भारतात जानेवारीला येणार करोनाची चौथी लाट? काय करावे – AIIMS डॉक्टरांचा सल्ला

जानेवारीमध्ये येणार कोरोनाची चौथी लाट?

मागील आकडेवारीचा विचार केला तर जानेवारी महिन्यात कोविडची चौथी लाट भारतात येण्याची भीती आरोग्य अधिकारी व्यक्त करत आहेत. TOI च्या दुसऱ्या एका अहवालानुसार, कोरोनाच्या मागील लाटांमध्ये असे दिसून आले आहे की पूर्व आशियामध्ये कोविडच्या वाढत्या प्रकरणांच्या 30-35 दिवसांनंतर, भारतातील स्थिती देखील गंभीर बनते.

(वाचा :- सावधान..! कितीही भयंकर खोकला येऊदेत, पण हे नाव असलेलं Cough Syrup चुकूनही पिऊ नका, आतापर्यंत 18 लोकांचा मृत्यू)

AIIMS च्या डॉक्टरांनी काय करायला सांगितले आहे?

एम्सचे यूरोलॉजिस्ट अनूप कुमार यांनी सांगितले की, डब्ल्यूएचओ आणि भारत सरकारने कोविड-19 च्या वाढत्या प्रकरणांबाबत मार्गदर्शक तत्त्वे दिली आहेत. याशिवाय सरकार आपल्या स्तरावर काम करत आहे. जनतेने फक्त सरकारला सहकार्य करावे. असे केल्याने कोविड-19 ची प्रकरणे वाढण्यापासून रोखता येऊ शकतात.

(वाचा :- गुडघ्यांच्या वेदनांतून मिळेल एका मिनिटात मुक्ती, या 7 घरगुती गोष्टी औषधापेक्षाही रामबाण, त्रास होतो कायमचा दूर)

ही आहे चांगली बातमी

डॉ. अनूप कुमार पुढे म्हणाले की, ओमिक्रॉनचे जुने किंवा नवीन प्रकार भारतात चीनसारखी परिस्थिती निर्माण करू शकणार नाहीत. ही चांगली बातमी आहे की भारतीयांमध्ये हर्ड इम्युनिटी खूप उत्तम प्रकारे निर्माण झाली आहे, त्यामुळे जरी लाट आली तरी मृत्यूचे प्रमाण वाढणार नाही. चीनमध्ये जीरो कोविड पॉलिसी राबवल्याने हीच हर्ड इम्युनिटी निर्माण झाली नव्हती आणि त्याचे परिणाम आपण पाहतच आहोत.

(वाचा :- Health Tips: फ्रिजमध्ये चुकूनही ठेऊ नका हे 4 पदार्थ, विषारी बनून पोट व आतड्यांना टाकतात पूर्ण जाळून, व्हा सावध)

या 7 लक्षणांवर ठेवा लक्ष

ओमिक्रॉनची सौम्य लक्षणे भारतात दिसू शकतात. पण हे टाळण्यासाठी प्रमुख 7 लक्षणांवर बारकाईने लक्ष ठेवणे आवश्यक आहे. यामध्ये ताप, नाक वाहणे, थकवा, अंगदुखी, डोकेदुखी, घसा खवखवणे, खोकला इत्यादी किंवा या व्यतिरिक्त अजून काही लक्षणे देखील दिसू शकतात.

(वाचा :- Immunity Booster : शरीर आतून पोखरून टाकतोय Corona व थंडीचा प्रकोप, वाचण्यासाठी या 5 पद्धतींनी वाढवा इम्युनिटी)

मास्क आणि लसच आहेत आपली शस्त्रे

सर्व आरोग्य तज्ञांच्या मते, कोरोनाच्या कोणत्याही प्रकाराशी लढण्यासाठी सर्वात प्रभावी आणि विश्वासू शस्त्रे मास्क आणि लसच आहेत. या दोघांच्या मदतीने आपण विषाणूचा संसर्ग आणि प्रसार रोखू शकतो. म्हणूनच घराबाहेर पडताना मास्कचा अवश्य वापर करा आणि वेळेवर बूस्टर डोस घ्या.

(वाचा :- रोज खाल्ल्या जाणा-या या 1 पदार्थात ठासून भरलंय रक्ताच्या नसा ब्लॉक करणारं कोलेस्ट्रॉल, यामुळेच येतो हार्ट अटॅक)

डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करावा.

बघा AIIMS डॉक्टर काय म्हणतायत..