Video : रणबीर-आलियाला माधुरी दीक्षितनं दिली मौल्यवान भेटवस्तू, भारावून गेल्या नीतू कपूर

मुंबई :रणबीर कपूर आणि आलिया भट्ट यांच्या आयुष्यात आता आनंद पसरलाय. नुकताच दोघांचा सिनेमा ब्रह्मास्त्र हिट झाला. तर आलियाचं डोहाळे जेवणही दणक्यात झालं. त्याचे फोटो व्हायरल झाले. बाॅलिवूड सुपरस्टार माधुरी दीक्षितची एक गोष्ट बाकी सगळ्यांना आवडली. झलक दिखला जा शोमध्ये तो प्रसंग पाहून चाहते खूश झाले.

झलक दिखला जा या कार्यक्रमात यावेळी खास गेस्ट म्हणून नीतू कपूर आल्या होत्या. त्यावेळी स्पर्धक नीती टेलरनं रणबीर-आलियाच लग्नच नृत्यातून दाखवलं. त्यामुळे नीतू कपूर हरखून गेल्या. त्यानंतर शोची जज माधुरी दीक्षितनं त्यांना एक सरप्राइझ दिलं.

Video : आशुतोषवर ओढवलं मोठं संकट,अरुंधती पाठीशी ठाम उभी, नात्याला येणार नवा रंग

माधुरी दीक्षितनं दिलं खास गिफ्ट
माधुरी म्हणाली, ‘रणबीर-आलियाचं लग्न झालं. आता ते आई बाबाही होणार आहेत. म्हणून त्यांच्यासाठी ही भेट आणली आहे.’ माधुरीनं नीतू कपूरच्या हातात बाळकृष्णाची मूर्ती दिली. ती पाहून नीतू कपूर भारावून गेल्या. त्यानंतर त्यांनी रणबीरच्या वरातीचा एक किस्सा सांगितला. त्यात जागा नव्हती, तरी रणबीर कसा नाचत होता, हे सांगितलं.

आलियाचे पुरवले डोहाळे
नुकतंच आलियाचं डोहाळे जेवण पार पडलं. आलिया भट्ट (Alia Bhatt Baby Shower New Pics) हिनं तिच्या डोहाळजेवणाच्या कार्यक्रमाला पारंपरिक ड्रेस घातला होता. आलिया पिवळ्या रंगाच्या ड्रेसमध्ये खूपच गोड दिसत आहे. आलियानं या कार्यक्रमाचे फोटो शेअर केले आहेत. हे शेअर करत असताना ‘निव्वळ प्रेम…’ अशी छोटीशी पण खूप काही सांगून जाणारी पोस्ट लिहिली आहे.

आलियाच्या डोहाळ जेवणाच्या कार्यक्रमावेळी रणबीर कपूर (Ranbir Kapoor)नं तिच्यावर प्रेमाचा वर्षाव केला आहे. या कार्यक्रमाला त्यानं गुलाबी रंगाची शेरवानी घातली असून त्यात तो हँडसम दिसत आहे.

एका कॉलवरुन सुरू झाली रेणुका शहाणे- आशुतोष राणांची लव्हस्टोरी

आलियावर सगळ्यांचं प्रेम
आलियाच्या डोहाळजेवणाच्या कार्यक्रमाला तिचे वडील महेश भट्ट, आई सोनी राजदान, बहिण पूजा भट्ट, शाहीन भट्ट देखील आवर्जून उपस्थित होते. त्यांच्याबरोबरचा फोटोही आलियानं शेअर केला आहे. आलियानं कपूर कुटुंबाबरोबरचा ग्रुप फोटोही सोशल मीडियावर शेअर केला आहे. त्यामध्ये नीतू कपूर, रिद्धिमा, करिश्मा, श्वेता बच्चन यांच्यासह कुटुंबातील अनेकजणी उपस्थित होत्या. या सर्वांनी पारंपारिक कपडे घातले होते.