“हा माझ्या आयुष्यातील…”, आकाश थोसरने केला आमिर खानसोबतचा तो व्हिडीओ शेअर

अभिनेता आकाश थोसर हा सैराट या चित्रपटामुळे प्रेकाश झोतात आला. आकाश हा सोशल मीडियावर सक्रिय असल्याचे दिसते. लवकरच आकाश अमिताभ बच्चन यांच्या झुंड या चित्रपटात दिसणार आहे. सोशल मीडियावर फोटो आणि व्हिडीओ शेअर करत आकाश चाहत्यांच्या संपर्कात राहतो. नुकताच त्याने सोशल मीडियावर आमिर खानसोबतचा एक व्हिडीओ शेअर केला आहे. हा व्हिडीओ सोशल मीडियावर प्रचंड व्हायरल झाला आहे.

आकाशाने हा व्हिडीओ त्याच्या इन्स्टाग्राम अकाऊंटवरून शेअर केला आहे. या व्हिडीओत आकाश आमिर खान यांना भेटताना दिसतो. हा व्हिडीओ चित्रपट प्रदर्शित होण्याआधी स्पेशल स्क्रिनिंगचे आयोजन करण्यात आले होते त्यावेळीचा आहे. स्क्रिनिंग झाल्यानंतर आमिर संपूर्ण टीमला भेटला. त्यावेळी आमिर आकाशला झुंड या चित्रपटाविषयी सांगताना दिसतो. हा व्हिडीओ शेअर करत माझ्या आयुष्यातिल अविश्वसनीय क्षण असे कॅप्शन आकाशने दिले आहे.

आणखी वाचा : “मला सुद्धा मराठी चित्रपट करायचाय, जर नागराज…”; झुंड पाहिल्यानंतर आमिरने केले वक्तव्य