eSIM Transfer: भन्नाटच ! आता ब्लूटूथने ट्रान्सफर करता येणार eSIM, फॉलो करावी लागेल ही सोप्पी प्रोसेस

नवी दिल्ली: How To Transfer eSIM : अॅपलने आपल्या आयफोनसह ई-सिम सादर केले. त्यानंतर सॅमसंगनेही आपल्या फोनमध्ये eSIM सपोर्ट केला. ई-सिमचे Activation सॉफ्टवेअरद्वारे केले जाते आणि आपल्याला फिजिकल सिमची आवश्यकता नसते. पूर्वी ई-सिम कार्ड ट्रान्सफर करता येत नव्हते. पण, आता ते शक्य आहे. यासाठी काही टिप्स फॉलो कराव्या लागतील. Apple ने आपल्या नवीन ऑपरेटिंग सिस्टमसह eSIM ट्रान्सफर सुविधा प्रदान केली आहे. आता तुम्ही तुमच्या iPhone चे eSIM ब्लूटूथद्वारे ट्रान्सफर करू शकता. सामान्यतः नवीन फोनमध्ये सिममध्ये समस्या असायची, कारण प्रत्येक वेळी नवीन फोन बदलताना सिम कार्ड हटवावे लागत होते, परंतु आता असे होणार नाही.

वाचा: Internet Tips: मिनिटांत डाउनलोड होईल आवडती मूव्ही, रॉकेटच्या स्पीडने काम करेल इंटरनेट, पाहा या ट्रिक्स

eSIM कसे ट्रान्सफर करायचे?

Apple ने iOS 16 सह ब्लूटूथद्वारे eSIM ट्रान्सफर करण्याची सुविधा सादर केली आहे. हे फीचर iOS 16 नंतर OS मध्ये देखील उपलब्ध होईल. iOS 16 सह, Apple ने सिम कार्डसाठी दोन पर्याय दिले आहेत. पहिला म्हणजे ब्लूटूथद्वारे आयफोनमध्ये eSIM हस्तांतरित करणे आणि दुसरे म्हणजे तुमच्या टेलिकॉम कंपनीला ई-सिमसाठी कोड विचारण्याचा. iOS 16 सह नवीन iPhone सेट करतानाच तुम्हाला Setup Cellular चा पर्याय मिळेल. त्यादरम्यान तुम्हाला eSIM कार्ड ट्रान्सफरसाठी ब्लूटूथ आणि क्यूआर कोडचा पर्याय मिळेल, यापैकी तुम्ही कोणताही एक पर्याय निवडू शकता.

वाचा: Sunder Pichai : लाखो तरुणांचे फेव्हरेट Google चे सीईओ सुंदर पिचाई यांचे ‘मॉर्निंग रूटीन आहे खूपच सिम्पल, पाहा डिटेल्स

ई-सिम म्हणजे काय?

E-SIM चे पूर्ण रूप एम्बेडेड सबस्क्राइबर आयडेंटिटी मॉड्यूल आहे. हे मोबाइल फोनमध्ये स्थापित केलेले व्हर्च्युअल सिम आहे. ई-सिमच्या माध्यमातून तुम्ही फोन, मेसेजसह सर्व कामे करू शकाल. परंतु, तुम्हाला ते फोनमध्ये ठेवण्याची गरज नाही. ई-सिमचा सर्वात मोठा फायदा म्हणजे जर तुम्हाला तुमच्या सिमची कंपनी बदलायची असेल तर तुम्हाला सिम कार्ड बदलण्याची गरज पडत नाही. याशिवाय, फोन खराब झाल्यास किंवा ओला झाल्यास सिमवर परिणाम देखील होत नाही.

वाचा: Smartwatch: ब्लूटूथ कॉलिंगसह Noise ColorFit Pulse Buzz भारतात लाँच, वॉचमध्ये ७ दिवसांपर्यंत बॅटरी लाईफ