Lassa fever : ओमिक्रॉनमध्येच आता लासा तापाने वाढवली चिंता, ‘या’ लोकांना आहे जास्त धोका, लक्षणं व उपाय जाणून घ्या!

Share

• Facebook
• Twitter

संपूर्ण जगभरात कोरोनाची तिसरी लाट अद्याप संपलेली नाही तोच आता आणखी एक जीवघेणा आजार समोर आला आहे. या धोकादायक आजाराला लासा ताप असे म्हटले जात आहे. ही चिंतेची बाब आहे की हा सामान्य किंवा विषाणूजन्य ताप नसून हा उंदरांपासून पसरलेला ताप आहे आणि त्यात लक्षणे नसतानाही माणसाला गंभीर आजारी पाडण्याची क्षमता आहे. युनायटेड किंगडममध्ये लासा तापाने एका व्यक्तीचा मृत्यू झाला आहे, जो आधीच कोरोनाच्या ओमिक्रॉन प्रकाराने ग्रस्त होता. लासा ताप हा प्रामुख्याने पश्चिम आफ्रिकन देशांतील प्रवाशांशी संबंधित आहे.

11 फेब्रुवारी रोजी निदान झालेल्या तीन व्यक्तींपैकी एकाचा मृत्यू झाल्याचे सांगण्यात येत आहे. लासा तापामुळे मृत्यूचे प्रमाण सध्या 1 टक्के असले तरीही गर्भवती महिलांना तिसऱ्या तिमाहीत जास्त धोका असतो. चिंतेची बाब म्हणजे, 80 टक्के लासा तापाची प्रकरणे लक्षणे नसलेली आहेत. याचा अर्थ रुग्णांना लक्षणे जाणवतच नाहीत. युरोपियन सेंटर फॉर डिसीज प्रिव्हेन्शन अँड कंट्रोल (CDC) चे प्राथमिक विश्लेषण असे सूचित करते की काही गंभीर लक्षणांसाठी रुग्णालयात दाखल होणे आवश्यक आहे आणि रुग्णालयात दाखल झालेल्यांपैकी 15 टक्के लोक मृत्यूमुखी पडतात.

• 1 लासा ताप म्हणजे नेमकं काय आहे?
• 2 लासा ताप कसा पसरतो?
• 3 1 ते 3 आठवड्यांत दिसू शकतात लक्षणे
• 4 लासा तापाची लक्षणे
• 5 लासा ताप आहे जीवघेणा
• 6 लासा तापापासून वाचण्याचे उपाय

हेही वाचा :  Foods Never Expire : किचनमधील हे 5 पदार्थ कधीच होत नाहीत एक्सपायर, अजिबात करू नका फेकून देण्याची चूक..!

लासा ताप म्हणजे नेमकं काय आहे?

लासाचा ताप १९६९ मध्ये नायजेरियातील लासा येथे पहिल्यांदा सापडला होता. यादरम्यान दोन परिचारिकांचा तेथे मृत्यू झाला होता. सिएरा लिओन, गिनी, लायबेरिया आणि नायजेरिया यांसारख्या पश्चिम आफ्रिकन देशांमध्ये हा रोग सामान्य आहे आणि हा ताप प्रथम उंदरांद्वारे पसरला होता.

(वाचा :- Health tips : सावधान, दिवसभर घालता फिटिंगवाली घट्ट जिन्स? होऊ शकतात ‘हे’ 5 गंभीर आजार..!)

लासा ताप कसा पसरतो?

लासा ताप संक्रमित उंदरांच्या विष्ठेद्वारे आणि लघवीद्वारे पसरतो. जर एखादी व्यक्ती उंदराची विष्ठा आणि मूत्र यांच्या संपर्कात आली तर त्याला संसर्ग होण्याची शक्यता असते. त्याचप्रमाणे त्या संक्रमित व्यक्तीपासून दुसऱ्या व्यक्तीलाही संसर्ग होऊ शकतो. क्वचित प्रसंगी, संक्रमित व्यक्तीच्या शारीरिक द्रव पदार्थाच्या संपर्कात आल्याने जसं की डोळे, तोंड, नाक यांच्या संपर्कातून देखील हा ताप पसरतो.

(वाचा :- Weight loss inspiration : 122 किलो वजनामुळे लठ्ठ म्हणून उडवली जायची खिल्ली, सकाळी लिंबू पाणी व मध आणि लंचनंतर हे खास पाणी पिऊन घटवलं तब्बल 41 किलो वजन!)

