सकाळी सकाळी शरीरात दिसतात कॅन्सरची ही 3 भयंकर लक्षणं, हे दुसरं लक्षण आहे जीवावर बेतणारं

सकाळी जाणवतात काही संकेत

खोकला, घसा खवखवणे आणि थकवा ही लक्षणे अनेक रोगांची लक्षणे आहेत. तथापि, सकाळी उठल्यावर सततचा खोकला किंवा घसा खवखवणे ही लक्षणे कर्करोगाची देखील असू शकतात बरं का आणि जर तुम्ही धूम्रपान करत असाल तर नक्कीच ही शक्यता जास्त बळावते. त्यामुळे तुम्हाला जर अशी गोष्ट रोज सकाळी जाणवत असेल तर वेळीच डॉक्टरांचा सल्ला घेऊन निदान करून घ्या. जेणेकरून कॅन्सर असल्यास वेळीच त्यावर उपचार करता येतील.

(वाचा :- करोनाच्या सर्वात खतरनाक वेरिएंटची भारतात एंट्री, विषाणू हवेत पसरले असून WHO ने दिला धोक्याचा इशारा, वाचा लक्षण)

2 आठवड्यापेक्षा जास्त खोकला आहे वाईट

केमिस्ट क्लिकचे फार्मासिस्ट अब्बास कनानी यांनी express.co.uk या वेबसाइटला माहिती देताना सांगितले की, धूम्रपान करणारे अनेकदा सकाळी खोकत खोकतच उठतात. जर तुम्हाला दोन आठवड्यांपेक्षा जास्त काळ सतत खोकला येत असेल तर तुम्ही चाचणी करून घ्यावी. वेळीच जर तुम्ही चाचणी केली तर कॅन्सर ओळखता येतो आणि वेळीच निदान झाल्याने वेळीच उपचार सुरु करता येतात. याचा फायदा म्हणजे तुम्ही वेळीच सुरक्षित राहू शकता. त्यामुळे असे काही असल्यास गाफील राहू नका.

(वाचा :- Dangal सिनेमातील Fatima Sana Shaikh मेंदूच्या भयंकर आजाराने ग्रस्त, दिसतात ही लक्षणं, किती घातक आहे हा आजार..?)

घशातील खवखव घेऊ नका हलक्यात

कनानी यांनी सांगितले की, सकाळी उठल्यानंतर काही लोकांना घसा खवखवल्यासारखे वाटते, जे अनेक समस्यांचे लक्षण असू शकते, परंतु जर तुम्हाला ही समस्या सतत दोन आठवडे होत असेल तर तुम्ही त्याची तपासणी करून घ्यावी.

(वाचा :- या डाळीने बनवलेला इडली व डोसा खाणा-यांनो सावधान, फुफ्फुसापर्यंत पसरतं ‘विष’, आयुर्वेदिक डॉक्टरने सांगितला उपाय)

थकवा सुद्धा आहे कॅन्सरचे लक्षण

कनानी यांच्या मते, सकाळी थोडा थकवा जाणवणे सामान्य आहे, परंतु जर तुम्हाला खुप जास्त थकवा जाणवत असेल वा तुम्हाला दिवसभर थकवा जाणवत असेल, तर ग्तुम्ही चाचणी करायलाच हवी. रात्रीच्या विश्रांतीनंतरही थकवा येणे हे अजिबात चांगले लक्षण नाही हे लक्षात घ्या आणि जर हे लक्षण तुम्हाला तुमच्या शरीरात रोज दिसत असले तर वेळीच डॉक्टरांना भेटून पुढील पाउले उचला.

(वाचा :- रात्री लागत नाही सुखाची झोप? मग डॉक्टरकडे जाण्याआधी सुधारा या 5 सवयी, वाचेल हजारो रूपये फी व येईल गाढ शांत झोप)

कॅन्सरची कारणे

जेव्हा मानवी शरीरातील सामान्य पेशी ट्यूमर पेशींमध्ये बदलतात तेव्हा कर्करोग होतो. कर्करोगाची तीव्रता वेगवेगळ्या स्तरांवर वाढते. पॅराबँगनी किरणे, एस्बेस्टोस, तंबाखूचा धूर, अल्कोहोल, अफलाटॉक्सिन, कार्सिनोजेन्स तसेच काही विषाणू, जीवाणू किंवा परजीवी कर्करोगास कारणीभूत ठरतात. तुम्हाला कॅन्सर पासून खरंच सुरक्षित राहायचे असेल तर शक्य तितकी हेल्दी लाईफस्टाईल अवलंबा. स्वत:च्या आरोग्याकडे जास्तीत जास्त लक्ष द्या. कारण कॅन्सर होणे खूप वाईट असते. आता तुमच्याकडे वेळ आहे तर त्याचा सदुपयोग करा आव आपले अमुल्य आयुष्य वाचवा.

(वाचा :- Mental Health Tips : मेंटल हेल्थ खराब करतात या गोष्टी, झोप आणि शांती घेतात कायमची हिरावून, व्हा सावध)

ही लक्षणे अजिबात दुर्लक्षित करू नका

जर तुम्हाला रात्री घाम येत असेल, तुम्ही नेहमी थकलेले असाल, तुमचे वजन कमी होत असेल किंवा तुम्हाला सहज जखम होत असेल, तर सावध रहा. याशिवाय, असामान्य गाठ किंवा सूज आणि लघवीचा रंग बदलणे यासारख्या लक्षणांवर बारकाईने लक्ष ठेवा. अशी लक्षणे अजिबात दुर्लक्षित न करता वेळीच डॉक्टरांना भेटा आणि त्यांच्याकडून वेळीच सल्ला घेऊन योग्य तपासणी करून घ्या.

(वाचा :- Uric Acid : गुडघ्यासोबत सांधेही होतील लाकडासारखे खिळखिळे, हे पदार्थ हाडांत भरतात युरिक अ‍ॅसिड, चुकूनही खाऊ नका)

डिस्क्लेमर: हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.