गालावर खळी डोळ्यात धुंदी, ‘फुलराणी’ प्रियदर्शिनीचा काळजाचा ठाव घेणारा लुक

​व्हाईट शर्ट आणि कुरळे केस​

प्रियदर्शिनी अत्यंत सुंदर असून तिने या फोटोमध्ये व्हाईट शर्टात फोटोशूट केले आहे. शर्टाची वरील बटणं उघडी ठेऊन एका हातावरून शर्ट खाली घेतला आहे. यामध्ये प्रियदर्शिनच्या चेहऱ्यावरून नजर हटत नाहीये. तिच्या खळीमध्येच एखाद्याचा जीव जाऊन बसेल इतकं सुंदर हास्य दिसून येत आहे. तर न्यूड मेकअपमुळे तिचा चेहरा नैसर्गिक वाटत आहे.

​मराठमोळा लुक​

मराठमोळा लुक म्हटलं की एक हळवा कोपरा प्रत्येकाचा जागा होतो. मोत्याची नथ आणि तन्मणी, चिंचपेटी असे दागिने घालून कपाळावर चंद्रकोर साजामध्ये प्रियदर्शिनी खूपच सुंदर दिसत आहे. केशरी साडी आणि जांभळा ब्लाऊज अशा गडद कॉम्बिनेशनमध्ये तिचे सौंदर्य खुलून आले आहे. तुम्हीही एखाद्या सणाला असा लुक नक्कीच करू शकता.

(वाचा – डॅझलिंग शिमरी साडी आणि डीप नेक ब्लाऊज, काजोलच्या सौंदर्याने तरूणही घायाळ)

​वन शोल्डर रेड गाऊन​

प्रेमाचा लाल रंग सर्वांनाच आवडतो. लाल रंगात अधिक बोल्ड आणि ब्युटीफूल दिसता येतं. प्रियदर्शिनीने यामध्ये घातलेला लाल वन शोल्डर गाऊन हा पार्टीसाठी उत्तम पर्याय आहे. यासह तिने केलेला रेड मॅट मेकअप अत्यंत आकर्षक आणि उठावदार दिसून येत आहे. तसंच वन साईड हेअरस्टाईलने त्यावर चारचाँद लावले आहेत.

(वाचा – कियारा-सिद्धार्थच्या लग्नात चर्चा शाहीद-मीराच्या फॅशनची, रॉयल लुकमध्ये मीराने वेधले लक्ष)

​ब्रालेट क्रॉप टॉप आणि लाँग स्कर्ट​

काळ्या रंगाचा ब्रालेट क्रॉप टॉप आणि त्याखाली गुलाबी रंगाचा लाँग स्कर्ट घालून प्रियदर्शिनीने चाहत्यांचा कलिजा खलास केला आहे. त्यात हसल्यानंतर गालावर पडणारी खळी तर अजूनच आकर्षक दिसत आहे. एखाद्या हळदीसाठी अथवा फंक्शनसाठी असा लुक करता येईल.

(वाचा – कियाराच्या मंगळसूत्राच्या किमतीत येईल एक फ्लॅट, सिद्धार्थने केले इतके कोटी खर्च, सब्यासाचीने केले डिझाईन)

​निळा पांढरा वनपिस​

मित्रमैत्रिणींसह कुठेही बाहेर फिरायला जाताना अशा स्वरूपाची स्टाईल कधीही सोपी ठरते. प्रियदर्शिनीने घातलेला हा वनपिस अत्यंत सुंदर आणि कम्फर्टेबल असून ही स्टाईल कधीही करणे सोपे जाते. यासह तिने हाफ केस मोकळे सोडले असून कानात हुप्स रिंग घातल्या आहेत. तर ड्यूई मेकअपमुळे याला अधिक शोभा आली आहे.

​लक्षवेधी नोजरिंग ​

प्रियदर्शिनी नेहमीच वेगवेगळ्या स्टाईल करत असते. या फोटोमध्ये तिने दोन्ही नाकपुड्यांमध्ये घातलेली नोजरिंग ही अधिक लक्षवेधी ठरत आहे. मॉडर्न लुक लक्ष वेधून घेत आहे. तर यासह तिने हुप्स रिंग कानात घालत लुक पूर्ण केला आहे. यासह तिने गडद मेकअप केला असून स्मोकी आईजचा आधार घेतला आहे.

​दुप्पट्याचा साधा लुक​

सलवार, कुरता आणि दुपट्टा हा नियमित लुकही प्रियदर्शिनीवर खुलून दिसत आहे. यासह घातलेले मोठे कानातले आणि वर बांधलेले केस यामुळे तिचा चेहरा अधिक उठावदार दिसतोय. घरातील एखाद्या लहानशा कार्यक्रमाला तुम्ही असा लुक कॅरी करण्यासाठी प्रियदर्शिनीच्या लुकवरून नक्की प्रेरणा घेऊ शकता.

‘फुलराणी’ प्रियदर्शिनी आता सर्वांच्या मनावर राज्य करायला तयार झाली आहे. तुम्हाला तिचा हा लुक आणि अभिनय कसा वाटतो नक्की कळवा.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com