अय्यर सीतारामन वेणुगोपालन यांनी दाखल केलेल्या याचिकेवर सर्वोच्च न्यायालयाच्या खंडपीठात सुनावणी सुरू होती. न्यायमूर्ती डीवाय चंद्रचूड आणि न्यायमूर्ती सूर्यकांत यांच्या खंडपीठाने त्यांना राज्य समुपदेशनाला उपस्थित राहण्याची परवानगी देऊन अंतरिम दिलासा दिला आहे. पुढील आदेशापर्यंत, याचिकाकर्त्याला टोपीवाला नॅशनल मेडिकल कॉलेज, मुंबई येथे एमडी मानसोपचार अभ्यासक्रमातील एका जागेच्या तात्पुरत्या वाटपात अडथळा आणू नये असे खंडपीठाने अंतरिम आदेशात म्हटले आहे.
वेणुगोपालन हे तरुण एमबीबीएस डॉक्टर आहेत आणि त्यांचे दोन्ही डोळे शंभर टक्के दृष्टिहीन आहेत. असे असूनही त्यांनी नीट पीजी प्रवेश परीक्षा उत्तीर्ण केल्याचे करंजावाला अँड कंपनीतर्फे ज्येष्ठ वकील सीएस वैद्यनाथन यांनी सांगितले. पुढील आदेशापर्यंत याचिकाकर्त्याला समुपदेशनाच्या सुरू असलेल्या प्रक्रियेत सहभागी होण्याची मुभा देण्यात येत असल्याचे खंडपीठाने सांगितले.
मुंबई उच्च न्यायालयाने २ फेब्रुवारी २०२२ रोजीच्या आपल्या आदेशाद्वारे, पदव्युत्तर वैद्यकीय अभ्यासक्रमांसाठी नीट समुपदेशन प्रक्रियेत सहभागी होण्यासाठी याचिकाकर्त्याची अंतरिम याचिका फेटाळून लावली होती. त्यानंतर वेणुगोपालन यांनी या आदेशाला सर्वोच्च न्यायालयात आव्हान दिले. मुंबईच्या टोपीवाला नॅशनल मेडिकल कॉलेजमधील एमडी मानसोपचार अभ्यासक्रमाच्या जागेच्या अंतरिम वाटपासाठी याचिकाकर्त्याला त्रास होऊ नये यासाठी अंतरिम देण्यात आला. तसेच न्यायालयाने संबंधित प्रतिवादींना नोटीस बजावली आहे.