“मी आज एक वर्षांचा…”, वाढदिवसाच्या निमित्ताने करीना कपूरने शेअर केला जेहचा खास फोटो

बॉलिवूड अभिनेत्री करीना कपूर ही लोकप्रिय अभिनेत्रींपैकी एक आहे. करीनाचा छोटा मुलगा जेह म्हणजेच जहांगीर अली खानचा आज एक वर्षाचा झाला आहे. जेहच्या पहिल्या वाढदिवसाच्या निमित्ताने करीनाने सोशल मीडियावर काही फोटो शेअर केले आहेत. हे फोटो सोशल मीडियावर प्रचंड व्हायरल झाले आहेत.

करीनाने तिच्या इन्स्टाग्राम अकाऊंटवरून हे फोटो शेअर केले आहेत. एका फोटोत जेह आणि तैमूर दिसत आहेत. या फोटो शेअर करत “दादा, माझ्यासाठी थांब मी आज एक वर्षांचा झालो. चल आपण एकत्र हे जग फिरूया….हा अम्मा आपला सगळीकडे पाठलाग करत राहणार. वाढदिवसाच्या हार्दिक शुभेच्छा जेह बाबा,” असे कॅप्शन करीनाने दिले आहे. दुसरा फोटो शेअर करत करीनाने कॅप्शन दिले की, “ओके अब्बा मी तुमचा देखील पाठलाग करेन”, असे कॅप्शन दिले आहे.

आणखी वाचा : “मुलाखती देऊनही आम्हाला… ”,‘गंगुबाई’मधील दृश्यांवरुन कामाठीपुरामधील स्थानिकांची चित्रपटावर बंदी घालण्याची मागणी

आणखी वाचा : ‘बिग बॉस’ फेम अभिनेत्री इस्लामच्या वाटेवर, ग्लॅमर विश्व सोडून हिजाब परिधान करण्याचा घेतला निर्णय

सोहाने हे जेहच्या वाढदिवसानिमित्ताने एक व्हिडीओ शेअर केला आहे. हा व्हिडीओ सोशल मीडियावर प्रचंड व्हायरल झाला आहे. या व्हिडीओत जेह मस्ती करताना दिसत आहे.

आणखी वाचा : “परत असं घोड्यावर बसायचं नाही”, अमोल कोल्हेंना मिळाली तंबी

दरम्यान, करीना आता आमिर खानच्या लाल सिंह चड्ढा या चित्रपटात दिसणार आहे. या चित्रपटात मोना सिंग आणि नागा चैतन्य महत्त्वाच्या भूमिकेत दिसणार आहेत. हा चित्रपट ‘फॉरेस्ट गम्प’ या हॉलिवूड चित्रपटाचा हिंदी रिमेक आहे. याशिवाय करीना हंसल मेहता दिग्दर्शिक चित्रपटात दिसणार आहे.

The post “मी आज एक वर्षांचा…”, वाढदिवसाच्या निमित्ताने करीना कपूरने शेअर केला जेहचा खास फोटो appeared first on Loksatta.

Source link