अनन्याने दिलेल्या शुभेच्छा
संयोगाने भेटली होती भावना
चंकी आणि भावनाची लव्हस्टोरी अत्यंत फिल्मी आहे. मिस इंडियाच्या प्रिलिमिनरी राऊंडचा परीक्षक म्हणून चंकी गेला होता आणि मुंबईत परत येत असताना त्याची फ्लाईट चुकली. त्यानंतर त्याने डिस्कोथेकमध्ये जाण्याचे ठरवले जिथे भावना आपल्या मित्रमैत्रिणींसह आली होती. यावेळीच भावनाला पाहिल्यानंतर तिला आधीही कुठेतरी पाहिल्याचे त्याला जाणवले.
भावनाकडून घेतला घरचा नंबर
भावनाला पाहिल्यानंतर तिच्याशी बोलणे झाल्यावर चंकीने तिचा घरचा नंबर घेतला. पण चंकी जेव्हा पुन्हा दिल्लीत आला तेव्हा भावना पुढच्या शिक्षणासाठी परदेशात गेली होती. त्यावेळी चंकीला वाटले की आपली प्रेमकहाणी आता सुरूच होणार नाही. पण ती काही महिन्यासाठीच परदेशात गेल्याचे कळल्यावर मनात पुन्हा आशा निर्माण झाली. त्यानंतर भावना एका हॉटेलमध्ये मुंबईत आल्याचे एका कॉमन मित्राकडून त्याला कळले.
(वाचा – एका कमेंटवरून सुरू झाली राहुल वैद्य आणि दिशा परमारची Love Story, नॅशनल टीव्हीवर प्रपोज करून जिंकले मन)
यानंतर पहिल्यांदा केले डेट
मुंबईत भावना असल्याचे कळताच चंकीने तिची आणि तिच्या मैत्रिणीची भेट घेतली आणि ‘तिरछी टोपी वाले’ या गाण्याचे शूटिंग चालू असताना चंकी आणि भावनाने पहिल्यांदा एकमेकांना डेट केले. भावना त्याचे चित्रीकरण पाहायला आली होती. त्यावेळी भावनाला इंप्रेस करण्यासाठी चंकीने आपल्या भावाकडून BMW कार मागून भावना आणि तिच्या मित्रमैत्रिणींना फिरवले होते.
(वाचा – आदिलने स्वीकारले राखीसोबतचे लग्न, का लागला इतका वेळ जाणून घ्या ५ कारणे)
असे केले प्रपोज
यानंतर दोघांच्या भेटीगाठी वाढत गेल्या आणि चंकीने भावनाला प्रपोज करायचे ठरवले. चंकी पांडेचे प्रपोजलही ‘आखरी पास्ता’ च्या त्याच्या मजेशीर भूमिकेप्रमाणेच मजेशीर होते. चंकीने एका मुलाखतीमध्ये सांगितले होते की, भावनासह चंकी तासनतास फोनवर गप्पा मारायचा. त्यावेळी कॉलचे दर खूपच जास्त होते. त्यावेळी एकदा चंकीने भावनाला सांगितले की, ‘आपले नाते हे खूपच महाग झाले आहे, चल आपण याची किंमत कमी करूया आणि लग्न करून एकाच शहरात राहूया.’ चंकीने लग्नासाठी मागणी घातल्यावर भावनानेही होकार दिला आणि लग्नगाठ बांधली. ज्याला आता २५ वर्ष पूर्ण झाली आहेत.
(वाचा – अक्षय कुमारसोबत लग्नाआधी ट्विंकलने काढली होती त्याची मेडिकल हिस्ट्री, डिंपल कपाडियाने ठेवली होती ही भयानक अट)
दोन मुलींसह लहानसे कुटुंब
चंकी पांडे अजूनही अनेक चित्रपटांमध्ये भूमिका करताना दिसतो. तर भावना पांडेचा स्वतःचा व्यवसाय असून ‘बॉलीवूड वाईव्ज’ या वेबमध्येही काम केले आहे. तर दोघांना दोन मुली असून मोठी मुलगी अनन्या पांडे सध्या इंडस्ट्रीमध्ये आपला जम बसवत आहे आणि लहान मुलगी रायसा ही शिकत आहे.
चंकी आणि भावनाची लव्ह स्टोरी ही नक्कीच फिल्मी असून त्याचे प्रपोजलही अत्यंत फिल्मी होते. गेले २५ वर्ष एकमेकांसह हे सुखाचा संसार करत आहेत आणि अशा इंडस्ट्रीमध्ये संसार टिकवून ठेवणे हेच जिकीरीचे मानले जाते. मात्र नात्यातील हे सुख कसे असावे याचा एक आदर्शच या जोडप्याने घालून दिलेला आहे.
अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com