MIL DIL Relationship: सासूचा त्रास होतोय तर सुनेने कोणत्या कायद्याची घ्यावी मदत

हुंड्यासाठी सासू छळते

हुंड्यासाठी सासू बरेचदा सुनेचा छळ करते असे दिसून आले आहे. पण आपल्याच घरात आलेल्या दुसऱ्या घरातील एका मुलीला अशा पद्धतीने छळणं हे अत्यंत चुकीचे आहे. मुलीपेक्षा पैशाला अधिक महत्त्व देऊन हुंडा मागणं हे कधीच नातं पुढे घेऊन जाऊ शकत नाही. यासाठी सुनेने आवाज उठवणं अत्यंत गरजेचे आहे. IPC च्या कलम ४९८ए चा वापर करून कोणतीही सून याविरोधात सासूविरोधात तक्रार करू शकते आणि तो तिचा हक्क आहे. हुंड्यासाठी जर सुनेचा छळ होत असेल तर हे लक्षात ठेवणे अत्यंत गरजेचे आहे. अनेक ठिकाणी अशा वागण्यामुळे आजही सासू या व्यक्तीकडे वेगळ्याच नजरेने पाहिले जाते. तसंच पहिल्यापासूनच सासू आणि सुनेच्या नात्यात तणाव निर्माण होण्याची शक्यता असते.

वाईटसाईट बोलणे आणि मारझोड

आजही अनेक गावांमध्ये अथवा अगदी मोठमोठ्या घरांमध्ये सासू आपल्या मुलाच्या आणि नवऱ्याच्या मदतीने सुनेला मारझोड करण्याच्या अनेक केसेस दिसून येतात. आई-वडिलांना त्रास होऊ नये याचा विचार करून बरेचदा अनेक मुली हे सहन करतात. पण हे सहन करणे योग्य नाही. कोणत्याही नात्यात हिंसा सहन करणे योग्य नाही. त्यातही सासू-सुनेचं नातं असेल तर त्याची एक वेगळीच बाजू असते. एखाद्या सुनेची सासू जर तिला वाईटसाईट बोलत असेल अथवा मारझोड करत असेल तर सहन करत राहण्यापेक्षा घरगुती हिंसाचार कायद्याची मदत घ्यावी. डोमेस्किट व्हायलन्स अॅक्ट या नावाने ओळखला जाणारा कायदा सुनेसाठी फायदेशीर ठरतो.

कायद्याची मदत घेऊन सून आपल्यावर होणाऱ्या अन्यायाची नक्कीच दाद मागू शकते. पण अनेकदा आजही महिला समाजाचा विचार करून स्वतःला त्रास करून जगत असल्याचेही दिसून येते. पण हे टाळण्यासाठी मुळात सासू आणि सुनेचं नातं कसं असावं हेदेखील जाणून घेणे गरजेचे आहे.

(वाचा – हो! त्याला प्रेम व्यक्त करता येत नाही…पण याचा अर्थ असा नाही की)

सासू आणि सुनेने करावी मैत्री

कायद्याच्या चौकटीत जर यायचे नसेल आणि तर अगदी पहिल्यापासून सासू आणि सुनेने आपल्यात जास्तीत जास्त मैत्रीचे नाते निर्माण व्हावे याचा प्रयत्न करावा. भांडण, मतभेद हे सर्वच नात्यात असतात, पण ते वेळीच सोडवणे आणि एकमेकांना जपून वागणे अत्यंत महत्त्वाचे आहे. कायद्याची मदत घेण्यापेक्षा नाती जपून अधिक लवकर पुढे जाता येते आणि आयुष्यात त्रासही कमी होतो.

(वाचा -नवरा व सासूमध्ये रोज मरण माझं होतंय, नवरा प्रत्येक गोष्टीत रडगाणं गात बसतो आणि सासूची त-हा ऐकून तर व्हाल थक्कच)

एकमेकांना महत्त्व देणे गरजेचे

सासू आणि सून या नात्याकडे वेगळ्या नजरेने न पाहता आपल्या आयुष्यात एखादी नवी व्यक्ती येत आहे आणि त्या व्यक्तीला महत्त्व द्यायचे आहे असा विचार केल्यास, भांडण आणि हेवेदावे राहणार नाहीत. सासू – सून हे अत्यंत नाजूक नाते आहे. हे नातं टिकविण्याची जबाबदारी केवळ सासूची नाही. तर आठवडाभर सून ऑफिसची कामं करत असेल तर तिला सांभाळून घेणे सासूचे काम आहे आणि सुट्टीच्या दिवशी सासूला आराम देण्याचे काम सुनेचे आहे. हे एकमेकांमध्ये समजून घेतले तर सासू – सुनेचे नाते कधीच खराब होणार नाही. तसंच या नात्यात कडवटपणा यायची गरजही भासणार नाही. या नात्याची सुरुवात करताना मुळातच डोक्यात कोणताही पूर्वग्रह न ठेवता सुरूवात करावी. जेणेकरून याचा त्रास होणार नाही.

सासू आणि सुनेच्या नात्यात येणारा कडवटपणा पटकन कमी होऊ शकत नाही. तुमच्याकडून सगळ्या चांगल्या गोष्टी करूनही सासूकडून त्रास होत असेल तर मात्र नक्कीच कायद्याची मदत घ्यावी. मात्र त्याआधी हे नातं जपण्याचा नक्की प्रयत्न करावा.

(फोटो क्रेडिटः Freepik.com)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratime.com