IGNOU PhD Entrance Result: या तारखेला परीक्षा
एनटीएद्वारे इंदिरा गांधी नॅशनल ओपन युनिव्हर्सिटीच्या पीएचडी अभ्यासक्रमाच्या प्रवेशासाठी २४ फेब्रुवारी २०२२ रोजी परीक्षा घेण्यात आली होती. देशभरातील नियुक्त परीक्षा केंद्रांवर सर्व करोना मार्गदर्शक तत्त्वांचे पालन करून ही परीक्षा घेण्यात आली.
IGNOU PhD Entrance Result: ९ हजार उमेदवार सहभागी
इग्नू पीएचडी प्रवेश परीक्षेसाठी साधारण १८ हजार उमेदवारांनी नोंदणी केली होती. यापैकी सुमारे ९ हजार उमेदवार परीक्षेत सहभागी झाले होते. परीक्षा दिलेल्या उमेदवारांना त्यांचे निकाल अधिकृत वेबसाइटवर पाहता येणार आहेत. आवश्यक तपशील भरुन उमेदवार त्यांचे स्कोअरकार्ड तपासू आणि डाउनलोड करू शकतात.
IGNOU PhD Entrance Result: असा तपासा निकाल
पुढे दिलेल्या सोप्या स्टेप्स फॉलो करून उमेदवार त्यांचे निकाल तपासू आणि डाउनलोड करू शकतात.
सर्वप्रथम उमेदवारांनी अधिकृत वेबसाइट ignou.nta.ac.in वर जा.
आता होमपेजवर दिसणार्या इग्नू पीएचडी स्कोअर कार्ड २०२१-२२ शी संबंधित लिंकवर क्लिक करा.
एक नवीन पेज खुले होईल.
मागितलेली माहिती भरुन लॉगिन करा.
आता तुमचा निकाल समोरच्या स्क्रीनवर दिसेल.
निकाल तपासा आणि डाउनलोड करा.
भविष्यातील उपयोगासाठी निकालाची प्रिंट काढा.
टीईई जून २०२१ च्या विद्यार्थ्यांना यूजी, पीजी अभ्यासक्रमांच्या परीक्षेतून सवलत
जून २०२० च्या प्रवेश सत्र अभ्यासक्रमाच्या पहिल्या वर्षात ऑनलाइन नावनोंदणी केलेल्या आणि जून २०२१ च्या टर्म-एंड परीक्षेत बसण्यास प्रथमच पात्र ठरलेल्या विद्यार्थ्यांना प्रथम वर्षाच्या अभ्यासक्रमांच्या टीईई परीक्षेत बसण्यापासून सूट देण्यात आली आहे.
इग्नूतर्फे बॅचलर ऑफ आर्ट्स (पर्यटन अभ्यास) Bachelor of Arts (Tourism Studies), मास्टर ऑफ आर्ट्स (अनुवाद अभ्यास, गांधी आणि शांतता अभ्यास, हिंदी) Master of Arts (Translation Studies, Gandhi and Peace Studies, Hindi) या अभ्यासक्रमांसाठी ही सवलत आहे.
इग्नू प्रवेश अर्ज १७ एप्रिलपर्यंत
इग्नूच्या प्रवेश परीक्षेसाठी ऑनलाइन अर्ज प्रक्रिया इग्नूच्या अधिकृत वेबसाइटवर सुरू झाली आहे. ऑनलाइन अर्ज भरण्यासाठी विद्यार्थ्यांना १७ एप्रिलपर्यंत मुदत आहे. ऑनलाइन अर्ज भरताना ‘प्रथम येणाऱ्यास प्राधान्य’ या तत्त्वावर उमेदवार त्यांचे परीक्षा केंद्र निवडू शकतात. संबंधित शहरातील परीक्षा केंद्राची आसनक्षमता संपल्यानंतर जवळच्या इतर शहरातील परीक्षा केंद्रे दिली जाणार आहेत.