मंदीच्या काळातही तुमची नोकरी राहील सुरक्षित, फक्त ‘या’ गोष्टी ठेवा लक्षात

१) छंद विकसित करा

संशोधनानुसार, बहुतेक लोक त्यांच्या छंदानुसार नोकरी सोडून व्यवसायाकडे वळत आहेत. मंदीच्या काळात तुमचा छंद उत्पन्नाचा मोठा स्रोत बनू शकतो. यामुळेच तरुणांनी आपले छंद वाढवण्यावर भर द्यावा.

२) या क्षेत्रात करिअर करण्याचा प्रयत्न करा

करोनाच्या संकटात आपण पाहिलं की, अनेक क्षेत्रं अशी आहेत जिथे काम थांबलेले नाही. शिक्षण, आरोग्य, माहिती तंत्रज्ञान अशी वाढत जाणारी क्षेत्र आहेत. तरुणांनी या क्षेत्रात आपले कौशल्य वाढवण्यासाठी काम केले पाहिजे. अशी कौशल्ये विकसित करण्याचा प्रयत्न करा ज्यामुळे तुम्हाला मंदीच्या काळातही नोकरीच्या संकटाचा सामना करावा लागणार नाही.

३) नवीन कौशल्ये शिकण्याचा प्रयत्न करा

तुम्ही कुठेतरी काम करत असाल तरी रोज नवनवीन कौशल्ये शिकत राहण्याचा प्रयत्न करत राहा. असे केल्याने तुम्हाला तुमच्या क्षेत्राशी संबंधित कौशल्यांचे ज्ञान तर मिळेलच, शिवाय इतर क्षेत्रांचेही ज्ञान मिळेल. प्रत्येक कंपनी आपल्या कर्मचाऱ्यांना नवीन कौशल्ये शिकवण्यासाठी वेळोवेळी क्लासेस देते. या वर्गांमध्ये उत्साहाने भाग घ्या आणि तुमची कौशल्ये विकसित करा.

४) तुमचे ब्रँडिंग करा

हे डिजिटल जग आहे. या प्लॅटफॉर्मचा वापर करुन माहिती जागतिक स्तरावर लोकांपर्यंत पोहोचवी जाते. अशा परिस्थितीत ऑनलाइन नेटवर्किंग प्लॅटफॉर्मवर आपले प्रोफाइल शेअर करणे आवश्यक आहे. यामुळे अधिकाधिक लोक आपल्याशी कनेक्ट होऊ शकतील. ऑनलाइन नेटवर्किंग प्लॅटफॉर्मवर लोकांना तुमची कौशल्ये आणि यशाबद्दल सांगा.

अखेर ज्याची भीती होती तेच घडलं! ‘मेटा’मध्ये ११ हजार कर्मचाऱ्यांना नारळ!