MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
भाग्यश्रीने सांगितले या भाजीचे महत्त्व
अभिनेत्री भाग्यश्री नेहमीच तिच्या फिटनेस बाबत विशेष माहितीपूर्ण शेअर करत असतो. यावेळी तिने बिन्स म्हणजेच फरसबीची भाजी खाण्याचे फायदे सांगितले आहेत. तिच्या या पोस्टला इन्स्टाग्रामवर भरपूर लाईक्स आले असून ही भाजी खाण्याचे फायदे कोणते ते पाहूया. या फळभाजीमध्ये मॅग्नेशियमचा मोठा साठा असल्याने याचा फायदा त्वचेला होतो.
(वाचा :- Aloe vera benefits : गुढी पाडव्याला चेहरा सतेज हवा असेल तर बहुगुणी कोरफडचा असा करा वापर)
अशी करा भाजी…
फरसबी खाण्याचे फायदे
- फरसबीमध्ये मोठ्याप्रमाणात मॅग्नेशियम,पोटॅशियम, फायबर असते. यामुळे हृदयाला खूप फायदा होतो.
- तर फायबरमुळे रक्तदाब कमी होण्यास मदत होते.
- फरसबी व्हिटॅमिन ए, सी, केचा उत्तम स्त्रोत आहे. या भाजीमध्ये साखरेचे परिणाम देखील कमी असते. त्यामुळे ही भाजी आरोग्यासाठी खूपच फायदेशीर असते.
भाजी रेसिपी
साहित्य –
तेल – १ चमचा
जीरे – अर्धा चमचा
ओवा – अर्धा चमचा
तिखट – अर्धा चमचा
धणे पावडर – अर्धा चमचा
मीठ – चवीनुसार
साखर – अर्धा चमचा
फरसबी – पाव किलो
ओलं खोबरं – अर्धी वाटी
हिंग – पाव चमचा
कोथिंबीर – अर्धी वाटी
अशी तयार करा भाजी
- सर्वप्रथाम फरसबी धुवून बारीक चिरुन घ्यायची. त्यानंतर कढईमध्ये तेल घालून त्यामध्ये जीरं, ओवा आणि हिंग घालायचं.
- त्यात फरसबी घालून वरुन धणे पावडर, तिखट, मीठ आणि साखर घालायची.
- मीठ आणि साखर घातल्यानंतर भाजीला थोडं पाणी सुटतं.
- कढईवर झाकण ठेवून त्या झाकणावर थोडं पाणी घाला.
- भाजी शिजली की त्यावर वरुन ओलं खोबरं घाला.
