आयबीपीएस प्रोबेशनरी ऑफिसरची मुलाखत फेब्रुवारी किंवा मार्चमध्ये होणार आहे. IBPS प्रोबेशनरी ऑफिसर (PO) च्या पदांसाठी घेतलेल्या मुख्य परीक्षेत बसलेले सर्व उमेदवार त्यांचे विभागवार गुण IBPS च्या अधिकृत वेबसाइटवर पाहू शकतात. ४,१३५ प्रोबेशनरी ऑफिसर्सच्या भरतीसाठी मुख्य परीक्षा ऑनलाइन माध्यमातून घेण्यात आली होती. या परीक्षेतील उत्तीर्ण उमेदवार मुलाखत फेरीला उपस्थित राहण्यास पात्र असतील. IBPS PO मुलाखत फेब्रुवारी किंवा मार्च २०२२ मध्ये होणार आहे.
IBPS PO Mains Score Card: असे करा डाउनलोड
आयबीपीएस प्रोबेशनरी ऑफिसर मुख्य परीक्षा २०२२ चे स्कोअर कार्ड डाउनलोड करण्यासाठी पुढील स्टेप्स फॉलो करा.
स्टेप १ : आयबीपीएस पीओ मुख्य स्कोअर कार्ड २०२२ डाउनलोड करण्यासाठी उमेदवारांनी IBPS च्या अधिकृत वेबसाइटवर जा.
स्टेप २: IBPS PO २०२१-२२ मुख्य परीक्षेचे स्कोअरकार्ड आणि गुण या लिंकवर क्लिक करा.
स्टेप ३: तुमचा आयबीपीएस पीओ मुख्य स्कोअरकार्ड २०२२ पाहण्यासाठी नोंदणी क्रमांक, रोल नंबर आणि पासवर्ड/जन्म तारीख भरा.
स्टेप ४: आता स्क्रीनवर दिसणारा कॅप्चा कोड भरा.
स्टेप ५: तुमचे स्कोअर कार्ड आणि गुण स्क्रीनवर दिसतील.
स्टेप ६: भविष्यातील संदर्भासाठी स्कोअरकार्डची प्रिंट आउट घ्या.
मुलाखतपत्र जाहीर
आयबीपीएस पीओ मुख्य परीक्षेत (IBPS PO Mains Exam)उत्तीर्ण झालेले उमेदवार मुलाखतीसाठी प्रवेशपत्र (IBPS PO Interview Latter) डाउनलोड करू शकतात. आयबीपीएस पीओ मुलाखतीचे प्रवेशपत्र ३ मार्च २०२२ पर्यंत वेबसाइटवर उपलब्ध असेल. या रिक्त पदांद्वारे, प्रोबेशनरी ऑफिसर किंवा मॅनेजमेंट ट्रेनी पदाच्या एकूण ४,१३५ पदांची भरती केली जाणार आहे.
आयबीपीएस पीओ भरती २०२१ मुलाखत १०० गुणांची असेल. मुलाखतीत उत्तीर्ण होण्यासाठी उमेदवारांना किमान ४० टक्के गुण मिळणे आवश्यक आहे. एससी, एसटी, ओबीसी आणि दिव्यांग उमेदवारांसाठी किमान ३५ टक्के गुण आवश्यक आहेत. ऑनलाइन मुख्य परीक्षा आणि मुलाखतीचे वेटेज रेशो ८०: २० असेल.
या पदांसाठी भरती
इन्स्टिट्यूट ऑफ बँकिंग पर्सोनेल सिलेक्शन (IBPS) ने जाहीर केलेल्या नोटीसनुसार, एकूण ४,१३५ रिक्त जागा भरल्या जात आहेत. यामध्ये सर्वसाधारण प्रवर्गातील उमेदवारांसाठी १६०० जागा ठेवण्यात आल्या आहेत. तर ओबीसी उमेदवारांसाठी ११०२ जागा, एससी प्रवर्गासाठी ६७९ जागा, एसटी प्रवर्गातील उमेदवारांसाठी ३५० जागा आणि आर्थिकदृष्ट्या दुर्बल (EWS) प्रवर्गासाठी ४०४ जागा राखीव आहेत.
अधिकृत वेबसाइटवर जाण्यासाठी येथे क्लिक करा