“बॉय का? अच्छा! स्वतःच्या मेडिकल कॉलेजसाठी…” ; नारायण राणेंच्या टीकेवर मिलिंद नार्वेकरांचा पलटवार!

“वाजली का नाही तुमच्या मेमरीची घंटी?” असं देखील नार्वेकरांनी राणेंना विचारलं आहे.

केंद्रीयमंत्री नारायण राणे यांनी आज(बुधवार) पत्रकार परिषद घेत शिवसेना नेते संजय राऊत यांच्या कालच्या पत्रकार परिषदेवरून शिवसेना आणि संजय राऊत यांच्यासह शिवसेना नेत्यांवर जोरदार टीका केली. या वेळी त्यांनी शिवसेना नेते मिलिंद नार्वेकर यांची देखील खिल्ली उडवल्याचे दिसून आले. तर, राणेंकडून झालेल्या टीकेवर शिवसेनेकडूनही खासदार विनायक विनायक राऊत यांनी उत्तर दिले. शिवाय, मिलिंद नार्वेकर यांनी देखील ट्वीट करून नारायण राणेंनी उडवलेल्या खिल्लीला प्रत्युत्तर दिले आहे.

“बॉय का? अच्छा! स्वतःच्या मेडिकल कॉलेजसाठी साहेबांकडून परवानगी मिळावी म्हणून दिवसभरात सात वेळा फोन करून विनंत्या केल्याचं विसरलात? वाजली का नाही तुमच्या मेमरीची घंटी?” असं ट्वीट करून मिलिंद नार्वेकर यांनी नारायण राणे यांच्यावर पलटवार केला आहे.

संजय राऊत यांच्या पत्रकार परिषदेस एकनाथ शिंदे, अनिल परब, मिलिंद नार्वेकर यांच्यासह शिवसेनेचे महत्वाचे नेते नव्हते, असं माध्यम प्रतिनिधीने म्हणताच नारायण राणे यांनी, “मिलिंद नार्वोकर कोण आहे? ते पूर्वी मातोश्रीमध्ये बॉयचं काम करायचे ते काय? माझ्या समोरची गोष्ट आहे. बेल मारली की, काय आणू असं म्हणणारा आता नेता बनला. काय अपग्रेडेशन स्पीड आहे?” असं म्हणत मिलिंद नार्वेकर यांची खिल्ली उडवली होती.

“संजय राऊतांचा डोळा उद्धव ठाकरेंच्या खुर्चीवर, त्यांना सुपारी मिळाली आहे”, नारायण राणेंचा गंभीर आरोप!

तर, एकनाथ शिंदे आणि अनिल परब यांच्याबद्दल काय बोलायचं अनिल परब हे प्रख्यात वकील आहेत. आता अॅडव्होकेट जनरलाच मार्गदर्शन करतात, कोणाला कुठे अटक करावी यासाठी त्यांचेच फोन जातात. आता ते आतमध्ये गेल्यानंतर त्यांना किती फोन जातात हा प्रश्नच आहे. असंही नारायण राणेंनी यावेळी म्हटलं.

“…त्या चौकशीला घाबरूनच नारायण राणेंनी भाजपासमोर लाचारी पत्कारली ” ; राणेंच्या प्रहाराला शिवसेनेकडून लाव रे व्हिडिओतून प्रत्त्युतर!

केंद्रीयमंत्री नारायण राणे यांची पत्रकार परिषद होताच काही वेळातच मिलिंद नार्वेकर यांनी ट्वीटद्वारे राणेंच्या टीकेला उत्तर दिलं आहे. तर, शिवसेना खासदार विनायक राऊत यांनी देखील पत्रकार परिषद घेत व लाव रे तो व्हिडिओ या स्टाईलमध्ये नारायण राणे आणि भाजपावर जोरदार टीका केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …