MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
याचे कारण असे की, विविध संशोधकांना अभ्यासात असे आढळून आले आहे की, दररोज खाल्ल्या जाणाऱ्या काही गोष्टी शरीरात हळूहळू कर्करोग निर्माण करण्यास कारणीभूत ठरू शकतात. काही पदार्थ टाईप 2 मधुमेहाचा व लठ्ठपणाचा धोका वाढवू शकतात तर काही कर्करोगाशी संबंधित आहेत. बर्‍याच पदार्थांमध्ये कार्सिनोजेन्स असतात, जे हानिकारक पदार्थ असतात ज्यात कर्करोगाची वाढ करण्याची क्षमता असते. चला जाणून घेऊया संशोधनात असे कोणते पदार्थ लिहिले गेले आहेत, ज्यामुळे विविध प्रकारच्या कर्करोगाचा धोका वाढू शकतो. (फोटो साभार: istock by getty images)
सॉफ्ट ड्रिंक्स व सोडा
लठ्ठपणामुळे अनेक प्रकारचे कर्करोग होतात, त्यामुळे निरोगी वजन राखणे अत्यंत महत्त्वाचे आहे. सॉफ्ट ड्रिंक्स आणि सोडा यासारख्या गोष्टींचे नियमित सेवन केल्याने लठ्ठपणा वाढतो आणि ही समस्या भविष्यात कर्करोगाला कारणीभूत ठरते.
(वाचा :- Honey for weight loss : आठवड्याभरात मेणासारखी वितळेल पोट, कंबर व मांड्यांवरची चरबी, मधात मिक्स करून खा ‘हे’ 6 पदार्थ!)
फास्ट फूड
जंक फूड म्हणून ओळखल्या जाणार्‍या फास्ट फूडमध्ये विषारी रसायने असतात, ज्यामुळे कर्करोग आणि इतर अनेक आरोग्यविषयक समस्या उद्भवतात. एका अभ्यासानुसार फास्ट फूडमध्ये फॅथलेट्स (Phthalate) असतात. Phthalate हे एक संयुग आहे जे प्लास्टिक सामग्रीला लवचिक बनवते. हे रासायनिक कंपाऊंड कर्करोग, इनफर्टिलिटी, लिव्हर डॅमेज आणि अस्थमा अटॅक यांसह अनेक आरोग्य समस्यांशी जोडलेले आहे.
(वाचा :- Vaccination for kids : गुड न्यूज, मुलांचे करोना वॅक्सिनेशन झाले सुरू, वॅक्सिन देण्याआधी आणि दिल्यानंतर करा ‘ही’ 5 कामे, साइड इफेक्ट्सपासून होईल बचाव)
दारू
अनेकजण अधूनमधून दारू पिण्याचा आनंद घेतच असतात. दारुचे सेवन शक्य तितके कमी करावे असे डॉक्टरही सांगतात. पोट, स्तन, लिव्हर, तोंड, घसा आणि अन्ननलिका इत्यादींसह अनेक प्रकारचे कर्करोग अल्कोहोलच्या सेवनाशी संबंधित आहेत. जेव्हा तुम्ही अल्कोहोलचे सेवन करता तेव्हा तुमचे लिव्हर अल्कोहोल एसीटाल्डिहाइड (कर्करोगजन्य कार्सिनोजेनिक संयुगा) मध्ये मोडते.
(वाचा :- Health Mistakes : सावधान, तुमच्याच ‘या’ 7 वाईट सवयींमुळे व्हाल हार्ट अटॅकचे व गंभीर हृदयरोगांचे शिकार, ताबडतोब बदला!)
डब्बाबंद किंवा पाकिटबंद पदार्थ (Canned and packed foods)
पाकिटबंद केलेले किंवा पॅकेज्ड अन्नपदार्थ खाण्याचा ट्रेंड भारतात हळू हळू आणि सातत्याने वाढत आहे. आता तुम्हाला पॅकेज्ड केलेल्या उत्पादनांमध्ये बाजारपेठेतील सर्व काही सहज सापडेल जे शिजवणे देखील खूप सोपे आहे. झटपट पोहे, नूडल्स, इडली, उपमा, पास्ता, मॅगी असे अनेक प्रकारचे पॅक केलेले पदार्थ आहेत जे तुम्ही निवडू शकता. खरं सांगायचं तर ते स्वयंपाकाची प्रक्रिया त्रासमुक्त जरुर करू शकतात पण यामुळे कर्करोग होण्याचा धोका देखील वाढू शकतो. बहुतेक रेडी टू कुक फूड पॅक मध्ये बिस्फेनॉल ए (बीपीए) नावाचे रसायन असते. अन्ना मध्ये विरघळल्या नंतर हे संयुग हार्मोनल असंतुलन, डीएनए बदल आणि कर्करोग यास कारणीभूत ठरु शकते.
(वाचा :- Lower Cholesterol Diet : वयाच्या 30 शीतच खायला सुरू करा ‘हे’ 5 पदार्थ, म्हातारपणापर्यंत शरीरात घुसणार नाही हार्ट अटॅकला जबाबदार कोलेस्ट्रॉल..!)
रिफाइंड प्रोडक्ट्स (Refined products)
डॉक्टर म्हणतात की मैदा, साखर किंवा तेल या सर्व घटकांमध्ये कर्करोगाच्या पेशींच्या विकासाचा धोका वाढवण्याची क्षमता आहे. अभ्यास दर्शवितो की जास्त प्रमाणात परिष्कृत म्हणजेच रिफाइंड साखर आणि कार्बोहायड्रेट शरीरात ऑक्सिडेटिव्ह स्ट्रेस आणि सूज येण्याचा धोका वाढवू शकतात, जे शरीरातील विविध प्रकारच्या कर्करोगाला निमंत्रण देऊ शकतात. ज्या लोकांच्या आहारात रिफांइड उत्पादने जास्त प्रमाणात असतात त्यांना डिम्बग्रंथि (ovarian),, स्तन (breast) आणि एंडोमेट्रियल (गर्भाशय किंवा endometrial or uterine) या कर्करोगांचा धोका जास्त असतो. म्हणून आपण या प्रकारच्या अन्नाचे सेवन अगदी कमी प्रमाणात केले पाहिजे. साखरे ऐवजी गूळ किंवा मध खावे. तुम्ही रिफाइंड कार्ब्स संपूर्ण धान्यांसह बदलू शकता आणि रिफाइंड तेलाऐवजी मोहरीचे तेल किंवा तूप वापरू शकता.
(वाचा :- Unusual Symptoms of Diabetes : सावधान, ‘ही’ 5 विचित्र लक्षणे दिसल्यास व्हा ताबडतोब सावध, असू शकते डायबिटीजची सुरूवात, दुर्लक्ष केल्यास होईल पश्चाताप!)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.
