इंटिरिअरच्या साम्राज्यात का ठरते गौरी खान ‘क्वीन’, होम डेकोरसाठी मिळेल रॉयल लुकची प्रेरणा

​झुंबरासह क्लासी एन्ट्रन्स​

घराचा दरवाजा कसा असावा अथवा घराच्या बाहेरची जागा कशी वापरण्यात यावी हे घर घेतल्यानंतर प्रत्येकाचं डोक्यात फिक्स असतं. पण तुम्हाला त्यात रॉयलनेस हवा असेल तर तुम्ही गौरी खानच्या या इंटिरिअरवरून नक्कीच प्रेरणा घेऊ शकता. लाईट्स आणि फ्लोअरिंगवरच हा लुक आकर्षक दिसून येतोय. तुमच्याकडे जागा कमी असली तरीही तुम्ही असा लुक निर्माण करू शकता. घराबाहेर लहान झुंबराचा वापरही करता येतो.

​क्लासी लिव्हिंग रूम​

लिव्हिंग रूममध्ये अधिक पसारा न मांडता ऑफ व्हाईट रंगाच्या भिंती ठेवत त्यावर एक – दोन कॅनव्हास पेंटिंग आणि रंगाला साजेसा सोफा आणि खुर्ची तुम्ही मांडू शकता. त्यासमोर एखादे लाकडी टेबल आणि फुलांचा वास लिव्हिंग रूमची शोभा अधिक वाढवेल. याशिवाय कोपऱ्यात इनडोअर प्लांटची मांडणी करून लिव्हिंग रूमचा लुक तुम्ही पूर्ण करू शकता.

(वाचा – Kitchen Tips: चहाचे कळकट्ट भांडे बघूनच होतोय त्रास, या पद्धतीने स्वच्छ कराल तर होईल चकचकीत)

​रॉयल आणि Peaceful Bedroom​

दिवसभर थकून आल्यानंतर सर्वात महत्त्वाची जागा म्हणजे बेडरूम. शांतता हवी असणारी ही जागा गौरी खानने इतकी सुंदर डेकोर केली आहे की, ती पाहिल्यानंतरच मनाचा थकवा दूर होतो. तुम्हीही यावरून प्रेरणा घेत बेडचे डिझाईन करू शकता. कारपेट फ्लोअरिंग आणि त्यावर बेड हे उत्तम समीकरण आहे.

(वाचा – आलिशान घर आणि क्लासिक फर्निचर, अशी आहे श्रेया बुगडेच्या घराची सुबक मांडणी)

​गेस्ट रूम​

युनिक फर्निचर, साधारण एक सोफा अथवा खुर्ची कम सोफा आणि समोरच्या भिंतीवर पुस्तकांचे कपाट अथवा टी. व्ही. असे इंटिरिअर करून तुम्ही घरातील गेस्ट रूम सजवू शकता. गेस्ट रूम सजवताना तुम्ही एका भिंतीवर वेगवेगळ्या फ्रेममधील फोटोजदेखील सेट करू शकता.

(वाचा -सुनील शेट्टीच्या लाडक्या आथिया आणि क्रिकेटर के एल राहुलचा लग्नसोहळा पार पडणारा ‘जहान’ बंगला आहे तरी कसा )

​डिसेंट डायनिंग​

घरात एकत्र जेवायला बसणे हे आजही आपल्याकडे फॉलो केले जाते. त्यासाठी करण्यात येणारे डायनिंगही तितकेच सुंदर आणि कम्फर्टेबल असायला हवे. लिव्हिंग रूमच्या मागेच तुम्ही असे डायनिंगसाठी फर्निचर तयार करून घेऊ शकता. लिव्हिंग रूमच्या रंगाप्रमाणे याचा रंग मॅच करावा, ज्यामुळे दिसायला अत्यंत सुंदर दिसते.

​बाल्कनीचा करू शकता असा उपयोग​

बाल्कनीमध्ये नेहमीच खुर्ची अथवा सामान ठेवायला जागा असे समजण्यात येते. मात्र तुम्ही तुमच्या बाल्कनीमध्ये असा क्लासी लुकही देऊ शकता. रात्रीच्या वेळी आपल्या घरातल्या माणसांसह गप्पा मारण्यासाठी ही परफेक्ट जागा ठरते. घरात लहानशी पार्टी असेल आणि ७-८ माणसांना गप्पा मारायच्या असतील हा लुक उत्तम ठरेल.

​घराबाहेरील गो ग्रीन लुक ​

घराबाहेर जर जागा असेल आणि तुम्ही तळमजल्यावर राहात असाल तर गो ग्रीन लुकसाठी नक्की प्रयत्न करा. आऊटडोअर प्लांट्सने घराबाहेर जागा सजवा. गौरी खानच्या या फोटोतील झाडाप्रमाणेच असं नाही मात्र लहान लहान कुंड्यांचा वापर करून ही तुम्ही सजावट करू शकता.

​गॅलरीतील बैठक​

गॅलरी मोठी असो वा लहान तुम्ही अशा युनिक पद्धतीचे फर्निचर तयार करून अशी बैठक नक्कीच तयार करू शकता. त्यासह इनडोअर प्लांट्सची मदत घेऊन अधिक रॉयल लुक आणि नैसर्गिकपणा देण्याचा प्रयत्न करू शकता.

गौरी खानच्या या इंटिरिअर लुकवरून प्रेरणा घेत तुम्हीही तुमच्या घराची रॉयल सजावट नक्कीच करू शकता. कदाचित इतके महाग नाही मात्र त्याच पद्धतीचे डिझाईन वापरून वेगळा लुक द्यायला काय हरकत आहे नाही का?

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com