MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
कर्मचाऱ्यांना लिहिलेल्या पत्रांनुसार, ‘ही बातमी देताना आम्हाला खूप दुःख होत आहे. आम्हाला माहित आहे की याचा परिणाम म्हणून आम्ही डिव्हाइसेस आणि सर्व्हिसेस ऑर्ग मधील एक प्रतिभावान अमेझोनियन गमावू.’ नवीन काम शोधण्यात त्यांना मदत करण्यासह यापुढे सहकार्य देण्यासाठी आम्ही प्रत्येक व्यक्तीसोबत जवळून काम करत राहू असे कंपनीने आपल्या पत्रात म्हटले आहे.
न्यूज एजन्सी एएनआयने न्यूयॉर्क टाईम्स (NYT) च्या अहवालाचा हवाला देत म्हटले आहे की, अमेझॉन कंपनी शक्य तितक्या लवकर १० हजार कर्मचार्‍यांना काढून टाकू शकते. कपातीची एकूण संख्या १० हजारच्या आसपास राहिल्यास, अॅमेझॉनच्या इतिहासातील ही सर्वात मोठी कपात असेल. जी कंपनीच्या कर्मचार्‍यांच्या एक टक्क्यापेक्षा कमी आहे. कारण Amazon जागतिक स्तरावर १.६ दशलक्षाहून अधिक लोकांना रोजगार देते. नोकऱ्यांमधील कपात अॅमेझॉनच्या डिव्हाइसेस युनिटवर केंद्रित असेल. ज्यामध्ये व्हॉइस असिस्टंट अलेक्सा आणि त्याच्या रिटेल आणि मानव संसाधन विभागांचा समावेश आहे, असे अहवालात म्हटले आहे.
फेसबुकनंतर आता Amazonमध्ये नोकर कपात! ३,५०० कर्मचाऱ्यांवर टांगती तलवार
गुगलमध्येही टाळेबंदीच्या बातम्या
अॅक्टिव्हिस्ट गुंतवणूकदार टीसीआय फंड मॅनेजमेंटने गुगलची मूळ कंपनी अल्फाबेटला खर्चात कपात करण्यासाठी त्यांचे कर्मचारी कमी करण्यास सांगितले आहे. कंपनीमध्ये खूप कर्मचारी आहेत आणि प्रति कर्मचारी खर्च खूप जास्त आहेत, असे २०१७ पासून अल्फाबेटमध्ये सहा अब्ज शेअर्स असलेल्या गुंतवणूकदाराने कंपनीला सांगितले.
