तुम्हालाही वाटतंय का भात खाल्ल्याने वजन वाढतंय? तर मग भात शिजवण्याची योग्य पद्धत

भाताच्या बाबतीत काय सांगते संशोधन

भात खाल्ल्याने वजन वाढते हे काही अंशी खरं आहे मात्र तुम्ही भात खाऊच शकत नाही असं नाही. PubMed द्वारे करण्यात आलेल्या एका अभ्यासानुसार आशियात किमान १,१०,००० पद्धतीचे तांदूळ मिळतात. ज्यामध्ये वेगवेगळी पोषक तत्व आणि गुणवत्ता असते. पण अधिक प्रमाणात कॅलरी असतात. असे असले तरीही भातामध्ये अनेक पोषक तत्व अशी असतात जी आरोग्यासाठी फायदेशीर ठरतात.

कॅलरीच नाही तर पोषक तत्वांचा खजिना

न्यूट्रीफाय बाय पूनम अँड वेलनेस क्लिनिक अँड अकॅडमीच्या संचालक पूनम दुनेजानुसार भातामध्ये अनेक महत्त्वपूर्ण पोषक तत्व असतात, जे शरीराला उर्जा प्रदान करून आजारांच्या विरोधात लढण्यास मदत करतात. तांदळात सेलिनियम, मॅग्नेशियम, विटामिन बी, मँगनीज, लोह, थायमिन, फायबर याचे अधिक प्रमाण मिळते. तुपासह भात खाणे नेहमीच फायदेशीर ठरते अगदी आजारातही हे अन्न देण्यात येते. वजन न वाढण्यासाठी आणि साखरेची रक्तातील पातळी संतुलित राहण्यासाठी कसा भात शिजवावा जाणून घ्या.

अर्धा तास आधी भिजवा तांदूळ

भात शिजवण्याआधी सर्वात महत्त्वाची गोष्ट लक्षात घ्या ती म्हणजे अर्धा तास आधी तांदूळ भिजवा. यामुळे पोषक तत्वात वाढ होते आणि शिजवण्याचा वेळही वाचतो. त्यामुळे भात शिजविण्याआधी अर्धा तास आधी तांदूळ भिजवून ठेवा.

(वाचा – पारंपरिक जेवणाचा स्वाद आणि सुगंध हवा असेल तर कसूरी मेथीचा करा वापर, सोप्या पद्धतीने घरीच बनवा)

कुकरपेक्षा बाहेर शिजवा

कुकरमध्ये भात शिजविण्यापेक्षा बाहेर पातेल्यात भात शिजवा. त्यासाठी एक मोठे पातेले घ्या. त्यात आवश्यकतेनुसार पाणी घाला आणि उकळवा. पाणी उकळल्यानतंर त्यात दोन चमचे नारळाचे तेल मिक्स करा.

(वाचा – Cooking Hacks: कुकरमध्ये असा शिजवा भात होणार नाही कोरडा, सुटसुटीत आणि मोकळ्या भाताची योग्य पद्धत)

पाणी काढून तांदूळ मिक्स करा

भिजवलेल्या तांदळातील पाणी काढून पातेल्यात उकळत असलेल्या पाण्यात तांदूळ मिक्स करा. त्यानंतर त्यावर झाकण ठेवा आणि भात मंद आचेवर शिजू द्या. हवं तर झाकण अर्धवट ठेवा. यामुळे पाणी आणि भात शिजल्याचा तुम्हाला व्यवस्थित अंदाज येऊ शकतो. मध्येच तांदूळ शिजला की नाही हे तुम्ही हाताने तपासून पाहू शकता.

(वाचा – घरात दही लावल्यावर पाणी सुटतंय का? घट्ट आणि गोड दही बनविण्याच्या सोप्या ट्रिक्स)

अतिरिक्त पाणी काढा

भात शिजल्याचे कळताच आतील अतिरिक्त पाणी चाळतीत गाळून घ्या. हे अतिरिक्त पाणीच तुमचे वजन वाढविण्यास कारणीभूत ठरते. तुम्हाला वजन कमी करायचे असेल तर भातात अतिरिक्त पाणी अजिबात राहू देऊ नका. याला पेज असे म्हटलं जातं. तुम्हाला वजन वाढवायचं असेल तर ही पेज फायदेशीर ठरते. हे तांदळाचे पाणी तुम्ही त्वचेसाठी वापरू शकता अथवा कपड्यांसाठी स्टार्च म्हणून वापरा.

वाफ ठेऊ नका

सर्व पाणी काढल्यानंतर वूडन स्टिक अथवा चमच्याने तांदूळ व्यवस्थित ढवळून घ्या. यामुळे त्यात वाफ राहणार नाही. असा सुटसुटीत, मोकळा भात खाण्यासाठी तयार आहे आणि यामुळे तुमचे वनज वाढत नाही. भाजी, दही, सलाड, आमटी, कढीसह या भाताचा आस्वाद तुम्ही घेऊ शकतो.