1 ते 3 आठवड्यांत दिसू शकतात लक्षणे

असे मानले जाते की संक्रमित व्यक्तीच्या जवळ बसल्याने, हात मिळवल्याने किंवा संक्रमित व्यक्तीला मिठी मारल्याने संसर्ग होत नाही. लक्षणे गंभीर होईपर्यंत हा रोग सामान्यतः एका व्यक्तीपासून दुसऱ्या व्यक्तीकडे पसरत नाही. लक्षात ठेवा की त्याची लक्षणे 1 ते 3 आठवड्यांनंतरच विकसित होतात.

हेही वाचा :  कोणत्याही परिस्थितीत भारताला आपल्या बाजुने घ्या, जपानच्या माजी पंतप्रधानांनी का केलं हे वक्तव्य

(वाचा :- Bathing Habit : आजच सोडा अंघोळीबाबतची ‘ही’ घाणेरडी सवय, दीर्घायुष्यासाठी हार्वर्ड एक्सपर्ट्सनी सांगितली अंघोळ करण्याची योग्य पद्धत..!)

लासा तापाची लक्षणे

लासा तापाच्या लक्षणांमध्ये थकवा, डोकेदुखी, अशक्तपणा, ताप इत्यादींचा समावेश आहे. क्वचित प्रसंगी श्वास घेण्यात अडचण येणे, चेहरा फुगणे, रक्तस्त्राव, छातीत दुखणे, पोटदुखी किंवा उलट्या होऊ शकतात. गंभीर लक्षणं दिसल्यास त्वरित वैद्यकीय मदत आवश्यक असते.

(वाचा :- COVID Mask : घाणेरडा मास्क वापरण्याची चूक अजिबात करू नका, थेट फुफ्फुसापर्यंत पोहचेल इनफेक्शन, मास्क एक्सपायर झाला हे कसं ओळखावं?)

लासा ताप आहे जीवघेणा

सीडीसीचं म्हणणं आहे की लासा तापामध्ये, लक्षणे दिसू लागल्यापासून दोन आठवड्यांनंतर दुर्मिळ प्रकरणांमध्ये एकापेक्षा जास्त अवयव निकामी म्हणजेच मल्टी ऑर्गन्स फेल होऊन रुग्णाचा मृत्यू होऊ शकतो. लासा तापाची सर्वात सामान्य गुंतागुंत म्हणजे बहिरेपणा. एक तृतीयांश लोकांनी बहिरेपणाची तक्रार नोंदवली आहे. बहुतेक प्रकरणांमध्ये तापाच्या सौम्य आणि गंभीर दोन्ही प्रकारांमध्ये बहिरेपणा येऊ शकतो.

(वाचा :- Symptoms of High Cholesterol : कोलेस्ट्रॉल वाढल्यावर येऊ शकतो हार्ट अटॅक, कोलेस्ट्रॉल वाढल्यास डोळ्यांवर दिसतात ‘ही’ लक्षणे, लगेच करा चेकअप!)

हेही वाचा :  जन्मापूर्वीच बाळाच्या गळ्याभोवती नाळ अडकली असेल तर ठरते का धोकादायक

लासा तापापासून वाचण्याचे उपाय

लासा ताप टाळण्यासाठी उंदीर येऊ शकतात अशा ठिकाणी जाणे टाळावे. याशिवाय स्वच्छतेची विशेष काळजी घ्यावी. सूर्यप्रकाश घरात येऊ द्यावा आणि अन्न उंदरांपासून दूर ठेवावे. उंदीर पकडण्यासाठी पिंज-याचा वापर करावा जेणेकरून स्वत:चे संसर्ग होण्यापासून संरक्षण करता येईल.

(वाचा :- Bleeding Piles : मुळव्याध झालाय? मग औषधं व सर्जरी सोडा, घरच्या घरी करा या 5 उपायांनी मिळवा मुक्ती..!)

Source link

संबंधित बातम्या:

1. Symptoms of High Cholesterol : कोलेस्ट्रॉल वाढल्यावर येऊ शकतो हार्ट अटॅक, कोलेस्ट्रॉल वाढल्यास डोळ्यांवर दिसतात ‘ही’ लक्षणे, लगेच करा चेकअप!
2. Weight loss inspiration : 122 किलो वजनामुळे लठ्ठ म्हणून उडवली जायची खिल्ली, सकाळी लिंबू पाणी व मध आणि लंचनंतर हे खास पाणी पिऊन घटवलं तब्बल 41 किलो वजन!
3. COVID Mask : घाणेरडा मास्क वापरण्याची चूक अजिबात करू नका, थेट फुफ्फुसापर्यंत पोहचेल इनफेक्शन, मास्क एक्सपायर झाला हे कसं ओळखावं?
4. Brain Hemorrhage : नव-याने मारल्यामुळे या मॉडेलला झाला ब्रेन हॅमरेज, झाली अशी विचित्र हालत, जाणून घ्या या आजाराची लक्षणे, कारणे व उपाय!