पण तुम्हाला माहीत आहे का जर तुम्ही एक आठवडा योग्य प्रमाणात प्रोटीनचे सेवन केले नाही तर त्याचा परिणाम तुमच्या आरोग्यावर पडायला सुरुवात होते. आता तुम्हाला प्रश्न पडला असेल की शरीराला दर दिवसाला किती प्रमाणात प्रोटीनची आवश्यकता असते? नाही माहीत ना? चला हेच आज जाणून घेऊया.
शरीराला किती प्रोटीनची असते आवश्यकता?
Webmd च्या अहवालानुसार, तुम्हाला दिवसाला किमान 10% प्रोटीनची गरज असते आणि तेवढे प्रोटीन तुम्ही सेवन केलेच पाहिजे. तेव्हाच तुम्ही हळदी राहू शकता. प्रोटीन हे तुम्हाला एकाच पदार्थांमधून मिळत नाही. विविध पदार्थ हे प्रोटीनने समृद्ध असतात. ते सेवन करून तुम्ही शरीराची प्रोटीनची गरज सहज भागवू शकता. जसे की नाश्त्यामध्ये ग्रीक योगर्ट खा, दुपारी आहारात चिकन ब्रेस्ट आणि रात्री जेवणात एक कप काळे बीन्स सेवन करा. हे पदार्थ तुमची प्रोटीनची गरज पूर्ण करतील.
(वाचा :- Urine Disease Remedies सारखं लघवीला होत असेल तर हलक्यात घेऊ नका, असतील हे 4 गंभीर आजार, करा Dr सांगितलेले उपाय)
वयानुसार प्रोटीनची आवश्यकता
एका रिपोर्ट नुसार, लहान मुलांना एका दिवसाला जवळपास 10 ग्रामची गरज असते. या शिवाय शाळेत जाणाऱ्या लहान मुलांना एका दिवसाला 19-34 ग्राम, किशोरवयीन मुलांना एका दिवसाला 52 ग्राम, किशोरवयीन मुलींना एका दिवसाला 46 ग्राम, वयस्कर पुरुषांना एका दिवसाला 56 ग्राम आणि वयस्कर महिलांना एका दिवसाला 46 ग्राम प्रोटीनची गरज असते. त्याशिवाय गरोदर वा स्तनपान करणाऱ्या स्त्रीला एका दिवसाला 71 ग्राम प्रोटीनची गरज असते.
(वाचा :- अरे बापरे, करोनाचा भयंकर प्रकोप, वॅक्सिन घेतलेल्यांमध्ये दिसतायत ही 5 लक्षणं, एकसाथ आल्यात करोनाच्या तीन लाटा?)
प्रोटीन कमतरतेची लक्षणे
आता तुम्हालाही एक प्रश्न सतावत असेल की शरीरात प्रोटीनची कमतरता निर्माण झाली आहे हे कसे ओळखावे? आज चला ह्या प्रश्नाचे उत्तर सुद्धा जाणून घेऊया. शरीरात प्रोटीन कमतरता निर्माण झाली की काही लक्षणे शरीरात दिसू लागतात. जसे की सूज येणे, मूड स्विंग होणे, केस, नखे आणि स्कीन संबंधित समस्या निर्माण होणे. कमजोरी वा थकवा निर्माण होणे, वारंवार भूक लागणे, जखम खूप संथ गतीने बरी होणे आणि सतत आजारी पडणे. या गोष्टी तुम्हाला सुद्धा दिसत असतील तर समजून जा की शरीरात प्रोटीनची कमतरता निर्माण झाली आहे.
(वाचा :- Cancer Fighting Food: कॅन्सरच्या पेशी शरीरात वाढण्याआधीच मुळापासून नष्ट करतात या 6 गोष्टी, आजपासूनच खायला घ्या)
प्रोटीनचे फायदे
प्रोटीन बद्दल आपण सगळं जाणून घेतलं. आता आपण प्रोटीन मुळे शरीराला फायदे का होतात आणि प्रोटीनचे सेवन का करावे ते जाणून घेऊया. प्रोटीन हे शरीरातील भूक कंट्रोल करते. मसल्सची ताकद आणि मास वाढवते. हाडे मजबूत करते. फूड क्रेव्हिंग कमी करते. मेटाबॉलिज्म वाढवते. वेट लॉस मध्ये मदत करते. ब्लड प्रेशर नॉर्मल ठेवते. एवढेच नाही तर किडनी सुद्धा हेल्दी राखते. तर हे सर्व फायदे हवे असतील तर आवर्जून आजपासूनच प्रोटीन युक्त आहार घ्यायला सुरुवात करा आणि स्वत:ला हेल्दी ठेवा.
(वाचा :- अंथरूणातून उठल्या उठल्या येते चक्कर? समजून जा तुम्हाला झालेत कधीच बरे न होणारे हे भयंकर आजार, व्हा सावध नाहीतर)
कोणामध्ये असते प्रोटीन कमतरता?
प्रोटीनची कमतरता कोणत्या लोकांमध्ये असते हे जाणून घेणे देखील खूप महत्त्वाचे आहे. प्रोटीनची कमतरता त्या लोकांमध्ये असते ज्यांना पुरेश्या प्रमाणात आहार मिळू शकत नाही. याशिवाय वृद्ध लोकांना आणि कॅन्सर पिडीत लोकांना सुद्धा गरजेनुसार प्रोटीन सेवन करण्यात समस्या निर्माण होऊ शकते. प्रोटीनच्या कमतरतेमुळे होणाऱ्या गंभीर कुपोषणाला क्वाशिओरकोर असे म्हणतात. विकसनशील देशांत लहान मुलांमध्ये ही समस्या सर्वाधिक दिसून येते.
(वाचा :- हाडांचा तुटून भुगा करते Vitamin D ची कमतरता, त्वचेच्या रंगात दिसू लागतो गंभीर बदल, ताबडतोब वाचा 9 भयंकर कारणं)
हे आहेत हाय प्रोटीन फुड्स
चिकन आणि अंडी हे प्रथिनांचे सर्वात महत्वाचे स्त्रोत मानले जातात. पण जर तुम्ही मांस खात नाही तर अंडी. अक्रोड, बदाम आणि पेकान, मसूर, सोया, दही यांसारख्या झाडांच्या नटांचा वापर केला जाऊ शकतो. प्रथिनांसह, ते शरीराला अनेक जीवनसत्त्वे आणि खनिजे देखील पुरवते. तर मंडळी ह्या सर्व गोष्टी पाहता आवर्जून प्रोटीन सेवन करा आणि आहारात जास्तीत जास्त प्रोटीन युक्त पदार्थांचा समावेश करा.
(वाचा :- Cancer Fighting Food: कॅन्सरच्या पेशी शरीरात वाढण्याआधीच मुळापासून नष्ट करतात या 6 गोष्टी, आजपासूनच खायला घ्या)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांचा सल्ला घ्या.