क्रेडिट कार्डच्या कर्जाच्या जाळ्यात अडकला आहात? ‘या’ स्टेप्स फॉलो करा! – Lets Talk

क्रेडिट कार्डच्या कर्जाच्या जाळ्यात अडकला आहात? ‘या’ स्टेप्स फॉलो करा!

 

बदलत्या काळानुसार बँकिंगमध्येही अनेक मोठे बदल झाले आहेत. गेल्या काही वर्षांत क्रेडिट कार्ड आणि डेबिट कार्डचा वापर झपाट्याने वाढला आहे. क्रेडिट कार्डच्या माध्यमातून लोक आधी विचार न करता शॉपिंग करतात आणि मग कर्जाच्या ओझ्याखाली दबतात.

 

सणासुदीचा हंगाम सुरू झाल्याने अनेक क्रेडिट कार्ड कंपन्या आपल्या ग्राहकांना आकर्षित करण्यासाठी जबरदस्त ऑफर्स देत आहेत. ऑफरचा फायदा घेऊन, ग्राहक छोट्या-मोठ्या गोष्टींवर मोठ्या सवलतींचा लाभ घेऊ शकतात, परंतु बऱ्याच वेळा लोक स्वस्त वस्तूंच्या शोधात क्रेडिट कार्डद्वारे इतकी खरेदी करतात की, नंतर त्यांना त्यांचे बिल भरता येत नाही.

 

क्रेडिट कार्डची बिले वेळेवर न भरल्यामुळे कंपन्या ग्राहकांवर दंड आकारतात. यानंतर ग्राहक कर्जाच्या सापळ्यात अडकत राहतात. तुम्हीही सवलतींमुळे क्रेडिट कार्डच्या कर्जाच्या जाळ्यात सापडला असाल तर घाबरण्याची गरज नाही. काही सोप्या उपायांनी तुम्ही क्रेडिट कार्डच्या कर्जाच्या सापळ्यापासून मुक्त होऊ शकता. याविषयी जाणून घेऊया.

 

तुम्हीही क्रेडिट कार्डच्या कर्जाच्या जाळ्यात अडकला असाल, तर सर्वप्रथम तुमच्या क्रेडिट कार्डचे बिल ईएमआयमध्ये बदला. यासह, तुम्ही दरमहा अल्प रक्कम म्हणून कर्ज जमा करू शकता.

 

जर तुम्हाला क्रेडिट कार्डच्या व्याजामुळे त्रास होत असेल, तर तुम्ही आधी तुमच्या क्रेडिट कार्डचे बिल दुसऱ्या क्रेडिट कार्डवर ट्रान्सफर करा. असे केल्याने तुम्हाला दरमहा आकारण्यात येणाऱ्या मोठ्या व्याजापासून आराम मिळेल. त्यानंतर तुम्ही लहान EMI म्हणून त्याची निवड करू शकता.

 

जर तुम्ही क्रेडिट कार्डच्या कर्जाच्या जाळ्यात अडकले असाल तर ते फेडण्यासाठी तुम्ही कोणत्याही बँकेकडून वैयक्तिक कर्ज देखील घेऊ शकता. सामान्यतः, बहुतेक बँका वैयक्तिक कर्जावर 10 ते 12% व्याज दर आकारतात आणि क्रेडिट कार्डवर ते 20 टक्क्यांपर्यंत जाऊ शकते. अशा परिस्थितीत, तुम्ही वैयक्तिक कर्ज घेऊन क्रेडिट कार्डचे बिल भरू शकता आणि नंतर तुमच्या वैयक्तिक कर्जाची रक्कम ईएमआयद्वारे परत करू शकता.