तळलेल्या पुरीत दिसतंय तेल? ऑईल फ्री पुरी दिसण्यासाठी वापरा कमालीच्या ट्रिक्स

​पुरी लाटताना गोळा चपटा करू नका​

पुरीत तेल जायला नको असेल तर ही चूक अजिबात करू नका. बरेच जण पुरीचा गोळा हा चपटा करून घेतात आणि मग लाटतात. यामुळे पुरी न फुगता त्यात तेल भरते. त्यामुळे पुरी लाटताना गोळा अजिबात चपट करून घेऊ नका.

(वाचा -चपातीची कणीक मळाल अशी, तर पोळ्या कधीच होणार नाहीत कडक आणि चिवट, सोप्या ट्रिक्स)

​पुऱ्या झाकून ठेवा​

तुम्ही जर आधी पुऱ्या लाटून घेऊन मग तळणार असाल तर लक्षात ठेवा पुरीचे पीठ पटकन सुकते. त्यामुळे पुऱ्या लाटून झाल्यावर त्या वरून कापडाने झाकून ठेवा आणि मग तळा. म्हणजे पुरी तळल्यावर त्यात कोरडेपणा येऊन तेल भरणार नाही.

​क्रिस्पीपणासाठी मिक्स करा रवा वा तांदूळ पीठ​

तुम्हाला जर पुरी अजिबात तेलकट नको असेल आणि क्रिस्पी हवी असेल तर गव्हाचे पीठ भिजवताना त्यात रवा अथवा तांदळाचे थोडे पीठ तुम्ही मिक्स करून भिजवा. यामुळे पुरीत तेल जाणार नाही आणि त्याशिवाय पुरी अत्यंत खुसखुशीत आणि क्रिस्पी होईल.

​ही ट्रिक सर्वात महत्त्वाची​

पुरी तळणे हे सर्वांनाच जमते असं नाही. ही ट्रीक सर्वात महत्त्वाची आहे. तेल पूर्ण तापल्याशिवाय कधीही पुरी तळू नये. तसंच गॅसची आंच मंद ठेऊन पुरी तळल्यास, त्यात नक्कीच तेल भरेल. गॅस फ्लेम अधिक ठेऊनच पुरी तळावी आणि योग्य पद्धतीने तुम्ही स्पीडमध्ये ही तळून घ्यावी.

आम्ही सांगितलेल्या या सोप्या टिप्स तुम्हाला नक्कीच फायदेशीर ठरतील. त्यामुळे आता पुरी करताना या टिप्स वापरा आणि खा मऊ, खुसखुशीत आणि ऑईल फ्री पुरी!