Weight Gain Diet : कितीही खाल्ले तरी अंगाला लागत नाही, वजन वाढवण्यासाठी काय करावे?

Weight Gain Tips: जेवणाच्या ताटात आपण वेगवेगळ्या गोष्टींचा समावेश करतो, ज्यामुळे आपल्या शरीराला पूर्ण पोषण मिळते. पण काही लोकांना हे सगळं खाऊन सुद्धा खाल्ल्यासारखे वाटत नाही. यामागे अनेक कारणे असू शकतात ज्यावरून हे निश्चित होते की तुम्ही घेतलेला आहार तुमच्या शरीरासाठी योग्य काम करत नाही.

१. माझा आहार चांगला आहे, पण मी जे काय खातो किंवा पितो हे अंगाला लागत नाही. तेव्हा आहारात कोणत्या गोष्टींचा समावेश करावा?

डॉ. रवींद्र काळे – ज्येष्ठ गॅस्ट्रोएन्टेरोलॉजिस्ट यांचे उत्तर: अपचन किंवा अपचनामुळे होणारा कोणताही जुनाट आजार नाहीसा करण्यासाठी तुम्ही तज्ज्ञांचा सल्ला घ्यावा. पुरेशी प्रथिने (१ ग्रॅम प्रति किलो शरीराचे वजन) आणि चरबी यांचा समावेश असलेला संतुलित आहार घेण्यापासून सुरुवात करा. खाण्यापिण्याच्या चुकीच्या सवयींमुळे किंवा दीर्घकाळ पचनाच्या समस्येमुळे अपचन होऊ शकते. बाहेरचे अन्न आणि जंक फूड खाणे टाळा. जर तुम्ही तरुण असाल तर दररोज वेट ट्रेनिंगसह व्यायाम सुरू करा. तुमचे वय ४० वर्षांपेक्षा जास्त असल्यास, व्यायाम सुरू करण्यापूर्वी, प्रथम हृदयाच्या समस्यांसाठी स्वतःची तपासणी करा. तुमचा आहार संतुलित करण्यासाठी सकाळी स्प्राउट्स घेणे खूप फायदेशीर ठरेल.

२. मी दिवसातून किती वेळा खावे?

दिवसातून एक किंवा दोनदाच खाल्ल्याने शरीरातील चयापचय प्रक्रिया कमकुवत होऊ शकते. त्यामुळे दिवसभरात थोडे थोडे खात राहिले पाहिजे. यामुळे शरीरातील चरबी योग्य प्रकारे बर्न होऊ शकते.

३. तुम्ही पटापट जेवल्यावर काय होते?

वेगाने अन्न खाल्ल्याने खाल्लेले अन्न लवकर पचते आणि पुन्हा भूक लागते. आपल्या शरीरात अनेक प्रकारचे आजार होऊ लागतात, त्यापैकी एक म्हणजे लठ्ठपणा.

४. निरोगी शरीरासाठी कोणता आहार घ्यावा?

सकस आहार घेतल्यास कर्करोग, लठ्ठपणा आणि हृदयविकार यांसारखे आजार टाळता येतात. या प्रकारच्या आहारामध्ये हेल्दी फॅट, कार्ब, साखर, प्रथिने आणि सोडियम यांचे प्रमाण संतुलित स्वरूपात असते.

Expert: Dr. Ravindra Kale- Senior Gastroenterologist, CARE CHL Hospitals, Indore