सतत जांभई येत असेल तर करू नका दुर्लक्ष, आरोग्याशी निगडीत समस्यांचा धोका

लिव्हर समस्या असणाऱ्यांना त्रास

ज्या व्यक्तींना सतत थकवा जाणवतो आणि जांभई येण्याचा त्रास आहे त्यांना लिव्हर समस्याही असू शकते. वेळीच डॉक्टरांचा सल्ला घेऊन लिव्हरची तपासणी करून घेणे आवश्यक आहे. सतत तुम्हाला जांभई येण्याचा त्रास होत असेल तर याबाबत दुर्लक्ष करू नका.

फुफ्फुसाचे कार्य नीट नसल्यास

तज्ज्ञांच्या मते हृदय आणि फुफ्फुसाच्या आजारामुळे अथवा फुफ्फुसाचे कार्य नीट होत नसल्यास जांभई येण्याचे प्रमाण अधिक वाढते आणि तुम्हाला याबाबत अजिबात कळत नाही. जांभईच आहे असं म्हणून अनेक वेळा याकडे दुर्लक्ष होते. मात्र यामुळे तुम्हाला दम्याचा त्रासही होऊ शकतो हे लक्षात घ्या.

(वाचा – डायबिटीससाठी मेथी दाणे ठरतात वरदान, सेवन करायचे असेल तर सर्वात सुरक्षित पद्धत घ्या जाणून)

ब्रेन ट्युमरचे संकेत

डॉक्टरांनी सांगितल्याप्रमाणे, एका संशोधनानुसार, सतत जांभई येणे हे ब्रेन ट्युमरचेही लक्षण आहे. असे संकेत मिळत असतील तर तुम्ही वेळीच डॉक्टरांचा सल्ला घ्यावा. एपिलेप्सी, हृदयविकाराचा झटका, हृदयाशी संबंधित त्रास, शरीराचे तापमान योग्य नसणे यामुळे जांभईचा त्रास उद्भवू शकतो.

(वाचा – प्रेग्नन्सीशिवाय स्तनांमधून दूध येणे खरंच धोकादायक आहे का? कोणत्या आजाराची धोक्याची घंटा, घ्या जाणून)

रक्तदाबाचाही त्रास

तुम्हाला रक्तदाबाचा त्रास असल्यास जांभई अधिक प्रमाणात येते. सततच्या ताणतणाव आणि थकव्यामुळे हृदयाची धडधड कमी होते आणि त्यामुळे मेंदूला योग्य रक्तपुरवठा मिळत नाही. याच कारणाने मेंदूलाही थकवा येऊन जांभई येते.

(वाचा – आलियाने जेवण न सोडता केले ६ महिन्यात २० किलो वजन कमी, ऋजुता दिवेकरचे डाएट)

टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा