Facebook lay off: ट्विटरनंतर आता फेसबुकमध्ये कर्मचाऱ्यांवर नोकरीची टांगती तलवार

Twitter च्या नव्या बॉसचा आदेश, ‘आठवड्याचे सातही दिवस १२ तास काम करा किंवा सोडा’

झुकरबर्ग यांची एकूण संपत्ती

मेटा प्लॅटफॉर्ममधील सुमारे १६.०८ टक्के शेअर्स झुकरबर्गकडे आहेत. फेसबुकच्या कमाईपैकी ९७ टक्क्यांहून अधिक महसूल जाहिरातींमधून येतो. कंपनीच्या शेअर्सच्या घसरणीमुळे झुकेरबर्गच्या एकूण संपत्तीतही मोठी घसरण झाली आहे. एकेकाळी झुकरबर्ग जगातील श्रीमंतांच्या यादीत तिसऱ्या क्रमांकावर होता पण आता त्यांची २९व्या क्रमांकावर घसरण झाली आहे. त्यांची एकूण संपत्ती या वर्षी $९०.३ अब्जने घसरून $३५.२ अब्ज झाली आहे. शेअर्सच्या घसरणीमुळे फेसबुकच्या मार्केट कॅपमध्येही मोठी घसरण झाली आहे. या वर्षात कंपनीचे बाजारमूल्य $५०० अब्जांनी घसरले आहे.

कंपनीने मे महिन्यातच इंजिनीअर्स आणि डेटा सायंटिस्टची नियुक्ती थांबवली होती. पुढील १८ ते २४ महिने आव्हानात्मक असू शकतात असे जुलैमध्ये झुकरबर्गने कर्मचाऱ्यांना सांगितले होते. त्यानंतर त्यांनी व्यवस्थापकांना चांगली कामगिरी न करणाऱ्या कर्मचाऱ्यांची यादी बनविण्यास सांगितले.

फेसबुकमध्ये प्रथमच कपात केली जाणार आहे. अनेक वर्षांपासून या कंपनीने विक्रमी वाढ नोंदवली आणि गुंतवणूकदारांना जबरदस्त परतावा दिला. यामुळेच वॉल स्ट्रीटचा तो फेव्हरेट राहिला.पण यावर्षी कंपनीचे तिमाही अहवाल चांगले आले नाहीत. फेसबुक देखील आक्रमकपणे आपल्या Metaverse उत्पादनांची जाहिरात करत आहे. त्यामुळे कंपनीच्या आर्थिक स्थितीवरही परिणाम झाला आहे.