डोळ्यांनी धोका दिला, असं का म्हणतेय रिंकू राजगुरू? अभिनेत्रीनं सांगितलं सत्य

मुंबई : अभिनेत्रींचा चेहरा महत्त्वाचा असतो. सौंदर्याच्या व्याख्या आता बदलल्यात. त्यांच्याकडे पाहण्याची नजरही बदलली आहे. हल्ली तर बऱ्याच गोष्टी सोशल मीडियावर शेअर होतात. चाहत्यांपर्यंत त्या पोहोचत राहतात. आर्ची फेम रिंकू राजगुरूनंही एक महत्त्वाची गोष्ट सांगितली आहे.

अनिरुद्धला आला आध्यात्मिक अनुभव, याचा संबंध आहे एका बासरीशी!

रिंकूनं आपल्या इन्स्टाग्रामवर नवा व्हिडिओ शेअर केला आहे. रिंकू त्यात पारंपरिक लूकमध्ये आहे. रिंकूनं त्यावर लिहिलं आहे, ‘मी माझ्या भावना लपवण्याचा प्रयत्न केला, पण मी हे विसरले की माझे डोळे बोलतात.’ यावर तिच्या चाहत्यांच्या प्रचंड प्रतिक्रिया आल्या आहेत. नेटकऱ्यांनी तू खूप सुंदर दिसतेस असं म्हटलंय. शिवाय तिच्या या व्हिडिओवर अनेक हार्ट इमोजी आल्या आहेत.

सैराट हा रिंकूचा पहिला सिनेमा. पण पहिल्याच सिनेमानं तिला स्टार केलं. रिंकू अनेकांच्या गळ्यातला ताईत झालीय. तिच्या सोशल मीडियावरच्या पोस्टसाठी चाहते प्रतीक्षा करत असतात. रिंकू आरोग्याची नेहमी काळजी घेते. गावी घरी असताना ती रोज सकाळी उठून धावण्याचा व्यायाम करते. तसंच ती नियमित योगासनंही करते. काही दिवसांपूर्वी तिनं चक्रासन करतानाचा व्हिडिओ शेअर केला होता.

अगं तू जोशी आहेस ना? स्पृहाच्या त्या रेसिपी व्हिडिओवर नेटकऱ्यांनी केल्या भलत्याच कमेंट्स

काही महिन्यांपूर्वी तिचा प्रेमाचा आठवा रंग रिलीज झाला होता. त्यात तिनं अॅसिड अटॅक झालेल्या तरुणीची भूमिका केली होती. त्यावेळी एका मुलाखतीत तिनं सांगितलं होतं, ‘मूळात मी भूमिकेची मानसिकता समजून घेत ती साकारली. तिच्यावर कुणाची छाप नको असं माझं मत होतं. प्रॉस्थेटिक मेकअप आणि तो केल्यानंतर त्यात व्यक्त होणं कठीण होतं. सुरुवातीला आपण वेगळं काम करतोय याचा आनंद होता; पण त्या मेकअपमध्ये व्यक्त होणं सोपं नसतं. तुम्ही चेहऱ्याची फार हालचाल करू शकत नाही, ताणू शकत नाही, हसू शकत नाही.’