फेब्रुवारी 27, 2024

VIDEO : आश्रमात गायिकांवर लाखो रुपयांची उधळण; सामाजिक कार्यासाठी पैसे वापरत असल्याची आयोजकांची माहिती

या कार्यक्रमासाठी परवानगी दिली नव्हती असे पोलिसांनी म्हटले आहे.

विरारमधील एका आश्रमशाळेत झालेला ‘डायरो’ हा धार्मिक कार्यक्रम वादात सापडला आहे. या कार्यक्रमात पहाटेपर्यंत गायिकांवर लाखो रुपये उधळल्याची व्हिडीओ क्लिप सोशल मीडियावर व्हायरल झाली आहे. आयोजकांनी मात्र हा आरोप फेटाळताना डायरो हा पारंपरिक कार्यक्रम असून गोशाळेच्या निधीसंकलनासाठी पोलिसांच्या परवानगीनेच तो आयोजित केला होता,असे म्हटले आहे. दरम्यान, पोलिसांनी याप्रकरणी चौकशी करून नियमांचे उल्लंघन झाले असल्याचे आढळल्यास कारवाई केली जाईल, असे सांगितले.

विरार पूर्वेकडील रायपाडा येथे आनंदधाम गोशाळा हा आश्रम आहे. सामाजिक कार्यासाठी आश्रमातर्फे दरवर्षी डायरो या पारंपरिक कार्यक्रमाचे आयोजन केले जाते. त्यात गायकांवर पैसे उधळले जातात. हे पैसे नंतर सामाजिक कार्यासाठी वापरले जातात. शनिवारी रात्री आश्रमात डायरो कार्यक्रमाचे आयोजन करण्यात आले होते. या कार्यक्रमात राजस्थानमधील प्रसिध्द गायिका गीताबेन राबरी सहभागी झाल्या होत्या. कार्यक्रमात वसई विरारसह मुंबईतून हजारो नागरिक सहभागी झाले होते. यावेळी गायिकांवर पैसे उधळण्यात आले. याचा व्हिडीओ व्हायरल झाल्याने सोशल मीडियावार आश्चर्य व्यक्त होत आहे. त्यामुळे या कार्यक्रमाला परवानगी होती का? पहाटेपर्यंत असे पैसे उधळणे योग्य होते का असे सवाल उपस्थित झाले आहेत.

हेही वाचा :  गलवान संघर्षातील शहीद नायक दीपक सिंह यांची पत्नी होणार लष्करी अधिकारी; पाच दिवसांच्या मुलाखतीनंतर परीक्षा उत्तीर्ण

दरम्यान, आश्रम व्यवस्थापनाने हे आरोप फेटाळून लावले आहेत. डायरो हा गुजरात मधील पारंपरिक सांस्कृतिक कार्यक्रम आहे. सामाजिक कार्यासाठी निधी संकलन करण्यासाठी भजन आणि धार्मिक गाणी सादर केली जातात आणि त्यात गायकांवर पैसे उधळले जातात. हे पैसे सामाजिक कार्यासाठी वापरले जातात असे आश्रमच्या संचालिका माताजी वीणा चौहान यांनी सांगितले. ज्यांना हा प्रकार माहित नाही त्यांनाच तो चुकीचा वाटतो. आमचा हा सहावा डायरो कार्यक्रम होता. त्याला पोलिसांची परवानगी होती. कार्यक्रमात कुठल्याही करोना नियमांचे उल्लंघन झालेले नाही. कार्यक्रमासाठी चार हजारांहून अधिक जण उपस्थित होते. पण प्रत्येकांचे लसीकरण प्रमाणपत्र तपासून, निर्जंतुकीकरण करून प्रवेश देण्यात आला होता अशी माहिती माताजी वीणा यांनी दिली. कार्यक्रमात हिंदी सिनेमातील गाणी नव्हती तर सिनेमांच्या चालीवर भजने होती, असेही त्यांनी स्पष्ट केले.

आमच्याकडे कुठलाही तक्रार आलेली नाही. आम्ही परवानगी दिलेली नव्हती. मात्र या प्रकरणाची माहिती घेऊन जर कुठल्या नियमांचे उल्लंघन झाले असेल तर कारवाई केली जाईल, असे विरार पोलीस ठाण्याचे वरिष्ठ पोलीस निरीक्षक सुरेश वराडे यांनी दिली.

हेही वाचा :  मुख्यमंत्र्यांच्या उपस्थितीत अखेर मनोज जरांगेंनी 17 व्या दिवशी उपोषण सोडलं

Loksatta Telegram

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Team Majhinews

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …