महाराष्ट्राच्या हास्यजत्रेतील फुलराणीचा वेगळाच स्वॅग, फॅशनेबल प्रियदर्शिनीवरून नजरच हटेना

हॉल्टर नेक क्रॉप टॉप आणि स्कर्ट

कॉटनच्या हॉल्टर नेक क्रॉप टॉप आणि स्कर्टमध्ये प्रियदर्शिनीने सर्वांच्या नजरा वेधून घेतल्या आहेत. अत्यंत क्लासी आणि एलिगंट अशा या लुकमध्ये प्रियदर्शिनीच्या सौंदर्यावरून नजर हटत नाहीये. ऑफव्हाईट-ब्ल्यू लाईन्स असणारा हा ड्रेस अत्यंत स्टायलिश आहे.

ऑक्सिडाईज दागिन्यांचा साज

ऑक्सिडाईज्ड दागिन्यांचा साज या ड्रेससह प्रियदर्शिनीने केला आहे. मोठे कानातले आणि त्यासह सर्व बोटात बारीक नक्षीकाम केलेल्या अंगठ्या घालून तिच्या लुकमध्ये अधिक भर घातली आहे. ऑफव्हाईट आणि लाईट ब्ल्यू रंगाच्या या ड्रेससह ऑक्सिडाईज्ड दागिने अधिक मॅच होत आहेत.

(वाचा – ‘परी म्हणू की सुंदरा’, साडीत खुलले मानसी नाईकचे सौंदर्य, गुढीपाडव्याला करा असा लुक)

ग्लॉसी नॅचरल मेकअप

केवल डोळ्यांना ग्लॉसी मेकअप आणि बाकी चेहऱ्यावर नॅचरल मेकअप ठेवत प्रियदर्शिनीने आपल्याकडे अधिक लक्ष वेधलं आहे. हल्ली न्यूड मेकअप करण्याला बऱ्याच जणी प्राधान्य देतात आणि हाच नॅचरल लुक डोळ्यांना आकर्षक दिसतो. आयलॅशेस, आयशॅडो, हायलायटर आणि न्यूड लिपस्टिकने तिचा लुक पूर्ण केला आहे.

(वाचा – ‘हमको आज ही कल है इंतजार…’ मॉडर्न लुगडं-चोळीमध्ये समृद्धीच्या सौंदर्याने चाहत्यांचा कलिजा खल्लास)

मेस्सी बन हेअरस्टाईल

प्रियदर्शिनीचे मूळ केस हे कुरळे असून तिच्यावर कोणतीही हेअरस्टाईल अत्यंत सुंदर दिसते. त्यातही तिने या ड्रेससह मेस्सी बन हेअरस्टाईलची निवड केली आहे. बाजूने येणाऱ्या कुरळ्या बटांमुळे तिच्या सौंदर्यात अधिक भर पडली आहे. त्यातही तिची भेदक नजर चाहत्यांच्या काळजात घर करत आहेत.

(वाचा – अभिजात सौंदर्याची खाण आहे सागरिका, नैसर्गिक सौंदर्यावर झहीरच काय दुनिया झालीये ‘क्लीन बोल्ड’! )

परफेक्ट फॅशन स्टाईल

फुलराणी अर्थात नाजूक फुलांची राणी. प्रियदर्शिनीने केलेल्या या लुकमध्ये तिला खरंच फुलराणी म्हणावे इतकी ती नाजूक आणि फुलांप्रमाणे सुंदर दिसत आहे. ‘स्किट करू की मंचावर बसू’ असाही तिला प्रश्न पडला आहे. याचं उत्तर मात्र आता फुलराणी विशेष भागातच दिसून येणार आहे.
तुम्हीही एखाद्या फंक्शनसाठी फुलराणी प्रियदर्शिनीसारखा लुक करू शकता. पारंपरिकता आणि आधुनिकता याचे परफेक्ट कॉम्बिनेशन या लुकमध्ये दिसून येतेय.