दहावी उत्तीर्णांना विणकर सेवा केंद्रांत नोकरीची संधी, ५६ हजारपर्यंत मिळेल पगार

Weavers Service Centre Job: मुंबईत चांगल्या पगाराची नोकरी शोधणाऱ्यांसाठी आनंदाची बातमी आहे विणकर सेवा केंद्रामध्ये काही रिक्त पदे भरण्यासाठी भरती होणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.

वेवर सर्व्हिस सेंटरमध्ये ज्युनिअर वेवेर (Junior Weaver) च्या ३, अटेंडंट (वेविंग) ची १ आणि अटेंडंट (प्रोसेसिंग) ची १ अशा एकूण ५ रिक्त जागा भरल्या जाणार आहेत. यासाठी उमेदवारांकडून ऑफलाइन माध्यमातून अर्ज मागविण्यात आले आहेत.

ज्युनिअर वेवर पदासाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून दहावी उत्तीर्ण असणे आवश्यक आहे. तसेच उमेदवारांना संबंधित कामाचा किमान ८ वर्षांचा अनुभव असावा. या पदासाठी निवड झालेल्या उमेदवारांना २९,२०० ते ९२,३०० रुपयांपर्यंत पगार दिला जाणार आहे.

अटेंडंट (वेविंग) पदासाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून दहावी तसेच आयटीआय उत्तीर्ण असणे आवश्यक आहे. तसेच उमेदवारांना संबंधित कामाचा किमान २ वर्षांचा अनुभव असावा. या पदासाठी निवड झालेल्या उमेदवारांना १८,००० ते ५६,९०० रुपयांपर्यंत पगार दिला जाणार आहे.

अटेंडंट (प्रोसेसिंग) पदासाठी अर्ज करणाऱ्या उमेदवारांनी मान्यताप्राप्त शिक्षणसंस्थेतून दहावी तसेच आयटीआय उत्तीर्ण असणे आवश्यक आहे. तसेच उमेदवारांना संबंधित कामाचा किमान २ वर्षांचा अनुभव असावा. या पदासाठी निवड झालेल्या उमेदवारांना १८,००० ते ५६,९०० रुपयांपर्यंत पगार दिला जाणार आहे. निवड झालेल्या उमेदवारांना संपूर्ण देशभरातील कार्यालयामध्ये नोकरीसाठी नेमले जाईल.

पदभरतीसाठी अर्ज करताना उमेदवारांनी रेझ्युमे, दहावी, बारावी आणि शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.

या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. तसेच उमेदवारांना संबंधित संस्थेने दिलेल्या अटी आणि शर्थींचे पालन करणे आवश्यक आहे.

अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

उमेदवारांनी आपले अर्ज संचालक, वेवर्स सर्व्हिस सेंटर, १५-ए, मामा परमानंद मार्ग, ओपेरा हाऊस, मुंबई-४००००४ या पत्त्यावर पाठवायचे आहेत. ३० जानेवारी २०२३ ही अर्जाची शेवटची तारीख आहे. उमेदवारांना अधिकृत वेबसाइट www.handlooms.nic.in वर सविस्तर तपशील देण्यात आला आहे.

पदभरतीचा तपशील जाणून घेण्यासाठी येथे क्लिक करा

अधिकृत वेबसाइटवर जाण्यासाठी येथे क्लिक करा