३८ व्या वर्षी दुसऱ्यांदा आई झाली सौंदर्या रजनीकांत, तिच्याबद्दल या गोष्टी तर कोणालाच माहीत नाहीत

मुंबई- दाक्षिणात्य आणि हिंदी सिनेसृष्टी अभिनय कौशल्य दाखविणाऱ्या सुपरस्टार रजनीकांत यांची मुलगी सौंदर्या रजनीकांत आज २० सप्टेंबर रोजी ३८ वा वाढदिवस साजरा करत आहे. तमिळ सिनेसृष्टीत तिने अनेक भूमिका साकारल्या. सौंदर्या तिच्या खासगी आयुष्यामुळेच अधिक चर्चेत राहिली पण तिच्यात असे अनेक सुप्त गुणही आहेत ज्याबद्दल फारसं कोणाला माहीत नाही. आज आम्ही तुम्हाला सौंदर्याविषयी काही रंजक गोष्टी सांगणार आहोत.

सौंदर्या रजनीकांत एक व्हिज्युअल थिंकर आहे. तिला गोष्टी सांगून समजवण्यापेक्षा चित्रातून अधिक कळतात. साहजिकच, ती शब्दांत विचार करत नाही, तर चित्रांमार्फत खोलवर विचार करते.

तुझी बायको किंवा आई होण्याची लायकीच नाही, अभिनेत्रीची जीभ घसरली

सौंदर्या ही अध्यात्मवादी आहे आणि तिचा देवावर विश्वास आहे. काही काळापासून ती राजकारणात सक्रीय आहे. तामिळनाडू विधानसभेच्या २०२१ च्या निवडणुकीत तिने स्वतःचा पक्ष स्थापन केला. यावरून ती आगामी काळातही राजकारणात सक्रिय होणार असल्याचं स्पष्ट झालं आहे.

सौंदर्याने पदवी घेतल्यानंतर तिला अभिनयाची संधी मिळाली होती. मात्र, काही कारणांमुळे तिने तो प्रोजेक्ट सोडला. याचं एक कारण हेदेखील होतं की इतरांच्या सूचनांचं पालन करण्यापेक्षा तिला स्वतःला सूचना द्यायला आवडतात. दुसरं म्हणजे, याविषयी ती वडिलांशी मोकळेपणाने बोलली. यादरम्यान रजनी यांनी तिला सिनेसृष्टीतील चढ-उतारांबद्दल सांगितलं. यानंतर तिने दिग्दर्शनात करिअर करण्याचा निर्णय घेतला.

राहत्या घरी मृतावस्थेत आढळली लोकप्रिय अभिनेत्री; प्रेमभंगातून उचललं टोकाचं पाऊल?

हे फार लोकांना माहीत नाही की सौंदर्या रजनीकांत तिची वडिलांपेक्षा आईशी जास्त जवळीक आहे. तिचा विश्वास आहे की तिची आई एक अतिशय सकारात्मक स्त्री आहे जी तिच्या सुपरस्टार पतीपासून ते नातवंडांपर्यंत संपूर्ण कुटुंबाचा कणा आहे. सौंदर्याच्या करिअरचा विचार केला तर ती एक ग्राफिक डिझायनरदेखील आहे. वेगवेगळ्या स्तरावर अनेक चित्रपटांच्या निर्मितीमध्ये तिचा सहभाग आहे.

सौंदर्या २०१० मध्ये निर्माती आणि २०१४ मध्ये दिग्दर्शिका झाली. ‘सुलतान: द वॉरियर’ नावाचा ३ डी अॅनिमेशन सिनेमाची निर्मिती तिने केली होती. सिनेमाला टीझरपासून इंटरएक्टिव्ह वेबसाइटवर प्री-प्रॉडक्शन प्रमोशनदेखील मिळाले परंतु काही कारणांमुळे सिनेमा पूर्ण होऊ शकला नाही. त्याचवेळी, तिच्या दिग्दर्शनातील पहिला सिनेमा ‘कोचादईयान’ ने तमिळनाडूमध्ये चांगली कामगिरी केली, परंतु इतर ठिकाणी सिनेमा फारशी कमाल करू शकला नाही.

महेश भट्ट यांनी स्वत:च्याच मुलीला केलेलं Lip Kiss; पूजासोबत लग्न करण्याचीही होती इच्छा

सौंदर्या रजनीकांतने सांगितले की, तिला प्राण्यांची खूप आवड आहे. प्राण्यांच्या त्रासाला तिचा इतका विरोध आहे की ती कधीकधी अनोळखी लोकांशीही वाद घालते. ज्या लोकांना ती प्राण्यांशी गैरवर्तन करताना पाहते, फक्त हेशा त्यांना असे करू नका असे सांगते. यामुळेच तिची भारतीय प्राणी कल्याण मंडळाची ब्रँड अॅम्बेसेडर म्हणून निवड करण्यात आली.

सौंदर्या रजनीकांतचे पहिले लग्न अरेंज्ड मॅरेज होते. ३ सप्टेंबर २०१० रोजी तिचे लग्न उद्योगपती अश्विन रामकुमार याच्याशी झाले, ज्यांना वेद नावाचा मुलगा आहे. २०१७ मध्ये, तिने अश्विनपासून घटस्फोट घेतला आणि त्यानंतर सौंदर्या अभिनेता-व्यावसायिक विशगनच्या प्रेमात पडली. दोघांनी ११ फेब्रुवारी २०१९ रोजी लग्न केले. सौंदर्या नुकतीच दुसऱ्यांदा आई झाली. विशगन आणि सौंदर्याचं हे पहिलं मूल आहे. सौंदऱ्याने आपल्या दुसऱ्या मुलाचं नाव वीर ठेवलं आहे.