MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
ॲमेझॉनच्या एका माजी कर्मचाऱ्याच्या पोस्टमध्ये असेही म्हटले आहे की, संपूर्ण रोबोटिक्स टीमला पिंक स्लिप देण्यात आली होती. लिंक्डइन डेटानुसार कंपनीच्या रोबोटिक्स विभागामध्ये किमान ३,७६६ लोक काम करतात. माजी कर्मचाऱ्याने केलेले दावे खरे मानल्यास कंपनीने ३,५०० हून अधिक कर्मचाऱ्यांना कामावरून काढले आहे.
कंपनीने गेल्या आठवड्यातच हायरिंग फ्रीज जाहीर केले होते. गेल्या आठवड्यात, ऍमेझॉनने एका अंतर्गत मेलमध्ये सांगितले की, मॅक्रो इकॉनॉमिक वातावरणामुळे कंपनी हायरिंग फ्रीझ करत आहे. कंपनीतील पीपल एक्सपिरियन्स अँड टेक्नॉलॉजीचे वरिष्ठ उपाध्यक्ष बेथ गॅलेटी यांच्या म्हणण्यानुसार हायरिंग फ्रीझ काही महिन्यांसाठी राहणार आहे.
मंदीच्या काळातही तुमची नोकरी राहील सुरक्षित, फक्त ‘या’ गोष्टी ठेवा लक्षात
पुढील काही महिने हा निर्णय कायम ठेवला जाण्याची अपेक्षा आहे. हायरिंग फ्रीज असूनही कंपनी काही प्रोजेक्टसाठी तसेच स्वेच्छेने कंपनी सोडलेल्या कर्मचार्‍यांच्या बदल्यात नवीन कर्मचारी नियुक्त करेल असेही त्याने म्हटले आहे.
मेटाने आपल्या ग्लोबल वर्कफोर्समध्ये ११ हजार लोक कमी करण्याची घोषणा केली आहे. याशिवाय ट्विटर आणि मायक्रोसॉफ्टनेही मोठ्या प्रमाणात कपात केली आहे.
