तुमचं मुलंही वयात आलंय का? वयात आल्यावर मुलं आई-वडिलांपासून का ठेवतात अंतर?

​आई-वडिल मुलांना करतात मॅनिपुलेट

जेव्हा पालकांना असुरक्षिततेची भावना वाटते तेव्हा ते मुलांशी बोलायला जातात. त्यांच्या जवळ जाण्याचा प्रयत्न करतात. पण हे नातं मुलांच्या तरूणपणात नाही तर त्यांच्या लहानपणीच निर्माण करायला हंव. अनेक पालक मुलाला आपल्या नियंत्रणात ठेवण्यासाठी भावनिकरित्या ब्लॅकमेल करतात. जे अजिबात योग्य नाही. मुलं वयात येतात तेव्हा त्यांच्यात अगोदरच मानसिक आणि शारीरिक बदल होत असतात. अशावेळी त्या बदलांना पालकांनी समजून घेतलं पाहिजे. अशावेळी मुलांना मॅनिपुलेट करणे चुकीचे आहे.

​पालक मुलांना आपल्यासारखं करण्याचा प्रयत्न करतात

पालक मुलाला स्वतःचे समजू लागतात. प्रत्येकाच्या आवडीनिवडी आणि श्रद्धा वेगवेगळ्या असतात. जर तो तुमचा मुलगा असेल तर सर्व गुण आणि सवयी तुमच्याकडूनच येतील असे नाही. बदलत्या काळानुसार स्वतःमध्ये बदल करणे देखील आवश्यक आहे. बरेच पालक मुलाला आपल्यासारखंच वागायला सांगू लागतात आणि त्यांच्याकडून अपेक्षा करतात की पालकांना जो निर्णय योग्य वाटेल तो मुलालाही योग्य वाटेल. या परिस्थितीत, मूल स्वतःला पालकांपासून दूर ठेवणे योग्य समजते.

(वाचा – मुलांना जंक फूडपासून चार हात दूर ठेवतील हे 5 उपाय, अवघ्या काही दिवसांतच अनहेल्दी सवय सुटेल))

​पालक मुलांना निर्णय घेऊ देत नाहीत

पालक आपली चूक मान्य करण्यास नकार देतात. पालक आपल्या पाल्यासमोर आपली चूक कधीच मान्य करत नाहीत. जर त्याने एकदा मुलाशी गैरवर्तन केले, किंवा मुलाला त्याच्या आवडीचा निर्णय घेऊ दिला नाही, तर चूक मान्य करण्याऐवजी, ते सर्व तुमच्या भल्यासाठी आहे असे म्हणू लागतो, ज्यामुळे मूल खूप अस्वस्थ होते. अशावेळी पालकांनी मुलांना थोडी मुभा द्यावी. कारण वयात आलेल्या मुलांना आपण काही करू शकतो, असं वाटत असतं. अशावेळी पालकांनी मुलांवर विश्वास ठेवायला हवा.

(वाचा – आईला पाहताच मुलांच्या डोक्यात सुरू होतात मस्तीच्या भन्नाट आयडिया, अशावेळी या ट्रिक्समुळे वापरा आणि मिळवा सुटका)

​मुलांच्या भावनिक गरजा पालक समजून घेत नाहीत

अनेकवेळा मूल पालकांशी त्याच्या मनाच्या गोष्टी किंवा भावनिक गरजांबद्दल बोलतो, तेव्हा त्यांना काय हवे आहे ते समजत नाही. पालक अशावेळी गंमतीने ते प्रकरण टाळतात. जेव्हा मुलाला असे वाटते की, त्याचे पालक आपल्याला समजून घेत नाहीत, तेव्हा तो पुढच्या वेळेपासून त्यांना सांगणे थांबवतो आणि हळू हळू पालकांपासून दूर जाऊ लागतो.

अशावेळी पालकांनी प्रत्येक गोष्ट ऐकली पाहिजे. मुलांना मोकळेपणाने बोलायला दिलं पाहिजे. ज्यामुळे मुलांना आपले पालक आपलं ऐकतात आणि ते आपल्यासोबत कायमत आहेत याची जाणीव त्यांना होते.

(वाचा – दूध प्यायल्यावर बाळाचं पोटं भरलं की नाही, कसं समजेल? डॉक्टरांनी सांगितल्या टिप्स))

​पालक मुलांचा आदर करत नाहीत

बरेचदा असे घडते की कुठेतरी सार्वजनिक ठिकाणी किंवा मुलाच्या मित्रांसमोर पालक मुलांना ओरडतात. त्यांच्या चुका जगासमोर मांडतात. त्यामुळे मुलं पालकांशी कनेक्टच करू शकत नाहीत. आपले पालकच आपले मोठे शत्रू आहेत असं मुलांना वाटतं. म्हणून ते पालकांचा आदर करत नाही. त्यांचा अपमान करतात.

(वाचा – Aishwarya Rai Parenting Tips : ऐश्वर्या राय आराध्याची बेस्ट फ्रेन्ड, या 5 गोष्टीमुळे ठरते ‘स्टार सेलिब्रिटी मॉम’))