वयानुसार बाळाची झोप किती असावी? सविस्तर जाणून घ्या! – Lets Talk

वयानुसार बाळाची झोप किती असावी? सविस्तर जाणून घ्या!

 

रात्रंदिवस बाळाच्या झोपेमुळे अनेक वेळा पालक अस्वस्थ होतात. तथापि, अधिक झोपणे बाळाच्या विकासासाठी चांगले आहे. वयानुसार मुलाने किती वेळ झोपावे? याबाबत जाणून घेऊयात…

 

लहान मुलांची झोपेची वेळ : जन्मानंतर, बाळ रात्रंदिवस झोपतात. काही वेळा लहान मुलांना दूध प्यायलाही उठवावे लागते. जन्माच्या तिसर्‍या महिन्यात बाळाच्या झोपण्याच्या पद्धतीत किंचित बदल होतो. बाळाच्या शारीरिक आणि मानसिक विकासासाठी सुरुवातीला झोप खूप महत्त्वाची असते. सुरुवातीला बाळ रात्री झोपेल आणि दिवसातून 2-3 वेळा डुलकी घेते.

 

लहान मुले सहसा सकाळी, दुपारी आणि संध्याकाळी झोपतात. तथापि, प्रत्येक बाळाची झोपण्याची पद्धत वेगळी असते. बऱ्याच वेळा मातांना काळजी वाटते की, बाळ खूप झोपतात. दिवसभरात मुलाला जास्त झोपणे हे सामान्य आहे. साधारण 3 महिन्यांचे झाल्यावर बाळ 2-3 तास जागे राहू शकते. बाळाला जास्त झोपल्याने त्याचा विकास होण्यास मदत होते.

बाळासाठी किती तासांची झोप आवश्यक आहे?

▪️ वयानुसार मुलांच्या झोपेमध्ये फरक पडतो. जन्मानंतर, बाळ दिवसाच्या 24 तासांमध्ये 18 ते 20 तास झोपते.

▪️ बाळ 3 महिन्यांचे झाल्यावर झोपेत बदल होतो. 4 ते 12 महिन्यांचे बाळ 12 ते 16 तास झोपते.

▪️ मुलाची 1 ते 2 वर्षांच्या दरम्यान झोप कमी होते. या वयात, बाळ 11 ते 14 तास झोपतात.

▪️ बाळाने  3 ते 5 वर्षांचे झाल्यावर किमान 10 ते 13 तासांची झोप घेतली पाहिजे.

▪️ मुलाचे वय 6 ते 12 वर्षे असेल तर मुले प्रौढांप्रमाणे 9 ते 12 तासांची झोप घेतात.

▪️ मुलाने 13 ते 18 वर्षांचे असताना 8 ते 10 तासांची झोप घ्यावी.

 

बाळाच्या चांगल्या झोपेचे फायदे काय?

▪️ गाढ आणि चांगली झोप घेतल्याने शरीरातील वाढीचे संप्रेरक खूप वेगाने सक्रिय होतात.

▪️ चांगली झोप घेणाऱ्या मुलांची रोगप्रतिकारक शक्ती मजबूत होते. यामुळे रोग आणि संक्रमण दूर राहते.

▪️ चांगली झोप घेतल्याने दिवसभराचा थकवा आणि अशक्तपणा दूर होतो. त्यामुळे शरीराला ऊर्जा मिळते.

▪️ कमी झोपेमुळे मूल चिडचिड होते आणि अनेक मानसिक आजारांचा धोका वाढतो.

▪️ जी मुले चांगली झोप घेतात, त्यांची शारीरिक आणि मानसिक वाढही चांगली होते.

 

टीप : वरील लेखात देण्यात आलेली माहिती प्राथमिक स्वरूपाची आहे. याची नोंद घ्यावी.