जागतिक आरोग्य संघटनेच्या दाव्यानुसार सध्या 22 देश कॉलरा महामारीचा सामना करत आहेत आणि एकूण 43 देशांमधील 100 कोटी लोकांना याचा फटका बसण्याचा धोका आहे. भारतात 2023 च्या कॉलरा प्रादुर्भावामुळे प्रभावित झाल्याच्या देशांमध्ये भारत आणि पाकिस्तानची नावे आहेत. त्यामुळे भारतात पुन्हा कॉलराची साथ पसरली आहे का? अशी भीती निर्माण झाली आहे. ( फोटो सौजन्य :- istock)
भारतात Cholera चे गंभीर स्वरूप घेईल का?
डब्ल्यूएचओच्या मते, कॉलरा म्हणजेच हा अजूनही जगासाठी मोठा धोका आहे. जो करोनाप्रमाणे कधीही भयंकर रूप धारण करू शकतो. पण भविष्याबाबत ठोस काहीही बोलणे चुकीचे ठरेल. पण या गोष्टीला जास्त घाबरण्याची गरज नाही कारण हा प्रादुर्भाव योग्य प्रतिबंध आणि सावधगिरीने नियंत्रित केला जाऊ शकतो. NCBI वर प्रकाशित झालेल्या अहवालानुसार , 2011 ते 2020 दरम्यान, भारतात 565 वेळा कॉलराचा प्रादुर्भाव आढळून आला आहे , ज्यामध्ये 263 लोकांना आपला जीव गमवावा लागला आहे. पण योग्य ती काळजी घेतल्याने आपण यावर मात करू शकतो.
(वाचा :- Ways to Reduce Uric Acid: ना औषध, ना पथ्यपाणी फक्त या 8 गोष्टी करा, युरीक अॅसिड रक्तातूनच खेचून वेगळे होईल)
कॉलरा धोकादायक आहे का ?
वर्ल्ड हेल्थ ऑर्गनायझेशनच्या मते, कॉलरा हा व्हिब्रिओ कोलेरी बॅक्टेरियाने संक्रमित असल्याने हा आजार अन्न आणि पाण्याच्या वापरामुळे होणारा अतिसार संसर्ग आहे. हा आजार मुले आणि प्रौढ दोघांनाही प्रभावित करू शकतो. त्यामुळे सर्वांनी आवश्यक ती खबरदारी घ्यावी. हा आजार लवकर होत असल्याने काळजी घेणं गरजेचं आहे.
(वाचा :- Shark Tank India च्या विनीता सिंगला आला Panic Attack,अशा परिस्थितीत घाबरून जाण्यापेक्षा या ८ गोष्टी करा)
12 तासांत आजारपण दिसून येते
कॉलरा हा पोटाचा संसर्ग आजार आहे, त्यामुळे या आजराचे पहिले लक्षण पोट खराब होणे हे आहे. हे लक्षण संक्रमित झाल्यानंतर 12 तास ते 5 दिवसात दिसू शकते. पण काही लोकांमध्ये रोगाची कोणतीही चिन्हे दिसत नाहीत. पोट खराब झाल्यानंतर 12 तासांच्या आत, गंभीर अतिसार होऊ शकतो, ज्यामुळे घातक निर्जलीकरण होऊ शकते.
(वाचा :- ‘Period Panty’ मासिक पाळीत वापरण्याचं प्रमाण का वाढलंय, कसा करावा वापर जाणून घेणे गरजेचे)
जीवाला निर्माण होऊ शकतो धोका
कॉलराच्या गंभीर प्रकरणांमध्ये त्वरित उपचार आवश्यक असतात. कारण, जागतिक आरोग्य संघटनेचे म्हणणे आहे की या आजारात वैद्यकीय मदत मिळण्यास विलंब झाल्यास काही तासांत रुग्णाचा मृत्यू होऊ शकतो. त्यामुळे अतिसाराच्या समस्येला हलके घेण्याची चूक करू नका आणि डॉक्टरांकडे जा. या समस्येवर घरगुती उपाय करत बसू नका.
(वाचा – डायबिटीसच्या रूग्णांनी व्हाईट ब्रेड खाणे अयोग्य? काय होते नुकसान घ्या जाणून)
कॉलराची सर्व लक्षणे आणि उपाय
CDC नुसार , गंभीर अतिसार कॉलराच्या इतर लक्षणांसह असतो. जसे उलट्या होणे, तहान लागणे, पाय दुखणे, चिडचिड होणे, हृदयाचे ठोके जलद होणे, रक्तदाब कमी होणे असे आजार होतात. हा आजार टाळण्यासाठी स्वच्छ पाणी पिणे किंवा अन्नपदार्थ खाणे टाळावे.
(वाचा – Fact Check: मासिक पाळीनंतर चेहऱ्यावर येते चमक, काय वाटते तुम्हाला)
हे उपाय नक्की करा
डब्ल्यूएचओच्या मते, कॉलराचा उपचार करणे खूप सोपे आहे जर तुम्ही या आजाराच्या सुरूवातीला असाल तर या आजाराचे उपाय तु्म्ही घरच्या घरी करू शकता. अतिसार झाल्यास ताबडतोब ORS घेणे सुरू करा प्रौढ रुग्णाने पहिल्या दिवसात 6 लिटर ORS द्रावण प्यावे. त्यानंतरही प्रकृतीत सुधारणा होत नसेल तर तातडीने रुग्णालयात जाऊन उपचार करावेत.
(टिप: हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांचा सल्ला घ्या.)