बॉलिवूडमधील बड्या निर्मात्यांची अभिनेत्रीकडून पोलखोल, कामाच्या बदल्यात सेक्स…

मुंबई: चित्रपट क्षेत्रासाठी कास्टिंग काऊच हा शब्द नवीन नाही. अनेकदा आरोप-प्रत्यारोप होतात अन् काळाबरोबर त्या घटना विस्मरणात जातात. इंडस्ट्रीत वावरणाऱ्यांना थोड्या-फार फरकानं असे ‘अनुभव’ येत असतात. मनोरंजन उद्योगाच्या ग्लॅमरला भुलून छोटी शहरे, गावागावांतून दररोज मुंबईसारख्या शहरांमध्ये धडका मारणाऱ्यांत मध्यमवर्गीय तरुण-तरुणींची संख्याच जास्त असल्यामुळं या क्षेत्रातील लैंगिक शोषणाचा मुद्दा हा नेहमीच अधिक चर्चेत असतो.

बॉलिवूडमधील अभिनेत्रींनी त्यांना आलेल्या कास्टिंग काऊचच्या अनुभवांवर मते व्यक्त केली आहेत. अनेक अभिनेत्रींना कास्टिंग काऊचचा अनुभव आला आहे. आता अभिनेत्री शमा सिकंदर हिनं कास्टिंग काऊचबद्दल गौप्सस्फोट केला आहे. शमानं बॉलिवूडमध्ये झालेला चांगला बदल यावरही भाष्य केलं आहे.

असं कुठं असतंय व्हय…नव्यानं सुरू झालेल्या मराठी मालिकेला प्रेक्षकांनी केलं ट्रोल

शमा तिच्या नुकत्याच दिलेल्या मुलाखतीत म्हणते की, बॉलिवूड आता बऱ्यापैकी सुधारलं आहे. बऱ्याच गोष्टी बदलल्या आहेत, पण त्या चांगल्या अर्थानं. आजकालचे निर्माते पहिल्यापेक्षा जास्त प्रोफेशनल झाल्याचं पाहायला मिळतं. नवीन कलाकारांनाही सन्मान मिळतोय. ते कामाच्या बदल्यात सेक्सची अपेक्षा ठेवत नाहीत. पण माझ्या करिअरच्या सुरुवातीच्या काळात मला असे निर्मातेही भेटले ज्यांना माझ्याशी मैत्री करायची होती. पण मला वाटायचं की, मी यांना पहिल्यांदाच भेटलेय, कामही केलं नाही मग आमच्यात मैत्री कशी होईल. कामाच्या बदल्यात सेक्सची मागणी करणं म्हणजे खालच्या दर्जाचे विचार आहेत, असं शमा म्हणाली.

इतकंच नव्हे तर कामाच्या बदल्यात सेक्सची मागणी करणारे हे इंडस्ट्रीतील मोठे निर्माते होते, असंही शमा म्हणाली. पण आता इंडस्ट्रीत असेही लोक आहेत, ज्यांच्यासोबत काम करताना तुम्हाला खूप सुरक्षित वाटतं. त्यामुळं प्रत्येकावर कास्टिंग काऊचचा आरोप करणं चुकीच ठरेल, असंही ती म्हणाली.

त्याप्रकारची भूमिका साकारायला मी केव्हाही तयार आहे…अनुजा साठेनं व्यक्त केली इच्छा
सगळ्याच क्षेत्रात अपप्रवृत्ती आहेत, परंतु चित्रपटसृष्टीसारख्या ग्लॅमरस क्षेत्राचं नाव कोणत्याही अनैतिक प्रकारात आलं की त्याची जास्त चर्चा होते, असंही शमा म्हणते.