Alia Ranbir Wedding : आलिया-रणबीर कपूरच्या लग्नात होती एक आगळीवेगळी खासियत, जी तुम्हीही केली का नोटिस? पुन्हा एकदा व्यवस्थित बघा फोटो..!

अवघ्या बॉलीवूडला आणि चाहत्यांना ज्या गोष्टीची प्रतीक्षा होती ती गोष्ट अखेर पार पडली. रणबीर कपूर (ranbir kapoor) आणि आलीया भट्ट (alia Bhatt) यांचा विवाह सोहळा पार पडला. हा विवाह सोहळा म्हणजे एक बहुप्रतीक्षित इव्हेंटच होता, कारण आजवर सिंगल असलेला रणबीर आणी आलिया यांच रिलेशनशिप कितपत पक्क आहे यावर अनेकांना शंका होती. शिवाय दोघांच्या वयात सुद्धा मोठा फरक आहे. त्यामुळे हे केवळ प्रेम आणि अफेअरच राहील आणि लग्नापर्यंत जाणार नाही असे अंदाज अनेकांनी बांधले होते.

पण शेवटी त्यांच्या सिक्रेट लग्नाची बातमी आली आणि खरी सुद्धा ठरली. रणबीर आणि आलीया यांनी आयुष्यभरासाठी एकमेकांना स्वत:चा जोडीदार म्हणून निवडले. तर हा विवाह सोहळा सुद्धा अगदी डोळ्यांचे पारणे फेडणारे ठरला. वधू आणि वर या रुपात आलीय आणि रणबीर अगदीच दृष्ट लागावेत असे स्वप्नवत कपल्स दिसत होते. (सर्व फोटो : इंस्टाग्राम@aliabhatt, योगेन शाह)

चटकदार रंग सोडून निवडला हा रंग

भारतातील लग्न म्हणजे नुसता झगमगाट आणि त्यामुळे कपडे सुद्धा तशाच रंगाचे परिधान करण्याकडे सामान्य कल असतो. पण आलिया आणि रणबीर यांनी मात्र वेगळाच पर्याय निवडला आणि त्यांनी ब्राईट रंगाचे डोळ्यांत भरणारे रंग न निवडता अगदी डोळ्यांना सुखावणारा आणि जास्त भडक नसणारा असा रंग निवडला. पण खरंच हा रंग या कपलला अगदी शोभून दिसत होता. रणबीर आणि आलीयाने ब्राईट किंबा डार्क शेड्सना बाजूला सारून आपल्यासाठी आयवरी शेड्सचे कपडे डिजाईन केले होते. ज्यामध्ये दोघेही खूपच एलिगंट दिसत होते.

(वाचा :- आलिया भट्टच्या हॉट-बोल्ड नणंदा पाहिल्यात का? कोणी स्लिट ड्रेस घालून करतं घायाळ तर कोणी दोन मुलांची आई असूनही करतं मादकतेचं प्रदर्शन..!)

पुन्हा एकदा सब्यसाची

बॉलीवूडकरांचं कोणतंही लग्न असो पण कपडे मात्र सब्यसाची मुखर्जीने डिजाईन केलेलेच हवेत. आलीया आणि रणबीरच्या लग्नात सुद्धा त्यांचे आउटफिट जास्त हिट ठरले आणि हे आउटफिट सुद्धा अर्थातच सब्यसाची मुखर्जीनेच डिजाईन केले होते.या आधी कतरिना कैफ, प्रियांका चोप्रा, अनुष्का शर्मा, दीपिका पादुकोण आणि कित्येक असंख्य अभिनेत्री आणि मॉडेल्सने लग्नासाठी सब्यसाचीचे आउटफिट निवडले होते. सब्यसाची केवळ आता डिजाईनर राहिले नसून तो एक मस्ट ब्रँड झाला आहे.

(वाचा :- ब्रालेट टॉप आणि शियर पॅंट घालून दिशा पाटनीने लावली इंटरनेटवर अक्षरश: आग, कातील अदांमधील फोटोंवरून नजर हटवणं मुश्किल..!)

अशी तयार केली गेली आलीयाची साडी

आलीयाने परिधान केलेली साडी आकर्षणाचा केंद्रबिंदू ठरली. आलीयच्या आयवरी साडीला हातांनी डाय केले होते. याचा कपडा ऑर्गैंजा सिल्कचा होता ज्यात सोनेरी रंगाचे बारीक टिल्ला वर्क करून साडी अजूनच सुंदर करण्यात आली होती. याशिवाय डोक्यावर टिशू फॅब्रिक मेड ओढणी होती, ज्यावर हातांनी विणकाम केले गेले होते. आलियाचे दागिने सब्यसाचीच्याच हेरीटेज ज्वेलरी कलेक्शन मधून पिक केले गेले होते. ज्यांना अनकट डायमंड आणि पर्ल्सने तयार केले गले होते.

(वाचा :- Madhuri Dixit : माधुरी दीक्षितने 25 वर्षांच्या मुलीसारखा छोटासा टॉप घालून मारली दिलखेचक पोझ, फोटो पाहून तुम्हीही पडाल प्रेमात..!)

रणबीरची शेरवानी

सब्यसाची मुखर्जीने नवरदेव अर्थात रणबीर कपूरच्या शेरवानीचा रंग सुद्धा आयवरी ठेवला होता. सिल्क पासून तयार केलेल्या कपड्यावर जे बटन्स लावले होते ते अनकट डायमंडने सजले होते. त्यांचा साफा सिल्क ऑर्गैंजाचा होता. तर शॉल सुद्धा जरीच्या विणकामाने सजवली होती. साफा बृचला अनकट डायमंड आणि गळ्यातील माळेला पाने व मोती यांपासून बनवले होते. एकंदर आलिया आणि रणबीर दोघांचे कपडे बनवण्यात खूप मेहनत घेण्यात आली होती आणि हे शाही पोशाख आलिया आणि रणबीर दोघांना सुद्धा राजा महाराजाचा लुक देत होते.

(वाचा :- बर्थडे होता CEO चा, पण पार्टीमध्ये तुफान चर्चा झाली स्किनी टाइट ब्लॅक ड्रेस घालून मिरवणा-या काजोलचीच..!)

आलियाला पालखीत नाही तर कुशीत उचलून घेतले

शाही आउटफिट आणि ज्वेलरी यांनी नटलेलं हे जोडपं जेव्हा लग्न झाल्यावर पहिल्यांदा बाहेर आलं तेव्हा सर्वच कॅमेऱ्याच्या नजरा त्यांच्यावर खिळल्या होत्या. दोघांच्या चेहऱ्यावर एकमेकांना आयुष्यभरासाठी मिळवल्याचा आनंद साफ दिसत होता. हे लग्न दोघांसाठी किती महत्त्वाच होतं हे त्यांच्या डोळ्यांतच दिसत होतं. इतर जोडप्यांप्रमाणे दोघे हातात हात घेऊन फोटो काढायला उभे राहिले नाही तर रणबीरने आलीयाला चक्क उचलून घेऊन एक गोड पोझ दिली. रणबीर असं काही करेल याची आलियाला सुद्धा कल्पना नव्हती. एकंदर हा विवाह सोहळा अत्यंत थाटामाटात संपन्न झाला.

(वाचा :- स्वस्तातला ड्रेस घालून दिशा पाटनीने केलं बोल्ड अंदाजातील फोटोशूट, सतत झूम करून करून पाहिले गेले हे चार ग्लॅमरस फोटो..!)