Dark Underarms ने केलंय हैराण, आठवडाभरात होतील गायब करा ही युक्ती

कोरफड जेल

कोरफड जेलचा वापर तुम्ही फेशियल स्किनचे सौंदर्य वाढविण्यासाठी करू शकता हे सर्वांनाच माहीत आहे. मात्र हीच पद्धत तुम्ही अंडरआर्म्समधून काळेपणा काढण्यासाठीही वापरू शकता. नैसर्गिक एक्सफोलिएटर म्हणून कोरफड जेल काम करते. तसंच मृत कोशिका अथवा डेड स्किन काढून टाकण्यास याची मदत होते. याच्या नियमित वापराने तुम्ही काखेतील काळेपणा सहज घालवू शकता.

बटाट्याने घालवा काळेपणा

कच्चा बटाटा हा नैसर्गिक ब्लीचप्रमाणे काम करतो. बटाट्याचे काप तुम्ही करून घ्या आणि मग डार्क अंडरआर्म्सवर तुम्ही हे लावा. यामुळे काळेपणा कमी होण्यास मदत मिळते. तुम्हाला हवं असेल तर तुम्ही बटाट्याचा रस काढा आणि त्यात कापूस बुडवून तो रस तुम्ही काखेत लावा. काही वेळ तसंच ठेवा आणि मग व्यवस्थित स्वच्छ पाण्याने धुवा. काही दिवसातच याचा चांगला परिणाम दिसून येतो.

(वाचा -घनदाट केसांसाठी करा कोरफडचा असा वापर, नैसर्गिकरित्या होतील काळेभोर)

अॅपल साईड व्हिनेगर

अॅपल साईड व्हिनेगरच्या मदीतने तुम्ही तुमच्या अंडरआर्म्सचे डेड सेल्स काढू शकता. तसंच हे उत्तम नैसर्गिक निर्जंतूक करण्यासाठी उपयोगी ठरते. यासाठी एका भांड्यात २ चमचे अॅपल साईड व्हिनेगर मिक्स करा आणि यामध्ये थोडा बेकिंग सोडा मिक्स करा आणि ही पेस्ट अंडरआर्म्सला लावा. साधारणतः १५ मिनिट्सनंतर स्वच्छ पाण्याने धुवा.

(वाचा – कियारासारखी त्वचा हवी असेल तर करा तुपाने रोज त्वचेवर मसाज, चमकदार आणि तुकतुकीत होईल त्वचा)

लिंबाचा उपयोग

आपल्या त्वचेसाठी लिंबू एक नैसर्गिक ब्लिचिंग घटकाप्रमाणे काम करते. यामुळे अंडरआर्म्सचा काळेपणा कमी होतो. तसंच डेड स्किन काढून टाकण्यासही याची मदत मिळते. तुम्ही आठवडाभर जर लिंबाचा वापर केला तर तुम्हाला नक्कीच फरक दिसून येईल.

यापैकी कोणत्याही गोष्टीची तुम्हाला अलर्जी असेल तर तुम्ही याचा वापर करू नका. हे घरगुती उपाय आहेत आणि त्याचा गंभीर परिणाम त्वचेवर होत नाही हे अनेक जणांनी प्रयोग केल्याने सिद्ध झाले आहे. पण तरीही तुम्हाला कोणतेही प्रश्न असल्यास, तुम्ही याचा वापर डॉक्टरांना विचारून करावा.

(वाचा – चेहऱ्यावरील काळ्या डागामुळे सौंदर्यात येतेय अडचण, तर आजच करा असा आयुर्वेदिक उपाय)

प्रश्नोत्तरे

१. साधारण किती दिवस बटाटा वापरल्यास, काळेपणा दूर होतो?

आठवडाभर तुम्ही रोज बटाट्याचे काप तुमच्या काळ्या त्वचेवर लावल्यास काळेपणा दूर होण्यास मदत मिळते.

२. डार्क अंडरआर्म्स नक्की का होतात?

त्वचेची नीट काळजी घेतली नाही तर त्वचेवर घाण बसत जाते. तसंच काखेत जास्त प्रमाणात घाम येतो आणि घाम व्यवस्थित स्वच्छ झाला नाही तर डार्क अंडरआर्म्स तयार होतात.

३. काळे अंडरआर्म्स दूर करण्यासाठी कोणती वेगळी ट्रीटमेंट आहे का?

अनेक स्किन केअर पार्लर्स सध्या असून त्यांच्याकडे वेगवेगळ्या ट्रीटमेंट केल्या जातात. तसंच लेझर ट्रीटमेंट केली जाते. मात्र याचा खर्च प्रत्येकाला परवडणारा नसतो.

(फोटो क्रेडिटः Freepik.com)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com