काय सांगता! एक-दोनदा नाहीतर 14 वेळा जिंकली लॉटरी, शेवटी सरकारने व्यक्तीला केलं बॅन

Interesting News : तुमचा नशिबावर विश्वास आहे का? ज्यांचा नाही त्यांना काही फरक पडत नाही पण ज्यांचा आहे ते नशिबावर किती विश्वास करतात? एखादा व्यक्ती किती वेळा लॉटरी जिंकू शकतो? एकदा? नाहीतर दोन-चार वेळा? यापेक्षा जास्त नाही ? पण जगात अशी एक व्यक्ती आहे ज्याला लॉटरी जिंकण्याचे व्यसन होते. या व्यक्तीने एक-दोनदा नव्हे तर तब्बल 14 वेळा लॉटरीचं बक्षीस जिंकलं. (Won the lottery once or twice or 14 times finally the government banned the person marathi news)

साधारण 1960 सालची गोष्ट आहे. या काळात रोमानियामध्ये कम्युनिस्ट राजवट होती. देशाची स्थिती अजिबात ठीक नव्हती. वाढत्या बेरोजगारीमुळे उपासमार वाढली होती. तिथला एक तरुणही या परिस्थितीशी झगडत होता. त्याचे नाव स्टीफन मँडल होते. (Stephen Mendel) स्टीफनला नोकरी असली तरी कुटुंबाचा उदरनिर्वाह करण्यासाठी त्याला पुरेसे पैसे मिळाले नाहीत. या परिस्थितीमुळे अनेक तरुण गुन्हेगारी जगताकडे वळले होते पण स्टीफन त्याच्या विश्वासावर ठाम होता आणि त्याला गुन्हेगारीच्या अंधाऱ्या जगात नेणारा कोणताही मार्ग त्याने स्वीकारला नाही.

आर्थिक संकटावर मात करता यावी म्हणून काहीतरी करायला हवे होते. मग स्टीफनला एक प्लॅन सुचला. त्यानंतर त्याने लॉटरीच्या क्षेत्रात पाऊल ठेवले. आता लॉटरीमध्ये कोणाचे जिंकणे निश्चित नाही, परंतु स्टीफनने अशी युक्ती शोधून काढली, ज्यामुळे त्याचा विजय जवळपास निश्चित होत होता. त्यांनी कोणतीही बेकायदेशीर पद्धतही स्वीकारली नाही, त्यासाठी त्यानी गणिताची मदत घेतली.

स्टीफनने आपल्या गणितातील ज्ञानाचा वापर करून सिस्टम क्रॅक करण्यासाठी एक सूत्र तयार केले. त्यानंतर नशीब त्याच्यावर मेहरबान झाल्याचे दिसले. रोमानियामध्ये अर्थशास्त्रज्ञ म्हणून काम करत असताना, स्टीफनने 5-अंकी सूत्रासह 6 व्या क्रमांकाचा अचूक अंदाज लावायला सुरुवात केली. मोठे पारितोषिक जिंकल्यानंतर तो आपल्या कुटुंबासह रोमानियाहून ऑस्ट्रेलियात स्थायिक झाला. इथेही त्यांनी त्यांचा जुना फॉर्म्युला स्वीकारण्यास सुरुवात केली.

स्टीफनचे आता मोठे बक्षीस मिळवण्याचे ध्येय आहे. या युक्तीने त्याने एकूण 14 लॉटरी जिंकल्या. यानंतर ऑस्ट्रेलियन अधिकाऱ्यांची नजर त्याच्यावर पडली. स्टीफनने कोणत्याही प्रकारे कायद्याचे उल्लंघन केले नसले तरी त्याला रोखण्यासाठी कठोर नियम करण्यात आले होते. एका व्यक्तीने सर्व लॉटरीची तिकिटे खरेदी करणे बेकायदेशीर ठरविण्यात आले.यानंतर स्टीफनला पाच व्यावसायिक भागीदारांचा पाठिंबा मिळाला. गटातील सर्व लोकांना लॉटरीची तिकिटे खरेदी करण्यास बंदी असताना त्यांनी लॉटरी फर्म स्थापन केली.

लॉटरी जिंकणारे सॉफ्टवेअर बनवले
जेव्हा ऑस्ट्रेलियामध्ये अधिक समस्या दिसू लागल्या, तेव्हा त्याने अमेरिकन लॉटरी प्रणालीवर लक्ष केंद्रित केले. यातून त्याने 30 दशलक्ष डॉलर्सपेक्षा जास्त कमावले. त्याने रोमानियामध्ये 1 लॉटरी, ऑस्ट्रेलियामध्ये 12 आणि व्हर्जिनिया, यूएसएमध्ये सर्वात मोठा जॅकपॉट जिंकला. जिथे 100 वेळा अपयशी झाल्यानंतर लोकांना एकदाच यश मिळते, तर स्टीफनला सततच्या यशात काही तोटा सहन करावा लागला. उदाहरणार्थ, तो जिब्राल्टरमध्ये लॉटरी जिंकण्यात अयशस्वी ठरला आणि इस्रायलमध्ये त्याला यासाठी 20 वर्षांचा तुरुंगवास भोगावा लागला. लॉटरी जिंकण्याच्या स्टीफनच्या फॉर्म्युलावर बंदी घालण्यात आली असली तरी, स्टीफनचा असा विश्वास आहे की तो गणिताच्या क्षमतेच्या मदतीने जोखीम पत्करायचा आणि कायद्याच्या कक्षेत राहून सर्व कामे करत असे.

एवढंच नाही तर स्टीफनने लॉटरी जिंकणारे सॉफ्टवेअरही तयार केले होतं. विजयी संख्या मोजण्यासाठी त्यांनी एक सॉफ्टवेअर तयार केले . याच्या मदतीने तो विजयी अंकांची जुळवाजुळव करत असे. यासाठी त्यांनी 16 जणांना कामावरही ठेवले. एकदा लॉटरी जिंकल्यानंतर त्याला सुमारे 15 हजार पौंड म्हणजेच 14 लाख रुपये मिळायचे.