Bigg Boss 16 : रश्मिकानं सलमान खानला दिलं प्रेमाचं औषध, दोघांचा Video झाला व्हायरल

मुंबई :बिग बाॅस १६ चा वीकेण्ड वार अगदी धमाकेदार झाला. सलमान खान यावेळी बिग बाॅसच्या घरातही गेला.त्यानं सर्व सदस्यांची शाळाही घेतली. रविवारच्या एपिसोडमध्ये सलमान खानबरोबर रश्मिका मंदाना आणि नीना गुप्ता दिसणार आहेत. गुडबाय सिनेमातले कलाकार बिग बाॅस १६ च्या शोमध्ये असणार आहेत. भाईजाननं त्यांच्या बरोबर धमाल केलीय. तो व्हिडिओही समोर आलाय.

माझ्या आशूला आयुष्यभर साथ देशील ना, सुलेखा ताईंच्या प्रश्नावर काय आहे अरुंधतीचं उत्तर?

या व्हिडिओत सलमान खान म्हणतोय, मला तुमच्या बरोबर एक खेळ खेळायचा आहे. खेळ होता नीना गुप्ता आणि रश्मिका मंदानाचं लीप रीडिंग करण्याचा. सलमान खान हेडफोन लावतो. रश्मिका म्हणते, प्यार की बुटी. सल्लूमियाँ हे अजिबातच ओळखू शकत नाही. मग पुष्पा गर्ल जोरजोरात हसायला लागते. या तिघांनी प्रेक्षकांचं खूप मनोरंजन केलं आहे.

सलमान-रश्मिकाचा डान्स
एका पुरस्कार सोहळ्यामध्ये रश्मिका मंदाना हिनं ग्लॅमरस एण्ट्री घेतली. अभिनेत्रीच्या उपस्थितीमुळे कार्यक्रम सोहळा रंगतदार झाला परंतु जेव्हा सलमान खान (Salman Khan) ला तिनं पुष्पा सिनेमातील ‘सामी सामी’ या गाण्यावर तिच्या इशाऱ्यांवर थिरकायला लावलं तेव्हा तर भन्नाट माहौल तयार झाला.

सोशल मीडियावर व्हायरल झालेल्या व्हिडिओमध्ये रश्मिका सामी सामी गाण्यावर डान्स करताना दिसत आहे. त्यात सलमान आणि कार्यक्रमाचा सूत्रसंचालक मनीष पॉल तिच्या इशाऱ्यांवर थिरकताना दिसत आहेत. हा व्हिडिओ सोशल मीडियावर खूप व्हायरल झाला आहे. तो पाहून नेटकरीदेखील खूश झाले.

अल्पवयीन मुलाला दिली सलमानला जीवे मारण्याची सुपारी! पोलिसांनी आवळल्या

पुष्पाच्या दुसऱ्या भागाची प्रतीक्षा
पुष्पा सिनेमा २०२१ मध्ये प्रदर्शित झाला होता. हा सिनेमा तेलगुसह हिंदीतही प्रदर्शित झाला होता. हिंदी सिनेमानं १०० कोटी रुपयांचा टप्पा पार केला. या सिनेमाचं बजेट ४०० कोटी रुपये होते. आता या सिनेमाच्या दुसऱ्या भागाची प्रेक्षक आतुरतेनं वाट बघत आहेत.