Video: बिग बॉसच्या शूटिंगवेळी ‘गॅलेक्सी’त नव्हे इथे राहतो सलमान खान; महालापेक्षा कमी नाहीये घर

मुंबई: बॉलिवूडचा दबंग खान अर्थात सलमान खानचा (Salman Khan) स्वॅग त्याच्या चाहत्यांना माहीतच आहे. त्यांना हा स्वॅग आवडतो देखील. सध्या बिग बॉसच्या १६ व्या पर्वाचं सूत्रसंचालन सलमान खान करत आहे. त्याच्यासमोर सर्व स्पर्धकांची घाबरगुंडी उडते. सलमाननं बिग बॉसचं सूत्रसंचालन करायला २०१० पासून सुरुवात केली आहे. कार्यक्रमाचं पाचवं पर्व वगळता तो बिग बॉसच्या चौथ्या पर्वापासून कार्यक्रमासाठी सूत्रसंचालन करत आहे. अर्थात गेल्या १२ वर्षांपासून सलमान कार्यक्रमासाठी सूत्रसंचालन करत आहे.

दरम्यान बिग बॉस १६ च्या घराची थीम यावर्षी ‘सर्कस’ आहे. बिग बॉसचं घर किती आलिशान आहे, याची माहिती आपल्या सर्वांनाच आहे. परंतु कार्यक्रमाचं शूटिंग जेव्हा सुरू असतं तेव्हा सलमान त्याच्या गॅलेक्सी या घरात राहात नाही. तर कार्यक्रमाच्या निर्मात्यांनी खास त्याच्यासाठी भाड्यानं घेतलेल्या सुसज्ज अशा बंगल्यामध्ये त्याचं वास्तव्य असतं.

हे वाचा-अल्पवयीन मुलाला दिली होती सलमानला जीवे मारण्याची सुपारी! पोलिसांनी आवळल्या मुसक्या

सलमान खान गेल्या अनेक वर्षांपासून त्याच्या कुटुंबियांबरोबर गॅलेक्सी अपार्टमेंटमध्ये रहात आहे. परंतु जेव्हा बिग बॉस कार्यक्रमाच्या चित्रीकरणाला सुरुवात होते तेव्हा मात्र सलमान गॅलेक्सीमधील त्याच्या घरी राहात नाही. तर निर्मात्यांनी खास त्याच्यासाठी भाड्यानं घेतलेल्या आलिशान बंगल्यामध्ये तो राहातो. यंदा देखील कार्यक्रमाच्या निर्मात्यांनी बिग बॉसच्या घराजवळच सलमानसाठी आलिशान असा बंगला भाड्यानं घेतला आहे. सलमानचा स्टायलिस्ट आणि डिझायनर एशले रेबेलो यानं त्याच्या सोशल मीडियावर सलमानच्या या आलिशान आणि सर्व सोयींनी सुसज्ज अशा मिनी हाऊसची एक झलक दाखवणारा व्हिडिओ शेअर केला आहे. हा व्हिडिओ पाहून या आलिशान घराची कल्पना येते.

हे वाचा-प्रवीण तरडेंच्या फेसबुकवरुन पाठवले जातायंत भलतेच मेसेज; नेमकं काय घडलं?

असं आहे सलमान खानचं घर

एशले रेबेलो यानं शेअर केलेल्या व्हिडिओची सुरुवात घराच्या प्रवेशद्वारापासून होते. घरामध्ये एक सुंदर बाग आहे, तिथं कारंजे आहे आणि आकर्षक असं झुंबर आहे. त्याशिवाय या ठिकाणी बसण्यासाठी काही सोफे आहेत. घराच्या आतमध्ये गेल्यावर सुंदर असं डायनिंग एरिआ आहे. लिविंग रूम, जिम आणि बेडरूम आहे. घराच्या दरवाज्यांवर सलमान खानचे फोटो आणि त्याची आवडती चित्रं लावली आहेत. तसंच लिविंग रूममध्ये एक मोठ्ठा टीव्ही देखील आहे. या घरामध्ये सर्व अत्याधुनिक सुविधा आहेत. सलमानचं हे घर एखाद्या राजमहालापेक्षा कमी नाही.

सलमानच्या घराला कोणी केलं डिझाईन

बिग बॉसच्या निर्मात्यांनी सलमानसाठी घेतलेला हा बंगला अतिशय सुंदर आहे. या बंगल्याचं डिझाईन कुणी केलं हे सांगितलेलं नाही. मात्र त्याचं इंटिरीअर खूप सुरेख आहे. बिग बॉसच्या घराचं डिझाईन सिने निर्माता उमंग कुमार आणि त्यांची पत्नी वनिता हिनं डिझाईन केलं आहे. यासाठी त्यांना सहा महिने लागले.