MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
स्कोलियोसिसमुळे वर्षभर अंथरूणाला खिळला
वयाच्या २१ व्या वर्षी हृतिकला स्कोलियोसिस नावाचा आजार झाला होता. या आजारात माणसाच्या पाठीचा कणा S किंवा C आकारात बदलू लागतो. या आजारामुळे हृतिक जवळपास वर्षभर बेड रेस्टवर होता. हृतिकला आयुष्यभर चालता येणार नाही आणि त्याला व्हीलचेअरवरच राहावे लागेल, असेही डॉक्टरांनी सांगितले होते. पण इच्छाशक्तीच्या बळावर हृतिक त्याच्या आजारावरही मात करू शकला.
क्रॉनिक सबड्युरल हेमाटोमा आजाराने घेरलं
हृतिकला जुनाट सबड्युरल हेमेटोमा आजार आहे. या आजारात मेंदूच्या खालच्या भागात रक्त साचते आणि डोक्याला काही प्रकारची दुखापत झाल्यास असे होते. ‘क्रिश 3’च्या शूटिंगदरम्यान हृतिक रोशनच्या डोक्याला दुखापत झाली होती आणि त्यामुळे 2013 मध्ये मुंबईतील हिंदुजा हॉस्पिटलमध्ये त्याच्या मेंदूची शस्त्रक्रियाही झाली होती. या शस्त्रक्रियेनंतरही त्याच्यावर आणखी एक छोटीशी शस्त्रक्रिया करावी लागली. या शस्त्रक्रियेत त्याच्या रक्ताची गुठळी काढण्यात आली. मात्र, तो आता बरा झाला आहे. पण आताही त्यांची नियमित तपासणी करावी लागते.
(वाचा – Hrithik Roshan ला मरणयातनांचा अनुभव… या चुकांमुळे डिप्रेशनमध्ये गेला होता ,3-4 महिन्यांपर्यंत जाणवला हा त्रास))
हृतिकने तणावाचाही केलाय सामना
2017 मध्ये हृतिकला खूप तणावातून जावे लागले होते. बातम्यांनुसार, तो डिप्रेशनचाही शिकार झाला होता. ताणतणाव दूर करण्यासाठी केलेल्या अनेक उपायांनी काम केले नाही तेव्हा त्याने कामातून ब्रेक घेतला आणि जर्मनीला गेला. ‘मोहेंजो दारो’चे अपयश, दीर्घकाळाची गर्लफ्रेंड आणि पत्नी सुझानसोबतचे ब्रेकअप आणि कंगना राणौतसोबत सुरू असलेले भांडण हे देखील त्याच्या तणाव आणि नैराश्याचे प्रमुख कारण असल्याचे मानले जात होते.
(वाचा – Weight Loss : वडिलांच्या या एका विनंतीमुळे अदनान सामीने तब्बल १३० किलो वजन घटवलं, असा होता डाएट))
स्लिप डिस्कचाही त्रास
2012 मध्ये आलेल्या अग्निपथ चित्रपटाच्या शूटिंगदरम्यान हृतिक रोशनला स्लिप डिस्कचा त्रास झाला होता. या आजाराने ते काही काळ त्रस्त होते, पण मेहनतीच्या जोरावर या अभिनेत्याला या आजारातूनही मुक्तता मिळाली.
(वाचा – Breast Asymmetry: स्तनांचा लहान-मोठा आकार सामान्य बाब की गंभीर आजार? तज्ज्ञ काय सांगतात…))
अपघाताच्या त्रासांनी हृतिक हैराण
‘जोधा अकबर’च्या शूटिंगदरम्यान हृतिकला गुडघेदुखीचा त्रास झाला होता. वेदनांनी त्रस्त अभिनेत्याला डॉक्टरांनी सांगितले होते की, तो उभा राहू शकणार नाही, परंतु हृतिकने या आजारावरही मात केली आणि त्यानंतर अनेक ऍक्शन चित्रपटांमध्ये काम केले.
(वाचा – Avala Benefits : मधुमेहापासून ते अगदी कँसरपर्यंतच्या ९ रोगांवर एक आवळा गुणकारी, आवळ्याचे जबरदस्त फायदे))
अडखळून बोलण्यामुळे उडवली जायची खिल्ली
हृतिकला लहानपणी अडखळून बोलण्याचा त्रास होता. या आजारामुळे हृतिक शाळेत जाण्यास टाळाटाळ करत असे. ज्या दिवशी शाळेत तोंडी परीक्षा होती त्या दिवशीही तो बहाणा करून शाळेत गेला नाही. लहानपणी त्याचे मित्र या आजाराची खूप चेष्टा करायचे. 2012 पर्यंत त्यांनी हळूहळू स्पीच थेरपीच्या माध्यमातून त्यावर मात केली. पण आजही स्पीच थेरपी हा हृतिकच्या दिनचर्येचा एक भाग आहे.
(वाचा – फॉर्मल ब्लेझर घ्यायला गेल्यावर लठ्ठपणामुळे दुकानदाराने उडवली खिल्ली, दारू सोडून केले 50 Kg Weight Loss))
कायमच खातो हेल्दी फूड
हृतिक कायमच हेल्दी फूड खातो तसेच फिटनेस फ्रिक देखील तो आहे. आपले शरीर निरोगी राखण्यासाठी हृतिक कायमच कमी तेलातील अन्न खातो. त्याला कार्बोहायड्रेट आणि प्रथिने समृद्ध अन्न खायला आवडते. ज्यामध्ये त्याला सिमला मिरची आणि ब्रोकोली सर्वात जास्त आवडते. आपल्या दिवसाची सुरुवात पाण्याने केल्यानंतर, हृतिक दिवसभर उत्साही राहण्यासाठी नाश्त्यामध्ये अंड्यातील पिवळ बलक नसलेली अंडी आणि ब्रेड खातो.
कधीकधी स्पॅनिश ऑम्लेट आणि उकडलेले अंडी देखील हृतिक आहारात घेतो. त्याच्या दुपारच्या जेवणात डाळ-चपाती, उकडलेल्या भाज्या, चिकन, पास्ता असतो. हृतिक म्हणतो, डाळ-चपाती आणि उकडलेल्या भाज्या तुम्हाला नेहमी फिट ठेवतात. दुपारच्या जेवणानंतर तो नक्कीच फळे खातो. त्याच वेळी, रात्रीच्या जेवणात मासे आणि शिजवलेले चिकन खायला आवडते. हृतिकला भारतीय आणि चायनीज पदार्थ खायला आवडतात.
