारी नकार दिला. न्या. एस. व्ही. गंगापूरवाला आणि न्यायमूर्ती संदीप मारणे यांच्या खंडपीठाने या प्रकरणी निकाल दिला होता. ‘ही अखिल भारतीय परीक्षा पुढे ढकलणे योग्य ठरणार नाही. त्याचा परिणाम आयआयटीच्या लाखो इच्छुकांवर होणार आहे,’ असे न्यायालयाने म्हटले होते.

इंटेलेक्च्युअल प्रॉपर्टी इंडियामध्ये नोकरीची संधी, ‘येथे’ पाठवा अर्ज